ສູນກາງຊາວໜຸ່ມ ມອບອຸປະກອນການແພດໃຫ້ນະຄອນຫລວງວຽງຈັນ ນໍາໃຊ້ປ້ອງກັນ ແລະຄວບຄຸມໂຄວິດ

     ສູນກາງຊາວໜຸ່ມ ປະຊາຊົນ ປະຕິວັດລາວ ໄດ້ນຳເອົາອຸປະກອນການແພດ, ເຄື່ອງອຸປະໂພກ-ບໍລິໂພກ ແລະເງິນສົດຈໍານວນໜຶ່ງມາມອບໃຫ້ອົງການປົກຄອງນະຄອນຫລວງວຽງຈັນ ເພື່ອປະກອບສ່ວນເຂົ້າໃນການປ້ອງກັນ, ຄວບຄຸມ ແລະສະກັດກັ້ນການລະບາດພະຍາດໂຄວິດ-19 ທີ່ກຳລັງລະບາດເປັນວົງກວ້າງໃນຊຸມຊົນຕ່າງໆ. ພິທີມອບ-ຮັບໄດ້ຈັດຂຶ້ນໃນວັນທີ 21 ກັນຍາ 2021 ຫ້ອງວ່າການປົກຄອງນະຄອນຫລວງວຽງຈັນ, ຕາງໜ້າມອບໂດຍ ທ່ານ ອາລຸນໄຊ ສູນນະລາດ ເລຂາຄະນະບໍລິຫານງານ ສູນກາງຊາວໜຸ່ມ ປະຊາຊົນປະຕິວັດລາວ ພ້ອມຄະນະ ແລະຕາງໜ້າຮັບໂດຍ ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫລວງວຽງຈັນ. ເຄື່ອງຊ່ວຍເຫລືອທີ່ນໍາມອບໃນຄັ້ງນີ້, ປະກອບມີ: ຜ້າອັດປາກ-ດັງ, ເຈວລ້າງມື, ເຫລົ້າເກົ້າສິບ ແລະເຄື່ອງອຸປະໂພກ-ບໍລິໂພກຈໍານວນໜຶ່ງພ້ອມດ້ວຍເງິນສົດຈຳນວນ 10 ລ້ານກີບ.

แชร์