ຫວຽດນາມຈັດຊື້ວັກຊິນໄຟເຊີ 113 ລ້ານໂດລາ

  ລັດຖະບານສສ ຫວຽດນາມ ເດີນໜ້າຈັດຫາວັກຊິນໄຟເຊີໃຫ້ກັບປະຊາຊົນໃຊ້ເງິນຫຼາຍກວ່າ 113 ລ້ານໂດລາສະຫະລັດສັ່ງຊື້ວັກຊິນເພີ່ມອີກ 20 ລ້ານໂດສ ຄາດວ່າຈະໄດ້ມອບຮັບວັກຊິນ 150 ລ້ານໂດສພາຍໃນເດືອນເມສາປີໜ້າ.

  ຕາມຂ່າວຕ່າງປະເທດລາຍງານວ່າ ລັດຖະບານຫວຽດນາມ ຈ່າຍເງິນ 113 ລ້ານໂດລາ ຈາກກອງທຶນທີ່ຈັດຕັ້ງຂຶ້ນ ເພື່ອຕໍ່ສູ້ກັບເຊື້ອພະຍາດໂຄວິດ-19 ໃນປະເທດ ເພື່ອຈັດຊື້ວັກຊິນຕ້ານໂຄວິດ-19 ຈາກບໍລິສັດໄຟເຊີເພີ່ມອີກ 20 ລ້ານໂດສ ເຮັດໃຫ້ຫວຽດນາມມີຍອດສັ່ງຊື້ວັກຊິນໄຟເຊີລວມທັງໝົດ 51 ລ້ານໂດສ ຂະນະທີ່ ທ່ານ ຝ້າມ ມິນຈິນ ນາຍົກລັດຖະມົນຕີຫວຽດນາມ ຢືນຢັນວ່າ ງົບປະມານດັ່ງກ່າວຈະໃຊ້ຢ່າງມີປະສິດທິພາບ ແລະໂປ່ງໃສນອກຈາກງົບປະມານຈະຖືກໃຊ້ເພື່່ອຈັດຫາວັກຊິນ ແລະຄວບຄຸມຄ່າໃຊ້ຈ່າຍການສັກວັກຊິນແລ້ວ ຍັງຈະໃຊ້ເພື່ອການສຶກສາກ່ຽວກັບວັກຊິນອີກດ້ວຍ ຊຶ່ງກອງທຶນດັ່ງກ່າວສາມາດລະດົມທອນໄດ້ 380 ລ້ານໂດລາ.

  ໃນເດືອນສິງຫາທີ່ຜ່ານມາ ຫວຽດນາມໄດ້ມອບຮັບວັກຊິນໄປແລ້ວຫຼາຍກວ່າ 33 ລ້ານໂດສ ຈາກກອງທຶນໜ່ວຍງານຕ່າງໆ ແລະຕັ້ງເປົ້າໝາຍວ່າ ຈະໄດ້ຮັບວັກຊິນທັງໝົດ 150 ລ້ານໂດສ ພາຍໃນເດືອນເມສາປີ 2021 ເພື່ອສັກໃຫ້ກັບປະຊາຊົນ 70% ເບື້ອງຕົ້ນຫວຽດນາມມີຜູ້ໄດ້ຮັບວັກຊິນໂຄວິດຢ່າງໜ້ອຍໜຶ່ງໂດສຈຳນວນ 33 ລ້ານຄົນ ແລະມີຜູຸ້ສັກວັກຊິນຄົບໂດສປະມານ 6,18 ລ້ານຄົນ.

----

ໜັງສືພິມ ເສດຖະກິດ-ສັງຄົມ

แชร์