ຜູ້ສຳປະທານວັດຊຽງຄວນມອບເຄື່ອງຊ່ວຍເຈົ້າໜ້າທີ່ 4 ຈຸດສູ້ໂຄວິດ

  ທ່ານນາງ ສ້ອຍສຸດາ ອິນເມືອງ ໄຊ ສສນວ ປະຈຳເມືອງຫາດຊາຍຟອງ ປະທານບໍລິສັດສວນວັດທະນະທຳຊຽງຄວນຈຳກັດ ສືບຕໍ່ເດີນສາຍລົງມອບເຄື່ອງຊ່ວຍເຫຼືອທີ່ຈຳເປັນເພື່ອເປັນແຮງໜຶ່ງປະກອບສ່ວນໃຫ້ເຈົ້າໜ້າທີ່ຄະນະສະເພາະກິດສູ້ກັບພະຍາດໂຄວິດ-19.

   ຫຼ້າສຸດເມື່ອວັນທີ 21 ກັນຍາ ທ່ານ ນາງ ສ້ອຍສຸດາ ອິນເມືອງໄຊ ກໍ່ໄດ້ສຶບຕໍ່ລົງມອບເຄື່ອງທີ່ຈຳເປັນເປັນຕົ້ນນໍ້າດື່ມ ຜ້າອັດປາກ, ແລະເຈລລ້າງມືຊຸກຍູ້ເຈົ້າໜ້າທີ່ຄະນະສະເພາະກິດປະຈຳ 4 ຈຸດ ໃຫຍ່ຂອງເມືອງຫາດຊາຍຟອງ ນະຄອນຫຼວງວຽງຈັນຄື: ທ່ານາແລ້ງ, ດົງໂພສີ, ດົງຄຳຊ້າງ ແລະຈຸດສົມສະໜຸກເພື່ອເປັນການໃຫ້ກຳລັງໃຈເຈົ້າໜ້າທີສະເພາະກິດໃນນາມຕົວແທນປະຊາຊົນພ້ອມດ້ວຍການນຳເມືອງຫາດຊາຍຟອງມອບເຄື່ອງໃຊ້ທີ່ຈຳເປັນຕາມຈຸດຕ່າງໆນີ້.

ຢ່າງໃດກໍ່ຕາມວັນທີ 6 ສິງຫາ 2021 ທ່ານນາງ ສ້ອຍສຸດາ ອິນເມືອງໄຊ ກໍ່ໄດ້ລົງມອບເຄື່ອງຊຸກຍູ້ບ້ານທີ່ຢູ່ໃນກຸ່ມສ່ຽງຂອງພະຍາດໂຄວິດ-19 ກໍ່ຄືບ້ານແດງ 3 ບ້ານຄື: ຖີ່ນແທ່ນ, ທ່າພະ, ປາກເປັ່ງ ເມືອງຫາດຊາຍຟອງ ເປັນນໍ້າດື່ມ, ຜ້າອັດປາກ, ແລະເຈລລ້າງມື.

 ກ່ອນໜ້ານີ້ທ່ານກໍ່ໄດ້ລົງພື້ນທີ່ບ້ານສີມມະໂນເໜືອ-ໃຕ້, ເພື່ອໃຫ້ກຳລັງໃຈ, ກໍາລັງຊັບເຄື່ອງອຸປະໂພກໃຫ້ແກ່ທາງອົງການຈັດຕັ້ງບ້ານແຈກຢາຍໃຫ້ພໍ່ແມ່ປະຊາຊົນຢູ່ໃນກຸ່ມສ່ຽງເພື່ອຮັກສາສຸຂະພາບ ແລະປ້ອງກັນພະຍາດແຜ່ລະບາດໂຄວິດ-19 ຢູ່ໃນຊຸມຊົນ.

   ລົງຕິດຕາມຊຸກຍູ້ໃຫ້ກຳລັງໃຈຄະນະສະເພາະກິດ ແລະ ມອບຢາຂ້າເຊື້ອໃຫ້ກູໄພ 1624 ທີ່ເຮັດວຽກຊ່ວຍເຫຼືອສັງຄົມດ່ານໜ້າ ແລະຊ່ວຍນໍ້າດື່ມແກ່ເມືອງສັງທອງ ນະຄອນຫຼວງວຽງຈັນ ຕື່ມອີກ.

แชร์