ຈີນ ຍົກເລີກສະໜັບສະໜູນໂຮງໄຟຟ້າ ຖ່ານຫີນໃນຕ່າງປະເທດ

  ທ່ານ ສີ ຈິ້ນຜິງ ປະທານປະເທດຂອງ ສປ ຈີນ ໃຫ້ຄຳໝັ້ນເພີ່ມການສະໜັບສະໜູນຕໍ່ປະຊາຄົມໂລກໃນການແກ້ໄຂບັນຫາສິ່ງແວດລ້ອມທີ່ລວມເຖິງຍົກເລີກໃຫ້ການສະໜັບສະໜູນດ້ານການເງິນໃຫ້ກັບໂຮງໄຟຟ້າຖ່ານຫີນໃນຕ່າງປະເທດ.
ຕາມຂ່າວຕ່າງປະເທດລາຍງານວ່າ ຈີນ ຈະຍົກເລີກການສະໜັບສະໜູນດ້ານການລົງທຶນກໍ່ສ້າງໂຮງງານໄຟຟ້າພະລັງງານຖ່ານຫີນໃໝ່ໃນຕ່າງປະເທດແລະຈະບໍ່ມີການຊ່ວຍເຫຼືອດ້ານການເງິນໃນເລື້ອງນີ້ອີກຕໍ່ໄປ ຊຶ່ງກາຍເປັນເລື້ອງຍາກທີ່ຈະມີການຂະຫຍາຍຂອບ ເຂດການໃຊ້ພະລັງງານຖ່ານຫີນໃນໂລກພາຍຫຼັງທ່ານ ສີຈິ້ນຜີງ, ປະທານປະເທດຈີນຖະແຫຼງຕໍ່ກອງປະຊຸມສະມັດຊາໃຫຍ່ສະຫະປະຊາຊາດສະໄໝສາມັນຄັ້ງທີ76 ໃນວັນທີ 21 ກັນຍານີ້ມີເນື້ອໃນສຳຄັນວ່າ: ຈີນຈະຍົກລະດັບການສະໜັບສະໜູນກຸ່ມປະເທດພວມພັດທະນາໃນການປະຕິຮູບນະໂຍບາຍນຳໃຊ້ພະລັງງານພາຍໃນປະເທດໃຫ້ເປັນສີຂຽວ ແລະພະລັງງານກາກບອນຕໍ່າສຸດໃນຕໍ່ໜ້າ.
  ທັງນີ້ ສ່ວນໃຫຍ່ຜູ້ນໍາຈີນຈະເນັ້ນໄປທີ່ການພັດທະນາ ແລະຄວາມຮ່ວມມືດ້ານສິ່ງແວດລ້ອມກັບປະຊາຄົມໂລກ.

----

ໜັງສືພິມ ເສດຖະກິດ-ສັງຄົມ

• 23/09/2021