ເຈົ້າແຂວງຫຼວງພະບາງ ຊີ້ນໍາຄະນະສະເພາະກິດ ເລັ່ງຄວບຄຸມໂຄວິດ ເມືອງງອຍອັນດັບໜຶ່ງ

    ວັນທີ 25 ກັນຍາ 2012 ຜ່ານມາທ່ານ ຄຳຂັນ ຈັນທະວີສຸກ ເຈົ້າແຂວງຫຼວງພະບາງເລັ່ງປະຊຸມດ່ວນຊີ້ນໍາໃຫ້ຄະນະສະເພາະກິດຕ້ານການລະບາດໂຄວິດ-19 ທີ່ພວມລະບາດຢູ່ແຂວງຫຼວງພະບາງໂດຍສະເພາະເມືອງງອຍໃນຕອນນີ້ພວມລະບາດໃນຊຸມຊົນຢ່າງໜັກສະນັ້ນເພື່ອປະຕິບັດມາດຕະການຄວບຄຸມການລະບາດຂອງພະຍາດໂຄວິດ-19 ຢູ່ເມືອງງອຍແຂວງຫຼວງພະບາງໃຫ້ຍົກເປັນບູລິມະສິດອັນດັບໜຶ່ງ.


   ທ່ານເຈົ້າແຂວງໄດ້ກ່າວວ່າ: ການລະບາດຂອງພະຍາດໂຄ-19 ຢູ່ແຂວງເຮົາແມ່ນຍັງມີຄວາມສ່ຽງສູງຍ້ອນສັງຄົມຍັງຖືເບົາບໍ່ປະຕິບັດລະບຽບກໍ່ຄືມະຕິຄຳສັ່ງຕ່າງໆ ຍັງບໍ່ທັນເຂັ້ມງວດ, ລະເລິງ, ບັນດາບ້ານ, ບັນດາເຂດແດນບໍ່ປະຕິບັດລະບຽບການລັອກດາວເຂັ້ມງວດ, ການຊີ້ນໍາ-ນໍາພາຂອງຄະນະພັກຂັ້ນຕ່າງໆຈຳນວນໜຶ່ງບໍ່ທັນແທດເຖິງຕົວຈິງ, ກຳບໍ່ໄດ້ບັນຫາ, ການໂຄສະນາບໍ່ທັນກວ້າງຂວາງ, ຄວາມຮັບຜິດຊອບຂອງຄະນະພັກ, ອຳນາດການປົກຄອງຍັງບໍ່ທັງສູງ, ຍັງຖືເບົາ, ລະບຽບການຄຸ້ມຄອງສູນກັກກັນແຕ່ລະບ່ອນບໍ່ທັນເຂັ້ມງວດ, ຜູ້ທີ່ສຳພັດໃກ້ສິດກັບຜູ້ມີຄວາມສ່ຽງບໍ່ຈິງໃຈລາຍງານທາມລາຍຂອງຕົນເອງ. ດັ່ງນັ້ນເຮົາຕ້ອງສຸມໃສ່ແກ້ໄຂການລະບາດຄັ້ງນີ້ຢູ່ເມືອງງອຍເປັນບຸລິມະສິດອັນດັບໜຶ່ງ, ສືບຕໍ່ອອກແຈ້ງຂອງທ່ານເຈົ້າແຂວງ, ນຳໄປຜັນຂະຫຍາຍ, ກຳນົດເວລາໃຫ້ລະອຽດ,ສຳລັບມາດຕະການແກ້ໄຂແມ່ນຕ້ອງໂຄສະນາສຶກສາອົບຮົມຢູ່ສຳນັກເມືອງງອຍຢ່າງເປັນປົກກະຕິ, ກຳນົດເຂດໃຫ້ມັນຈະແຈ້ງບ່ອນຕິດ, ບ່ອນໃດແມ່ນເຂດແດງໃຫ້ນຳໃຊ້ບົດຮຽນທີ່ເຮົາມີໃນການລະບາດ ຮອບ 2 ເປັນບົດຮຽນ, ຫ້າມເຄື່ອນຍ້າຍຄົນອອກຈາກເຮືອນທີ່ມີຄວາມສ່ຽງ, ຫ້າມຄົນເມືອງອື່ນເຂົ້າເມືອງງອຍ ແລະ ຄົນເມືອງງອຍໄປເມືອງອື່ນ, ເດັດຂາດບໍ່ໃຫ້ ປະຊາຊົນອອກຈາກບ້ານສຳລັບຄົນເຈັບເປັນຢູ່ບ່ອນໃດໃຫ້ປິ່ນປົວຢູ່ເມືອງນັ້ນບໍ່ຈຳເປັນແມ່ນບໍ່ໃຫ້ເຄື່ອນຍ້າຍເດັດຂາດ.
   ບັນຫາທີ່ຄວນແກ້ໄຂດ່ວນກໍ່ຄືເມືອງທີ່ລະບາດໜັກໃນປະຈຸບັນຄືເມືອງງອຍຖັດມາກໍ່ແມ່ນເມືອງນານ, ເມືອງວຽງຄຳ ແລະນະຄອນຫຼວງພະບາງ, ໂດຍເລັ່ງໃສ່ເຝົ້າລະວັງຊອກຄົ້ນຫາຜູ້ສຳພັດໃກ້ຊິດຜູ້ຕິດເຊື້ອ, ກະກຽມທີມແພດໝໍລົງຊ່ວຍເຫຼືອເພື່ອຮັບ-ສົ່ງຄົນເຈັບ, ເຈົ້າໜ້າທີ່ທະຫານ, ຕຳຫຼວດ, ແພດໝໍຕ້ອງໄດ້ມີຄວາມອົດທົນຜ່ານຜ່າອຸປະສັກ ແລະມີຄວາມພ້ອມຢູ່ສະເໝີ, ຄະນະນຳຂັ້ນຕ່າງໆຕ້ອງເພີ່ມທະວີຄວາມຮັບຜິດຊອບຂອງຕົນເອງໃຫ້ສູງຂຶ້ນ, ບໍ່ເຜີຕົວ, ບໍ່ລະເລີງ ແລະບໍ່ປະໝາດ. ສຳລັບຈຸດຄຸມເຂັ້ມແມ່ນຈຸດຄົນເຂົ້າ-ອອກຕ້ອງເຂັ້ມງວດທີ່ສຸດ, ລາດຕະເວນກວດກາຢູ່ເມືອງງອຍເປັນປະຈຳ,ສູນກັກກັນກໍຕ້ອງເຂັ້ມງວດຫ້າມຄົນໃນອອກຄົນນອກເຂົ້າ.

แชร์