ຜູ້ນໍາຫວຽດນາມຮຽກຮ້ອງໃຫ້ເຂົ້າເຖິງວັກແຊງຢ່າງທົ່ວເຖິງ

  ປະທານປະເທດຂອງ ສສ ຫວຽດນາມ ຮຽກຮ້ອງແຈກຢາຍ ວັກແຊງປ້ອງກັນພະຍາດໂຄວິດ-19 ໃຫ້ກັບປະຊາຊົນ ຊຶ່ງຍັງມີອັດຕາກາກສັກວັກແຊງຢູ່ໃນລະ ດັບຕໍ່າເພື່ອຟື້ນຟູໂລກໄປພ້ອມກັນ.

  ຕາມຂ່າວຕ່າງປະເທດລາຍງານວ່າທ່ານ ຫງວຽນຊວນຟຸກ ປະທານປະເທດຂອງຫວຽດນາມກ່າວຖະແຫຼງຕໍ່ກອງປະຊຸມສະມັດຊາສະຫະປະຊາຊາດ (ຢູເອັນຈີ ເອ) ໃນວັນທີ 23 ກັນຍາທີ່ຜ່ານມາວ່າການຄວບຄຸມສະຖານະການການແຜ່ລະບາດຂອງເຊື້ອພະຍາດໂຄວິດ-19 ເປັນວາລະທີ່ເລັ່ງດ່ວນທີ່ທົ່ວໂລກຕ້ອງເພີ່ມຄວາມຮ່ວມມືລະຫວ່າງກັນ ແລະທຸກຝ່າຍຕ້ອງໃຫ້ຄວາມສຳຄັນກັບການແຈກຍາຍວັກແຊງໄປຍັງປະເທດທີ່ຍັງມີອັດຕາການສັກວັກແຊງໃນລະດັບຕໍ່າ, ໃນປະເດັນການແກ້ໄຂວິກິດດ້ານສິ່ງແວດລ້ອມຜູ້ນໍາຫວຽດນາມກ່າວວ່າ ກຸ່ມປະເທດກຳລັງ ພັດທະນາ ແລະທຸກຍາກຄວນໄດ້ຮັບການສະໜັບສະໜູນດ້ານການ ເງິນ ແລະຊັບພະຍາກອນທີ່ກ່ຽວຂ້ອງກັບການຫຼຸດປ່ອຍອາຍພິດ ແລະການປ້ອງກັນການເກີດໄພພິບັດເພື່ອບູລະນະຕາມຫຼັກເສດຖະກິດໝູນວຽນ.

  ຂະນະດຽວກັນຜູ້ນໍາຫວຽດນາມ ມີຄວາມເຫັນວ່າໜຶ່ງໃນອົງປະກອບສຳຄັນເພື່ອການຟື້ນຟູໂລກໃນມິຕິຫຼັງວິກິດໂຄວິດລະບາດຕ້ອງການສັນຕິພາບ, ຄວາມໝັ້ນຄົງ ແລະການມີສະຖຽນລະພາບລັດຖະບານຫວຽດນາມຈຶ່ງຂໍຮຽກຮ້ອງທຸກປະເທດທົ່ວໂລກຮ່ວມກັນສະໜັບສະໜູນການຢຸດຍິງຢ່າງແທ້ຈິງ.

----

ໜັງສືພິມ ເສດຖະກິດ-ສັງຄົມ

แชร์