ແສງລວຍຊັບຂົນສົ່ງ ຊຸກຍູ້ໜ່ວຍສະເພາະກິດ

ຂ່າວ: ບຸນນິກ

    ເພື່ອເປັນການຊ່ວຍເຫຼືອເພື່ອນມະນຸດຮ່ວມຊາດໂດຍສະເພາະໃນຊ່ວງສັງຄົມກຳລັງປະເຊີນການແຜ່ລະບາດພະຍາດໂຄວິດເຮັດໃຫ້ປະຈຸບັນພໍ່ແມ່ປະຊາຊົນພົບບັນຫາຄວາມຫຍຸ້ງຍາກລວມເຖິງການປະຕິບັດຂອງເຈົ້າໜ້າທີ່ຕໍ່າຫຼວດ, ທະຫານ ແລະແພດໝໍພາກສ່ວນທີ່ກ່ຽວຂ້ອງສະນັ້ນເພື່ອເປັນການແບ່ງເບົ່າຊ່ວຍສັງຄົມວັນທີ 22 ຜ່ານມາທາງບໍລິສັດແສງລວຍຊັບຂົນສົ່ງດ່ວນນຳທີມງານທ່ານ ຫັດສະດີ ວົງສະໄໝ ພະແນກການຕະຫຼາດບໍລິສັດແສງລວຍຊັບຂົນສົ່ງດ່ວນຮ່ວມນໍ້າໃຈພະນັກງານນຳເອົາເຄື່ອງມອບພາກສ່ວນກ່ຽວຂ້ອງ 9 ຈຸດ ຂອງນະຄອນຫຼວງວຽງຈັນ.

   ທ່ານ ຫັດສະດີ ວົງສະໄໝ ໃຫ້ຂໍ້ມູນກັບນັກຂ່າວໜັງສືພີມເສດຖະກິດ-ສັງຄົມຜ່ານໂທລະສັບໃຫ້ຮູ້ວ່າ: ບໍລິສັດເຮົາເບິ່ງເຫັນຄວາມສຳຄັນໂດຍສະເພາະການປະຕິບັດຂອງເຈົ້າໜ້າທີ່ໆເຮັດວຽກປະຈໍາຈຸດ 24 ຊົ່ວໂມງ ສະນັ້ນເພື່ອເປັນການແບ່ງເບົາທາງບໍລິສັດຈຶ່ງນຳເອົາເຄື່ອງໃຊ້ຈຳເປັນຈຳນວນໜຶ່ງມອບໃຫ້ 9 ຈຸດປະຕິບັດໜ່ວຍງານນະຄອນຫຼວງວຽງຈັນ.

   ສະຖານທີ່ໄປມີຢູ່ 9 ຈຸດ ໃນນະຄອນຫຼວງສາມແຍກທາງຕັດໃໝ່ໜອງບຶກ-ໜອງພະຍາ, ມອບອາຫານເຂົ້າ 12 ກ່ອງ ແລະນໍ້າດື່ມ 2 ແພັກພ້ອມດ້ວຍປ້າຍ 2 ແຜ່ນ, ສີ່ແຍກໄຟແດງຕານມີໄຊມອບອາຫານ 6 ກ່ອງ ແລະນໍ້າດື່ມ 2 ແພັກ, ພ້ອມດ້ວຍປ້າຍ 1 ແຜ່ນ, ສາມແຍກໜ້າໂຮງຮຽນ ມຊ ມອບອາຫານ 6 ກ່ອງ, ນໍ້າດື່ມ 2 ແພັກ ແລະປ້າຍ 1 ແຜ່ນ,  ວິວມໍ (view mall ) ມອບອາຫານ ເຂົ້າກ່ອງ 6 ກ່ອງ ແລະນໍ້າດື່ມ 2 ແພັກ ພ້ອມດ້ວຍປ້າຍ 1 ແຜ່ນ, ສີ່ແຍກໄຟແດງ ຫໍປະຊຸມແຫ່ງຊາດມອບນໍ້າດື່ມ 1 ແພັກ ແລະປ້າຍ 1 ແຜ່ນ, ສີ່ໄຟແດງຫໍຄຳມອບນໍ້າດື່ມ 1 ແພັກ ແລະປ້າຍ 1 ແຜ່ນ, ສີ່ແຍກເຊັນເຕີພ້ອຍມອບອາຫານ 6 ກ່ອງ, ນໍ້າດື່ມ 2 ແພັກ ແລະປ້າຍ 1 ແຜ່ນ, ສາມແຍກຕໍ່ໜ້າໂຮງແຮມຄາວພາຊ່າມອບອາຫານ 6 ກ່ອງ, ນໍ້າດື່ມ 2 ແພັກ ແລະປ້າຍ 1 ແຜ່ນ, ສາມແຍກໄຟແດງໜອງແຕ່ງມອບອາຫານ6 ກ່ອງ, ນໍ້າດື່ມ 2 ແພັກ ແລະປ້າຍ 1 ແຜ່ນ.

   ສຳລັບເຄື່ອງທີ່ໄດ້ແຈກຍາຍໄປນັ້ນຈະຊ່ວຍແບ່ງເບົາພາລະໃຫ້ແກ່ຜູ້ທີ່ໄດ້ຮັບບໍ່ຫຼາຍກໍ່ໜ້ອຍ ແລະຂໍອວຍໄຊໃຫ້ພອນແກ່ບັນດາທ່ານຈົ່ງມີແຕ່ຄວາມສຸກຄວາມຈະເລີນສຸກຂະພາບເຂັ້ມແຂງປອດໄພຈາກພະຍາດໂຄວິດ-19 ນີ້ດ້ວຍ ແລະຂໍໃຫ້ລະບົບເສດຖະກິດຈົ່ງກັບຄືນຟື້ນຕົວເປັນປົກກະຕິໄວໆດ້ວຍ.

แชร์