ຮ້ານອາຫານເບ ປິ້ງແບ້ສະຫວັນ-ເດີ່ນເຕະບານໂຟລາລີຊຸກຍູ້ໜ່ວຍງານສະເພາະກິດ

ຂ່າວ ບຸນນິກ 

   ວັນທີ 26-27 ຜ່ານມາທີມງານຮ້ານອາຫານເບ ປິ້ງແບ້ສະຫວັນ-ເດີ່ນເຕະບານໂຟລາລີລວມເຖິງສະມາຄົມມັງກອງທອງມອບເຄື່ອງດື່ມ, ເຈ້ວລາງມື ແລະເຄື່ອງທີ່ຈຳເປັນມອບໃຫ້ຫນ່ວຍງານຄະນະສະເພາະກິດປ້ອງກັນ ແລະຄວບຄຸມການແຜ່ລະບາດພະຍາດໂຄວິດ-19 ຈໍານວນ 9 ຈຸດຂອງນະຄອນຫຼວງວຽງຈັນ ຊຶ່ງນຳທີມທ່ານ ວັດທະນາໄຊ ລາດຊະວົງສິງ ປະທານສະມາຄົມມັງກອນທອງ, ທ່ານ ບຸນມີ ຫຼ່ຽມໄຊຍະຈັກ ເຈົ້າຂອງຮ້ານອາຫານເບປິ້ງແບ້ສະຫວັນ.

ທ່ານ ບຸນມີ ຫຼ່ຽມໄຊຍະຈັກ ໃຫ້ຂໍ້ມູນຕໍ່ນັກຂ່າວໜັງສືພິມເສດຖະກິດ-ສັງຄົມ ວ່າ: ການນຳເຄື່ອງຊ່ວຍຄັ້ງນີ້ກໍເພື່ອເປັນການຊຸກຍູ້ເຈົ້າຫນ້າທີ່ໃນການປະຕິບັດວຽກງານໂດຍຈຸດທີ່ນຳເອົາເຄື່ອງໄປມອບປະກອບມີຈຸດຊ້າງ 3 ຫົວ, ຈຸດທາງເຂົາຕາດມູນ, ເສັ້ນທາງຕາດມູນ ແລະ ປາກປາສັກ ແລະ ຈຸດໄຟແດງຫຼັກ 10, ຫ້ອງການບ້ານຫາດຊາຍຂາວ, ຈຸດວົງວຽງຈິ່ນາຍໂມ້ ແລະດົງຄຳຊ້າງ.

   ແນວໃດກໍ່ຕາມສຳລັບເຄື່ອງທາງໂຄງການໄດ້ແຈກຍາຍໄປນັ້ນຈະຊ່ວຍແບ່ງເບົາພາລະໃຫ້ແກ່ຜູ້ທີ່ໄດ້ຮັບບໍ່ຫຼາຍກໍ່ຫນ້ອຍ ແລະຂໍອວຍໄຊໃຫ້ພອນແກ່ບັນດາທ່ານຈົ່ງມີສຸກຂະພາບແຂງແຮງປອດໄພຈາກພະຍາດໂຄວິດ-19 ນີ້ດ້ວຍ ແລະຂໍໃຫ້ລະບົບເສດຖະກິດຈົ່ງກັບຄືນຟື້ນຕົວເປັນປົກະຕິໄວໄວດ້ວຍ.

แชร์