ຜົນແຂ່ງຂັນປັ່ນລົດຖີບເພື່ອການກຸສົນ

    ເມື່ອວັນທີ 10 ມີນາ ຜ່ານ ມາ, ວາລະສານຂວັນໃຈ ແລະສະ ມາຄົມນັກທຸລະກິດແມ່ຍິງລາວຮ່ວມ ກັບສູນກາງສະຫະພັນແມ່ຍິງລາວ ແລະສະຫະພັນລົດຖີບແຫ່ງຊາດ ລາວ  ໄດ້ມີການຈັດກິດຈະກໍາປັ່ນລົດ ຖີບເພື່ອການກຸສົນພາຍໃຕ້ໂຄງການ“Bike For Her 2019” ທີ່ສວນ ເຈົ້າຟ້າງຸ່ມນະຄອນຫຼວງວຽງຈັນ, ເພື່ອປູກຈິດສໍານຶກໃຫ້ຄົນໃນສັງຄົມ ເຫັນເຖິງຄວາມສໍາຄັນ ແລະຮ່ວມ ກັນຢຸດຕິການໃຊ້ຄວາມຮຸນແຮງຕໍ່ ແມ່ຍິງ  ແລະເດັກນ້ອຍພ້ອມນັ້ນ,  ໃນ ກິດຈະກໍາຄັ້ງນີ້ຍັງໄດ້ມີການລະດົມ ທຶນຊ່ວຍເຫຼືອແມ່ຍິງ  ແລະເດັກນ້ອຍ ຜູ້ທີ່ໄດ້ຮັບຜົນກະທົບຈາກຄວາມຮຸນ ແຮງຜ່ານກິດຈະກໍາຝຶກອົບຮົມວິຊາ   ຊີບຂອງສູນກາງສະຫະພັນແມ່ຍິງ ລາວ ແລະຍັງເປັນການສົ່ງເສີມນັກກີລາລົດຖີບຮຸ້ນໃໝ່.

  ໃຫ້ກຽດເຂົ້າຮ່ວມໃນງານດັ່ງ ກ່າວມີທ່ານ ນາງ ສິລິກິດ ບຸບຜາ  ຮອງປະທານສູນກາງສະຫະພັນແມ່ຍິງລາວ, ທ່ານ ບົວລານ ສີລິປັນຍາ ຮອງລັດຖະມົນຕີກະຊວງ ສຶກສາທິການ  ແລະກີລາ, ທ່ານ ນາງ ເຈນ ຊາດເລີ ຕົວແທນຈາກສະຖານທູດອົດສະຕາລີ, ທ່ານ ກິດສະ  ໜາ ວົງໄຊ ປະທານກຸ່ມບໍລິສັດ K&C Group ຈໍາກັດພ້ອມດ້ວຍ ພັນລະຍາ, ທ່ານ ໄຊຍະສອນ ປັນ ຍາທິບ ຜູ້ອໍານວຍການສ້າງວາລະ ສານທາເກັດ-ຂວັນໃຈ ແລະທ່ານ ນາງ ອໍາພອນຈັນມະນີວົງ ຜູ້ຈັດ ການທົ່ວໄປວາລະສານຂວັນໃຈ ພ້ອມດ້ວຍນັກກີລາແຂ່ງຂັນປັ່ນລົດ ຖີບ, ປະຊາຊົນທັງພາຍໃນ ແລະ ຕ່າງປະເທດເກືອບ 600 ກວ່າຄົນ.

  ການແຂ່ງຂັນຄັ້ງນີ້ໄດ້ແບ່ງ ອອກເປັນ 4 ສາຍມີ: ສາຍ A, B, C ແລະສາຍ D, ໂດຍແບ່ງເປັນ 2 ປະເພດຄື: ຮຸ້ນ Road Bike & Mountain Bike (ໄລຍະທາງ 85Km) ແລະຮຸ້ນ Friendly Bike (ໄລຍະທາງ 13Km). ຜ່ານການແຂ່ງຂັນສາຍ  A:  Moun tain Bike A1: ສະຫຼະສິດ; A2: ທີ 1 ແມ່ນບຸນຍະນຸດຜິວທອງ, ທີ 2 ແມ່ນ Eliszabeth Palisa,  ທີ 3 ສຸກກັນຍາ ໄຂຄໍາພິທູນ. ສ່ວນ ສາຍ B: B1 ທີ 1 ແມ່ນ ມະມີ່ ໄຊຍະສານ, ທີ 2 Wanacha, ທີ 3 ລັດຕະນາພອນ; B2: ທີ1 ຄອນສະຫວັນ, ທີ 2 ສຸພາພອນ, ທີ 3  Marita Velasco.

  ສໍາລັບສາຍ C: C1: ທີ1  ແມ່ນທະວີສັກ. ທີ 2 Kitty Soda thum, ທີ 3 ແມ່ນ ນັດທະໄຊ ສີວໍ  ລະວົງ; C2: ທີ 1 ດອນ (ຮ້ານສີ ສົ້ມ), ທີ  2 ຈ່ອຍ (ເສືອພູທອກ), ທີ 3 ແມ່ນໃຈເພັດ; C3: ທີ 1 ແມ່ນມົງຄົນ, ທີ 2 ຄໍາໄຕ, ທີ 3 Bualom; C4: ທີ 1 ພິສະນຸ ອ້າຍ ກ້າ, ທີ 2 ເກັ່ງ, ທີ 3 ອຶ່ງ. ສາຍ  D: D1: ທີ 1 ແມ່ນ Alex Ariya,  ທີ  2  ຖາວອນ  (ແດງ), ທີ 3  ແມ່ນ  ບິນລີ່ (ນ້ອຍ); D2 ທີ 1 ແມ່ນ  ຕູ່, ທີ 2 ສຸກ, ທີ 3, ປິ່ນ; ສ່ວນ D3: 1 ສຸພັນ, 2 ອານຸລັກ, 3  ອາໂພ.

ນສພ ເສດຖະກິດ-ສັງຄົມ

ໂດຍ: ກິ່ງລັດຕະນະ

แชร์