ເຄິ່ງປີກອງພັນ 18 ມີລາຍຮັບປູກຝັງລ້ຽງສັດ 132 ລ້ານກວ່າກີບ

 ໂດຍ: ໂພທິລາດ

    ຍ້ອນການປະຕິບັດຕາມທິດຊີ້ນໍາຂອງຂັ້ນເທິງໃນການປູກຝັງລ້ຽງສັດຕາມທິດນໍາເພີ່ງຕົນເອງ, ກຸ້ມຕົນເອງ ແລະສ້າງຄວາມເຂັ້ມແຂງດ້ວຍຕົນເອງເຮັດໃຫ້ເຄິ່ງປີຜ່ານມາກອງພັນທີ 18 ຂອງກອງພົນທີ 5 ສາມາດມີລາຍຮັບຈາກການປູກຝັງ ແລະລ້ຽງສັດ132 ກວ່າລ້ານກີບ.

  ທ່ານ ພັນໂທ ສັງທອງບຸດຊາວດອນ ຫົວໜ້າການເມືອງກອງພັນ 18 ຂອງກອງພົນທີ5 ໄດ້ໃຫ້ຮູ້ວ່າ: ພາຍຫຼັກທີ່ໄດ້ຮັບການແຈ້ງການຂອງຄະນະພັກ-ຄະນະບັນຊາກອງພົນທີ 5 ກ່ຽວກັບການສ້າງຂະບວນການດ້ານຕ່າງໆ ເພື່ອຂັບນັບຮັບຕ້ອນວັນທີ່ມີຄວາມໝາຍຄວາມສໍາຄັນດັ່ງກ່າວ, ຄະນະພັກ-ຄະນະບັນຊາເຮົາໄດ້ເອົາໃຈໃສ່ຖືສໍາຄັນວຽກງານການສຶກສາອົບຮົມການເມືອງແນວຄິດໃຫ້ພະນັກງານ, ນັກຮົບພາຍໃນກົມກອງຢ່າງເປັນປົກກະຕິ, ໂດຍນໍາເອົາບົນດາເອກະສານວັນສໍາຄັນຕ່າງໆ

ຂອງຊາດ, ຂອງພັກຂອງກອງທັບມາຈັດຕັ້ງເຊື່ອມຊຶມເພື່ອເຮັດໃຫ້ເຂົາເຈົ້າມີຄວາມທຸນທ່ຽງອຸ່ນອ່ຽງເຊື່ອໝັ້ນຕໍ່ການນໍາພາຂອງພັກມີສະຕິຕື່ນຕົວສູງປະກອບສ່ວນຢ່າງຕັ້ງໜ້າເຂົ້າໃນວຽກງານດ້ານຕ່າງໆ, ໂດຍສະເພາະວຽກງານການປູກຝັງ-ລ້ຽງສັດ ຊຶ່ງເປັນໝາກຫົວໃຈສໍາຄັນພາຍໃນກົມກອງ, ຊຶ່ງໄດ້ປູກຜັກຊະນິດຕ່າງໆ ເພື່ອຕອບສະໜອງເຂົ້າຄົວເຮືອນເຊັ່ນ: ປູກໝາກອຶ, ໝາກເຂືອ, ໝານາວ, ໝາກເວີໄດ້ຈໍານວນ 3.065 ກິໂລ, ປູກມັນຕົ້ນ 2 ເຮັກຕາ, ປູກຕົ້ນໄມ້ກິນ

ໝາກ ແລະຕົ້ນໄມ້ປະດັບໄດ້ 150 ຕົ້ນ, ລ້ຽງງົວ 18 ໂຕ, ລ້ຽງແບ້ 16 ໂຕ, ລ້ຽງປາ 12 ໜອງ ແລະໄດ້ປ່ອຍປາ 40.521 ໂຕ, ລ້ຽງສັດປີກປະເພດເປັດໄກ່ຈໍານວນ 300 ໂຕ, ຈາກນັ້ນກົມກອງຍັງໄດ້ສ້າງແຫຼ່ງລາຍຮັບຈາກການບໍລິການຕ່າງໆ, ໃນນີ້ໄດ້ຈາກການແລກປ່ຽນແຮງງານໄດ້ຈາກການຕັດຜົມ, ຈາກການປູກຝັງ-ລ້ຽງສັດໃນ 6 ເດືອນຕົ້ນປີ 2021 ຜ່ານມາມີລາຍຮັບທັງໝົດ 132 ກວ່າລ້ານກີບ.

    ທ່ານ ພັນໂທ ສັງທອງ ບຸດຊາວດອນ ກ່າວຕື່ມວ່າ: ຕິດພັນກັບການສ້າງເສດຖະກິດແລ້ວອັນທີ່ພົ້ນເດັ່ນແມ່ນກົມກອງໄດ້ເອົາໃຈໃສ່ປັງປຸງກໍ່ສ້າງກົມກອງ, ຊຶ່ງໄດ້ສ້າງເຮືອນນອນໃຫ້ອ້າຍນ້ອງຈໍານວນ 1 ຫຼັງ, ຂະໜາດ 8X24 ແມັດ, ສໍາເລັດ 30%,ເທພື້ນເສັ້ນທາງເຂົ້າສະໂມສອນ,ສ້າງອ່າງນໍ້າປະດັບປະດາຂ້າງຫ້ອງການ, ປັບປຸງຫໍຂ່າວ ແລະອື່ນໆໂດຍແມ່ນທຶນຂອງກົມກອງ 100%.

แชร์