ອຸດົມໄຊ ກຳກົດໂຄງສ້າງລາຄາສິນຄ້າຄືນໃໝ່

 ວັນທີ 18 ກັນຍາ 2021 ພະແນກອຸດສາຫະກໍາ ແລະການຄ້າແຂວງອຸດົມໄຊ ໄດ້ອອກແຈ້ງເຖິງຫົວໜ້າຫ້ອງການອຸດສາຫະກໍາ ແລະການຄ້າ 7 ເມືອງ,ຫົວໜ່ວຍທຸລະກິດ, ຜູ້ປະກອບການ, ພໍ່ຄ້າຊາວຂາຍ, ພະນັກງານ, ທະຫານ, ຕໍາຫຼວດ ແລະພໍ່ແມ່ປະຊາຊົນບັນດາເຜົ່າພາຍໃນແຂງອຸດົມໄຊເລື່ອງການກໍານົດໂຄງສ້າງລາຄາ, ຊີ້ນໝູ, ໄຂ່ໄກ່ພັນ ແລະປານິນຢູ່ໃນແຂວງອຸດົມໄຊຄືນໃໝ່.

   ການກໍານົດໂຄງສ້າງລາຄາຊີ້ນໝູ, ໄຂ່ໄກ່ພັນ ແລະປານິນຄືນໃໝ່ເພື່ອເຮັດໃຫ້ເໝາະສົມກັບສະພາບໃນປະຈຸບັນຊຶ່ງໃນນັ້ນມີ: ໝູເປັນຂາຍໜ້າຟາມລາຄາສູງສຸດບໍ່ໃຫ້ເກີນ 26.000 ຕໍ່ກິໂລ, ຊີ້ນສົດລາຄາສູງສຸດບໍ່ໃຫ້ເກີນ 50.000 ຕໍ່ກິໂລ,ຫົວໝູລາຄາສູງສຸດບໍ່ໃຫ້ເກີນ 20.000 ຕໍ່ກິໂລ, ຕີນໝູລາຄາສູງສຸດບໍ່ໃຫ້ເກີນ 25.000 ຕໍ່ກິໂລ, ຂ້າງໝູສາມຊັ້ນມີດູກຂ້າງລາຄາສູງສຸດບໍ່ໃຫ້ເກີນ 35.000ຕໍ່ກິໂລ, ກະດູກໝູຕິດຊີ້ນລາຄາສູງສຸດບໍ່ໃຫ້ເກີນ 20.000 ຕໍ່ກິໂລ, ເຄື່ອງໃນລວມໝູ 45.000 ຕໍ່ກິໂລ, ໄສ້ແກ່ໝູລາຄາສູງສຸດບໍ່ໃຫ້ເກີນ 10.000 ຕໍ່ກິໂລ, ໄສ້ອ່ອນໝູລາຄາສູງສຸດບໍ່ໃຫ້ເກີນ 45.000ຕໍ່ກິໂລ, ເລືອດໝູລາຄາສູງສຸດບໍ່ໃຫ້ເກີນ 10.000 ຕໍ່ກິໂລ, ໄຂ່ໄກ່ພັນໜ່ວຍໃຫຍ່ລາຄາສົ່ງສູງສຸດບໍ່ໃຫ້ເກີນ 420.000 ຕໍ່ແກັດ, ລາຄາໄຂ່ໄກ່ພັນລາຄາສູງສຸດບໍ່ໃຫ້ເກີນ 38.000 ຕໍ່ກິໂລ, ລາຄາຂາຍຢູ່ໜ້າບໍ່ສູງສຸດບໍ່ໃຫ້ເກີນ 20.000 ຕໍ່ກິໂລ, ລາຄາສົ່ງສູງສຸດ ບໍ່ໃຫ້ເກີນ 22.000 ຕໍ່ກິໂລ, ລາຄາຂາຍຍ່ອຍໃນທ້ອງຕະຫຼາດສູງສຸດບໍ່ໃຫ້ເກີນ 24.000 ຕໍ່ກິໂລ.

   ການກໍານົດລາຄາຂອງເມືອງອື່ນທີ່ບໍ່ແມ່ນເມືອງໂຊຊຶ່ງບັນດາເມືອງທີ່ຢູ່ຫ່ງໄກສອກຫຼິກມີຄ່າສີ້ນເປືອງໃນການຂົນສົ່ງຕ່າງໆບັນດາລາຍການທີ່ກໍາກົດຂ້າງເທິງແມ່ນໃຫ້ປັບຂັ້ນຕາມອັດຕາທີ່ກໍານົດດັ່ງນີ້: ເມືອງຫຼາ, ເມືອງໜ້າໝໍ້ ແລະເມືອງແບງໃຫ້ປັບຂຶ້ນ 1000 ຕໍ່ກິໂລ, ເມືອງຮຸນ, ເມືອງປາກແບງ ແລະເມືອງງາໃຫ້ປັບຂຶ້ນ 2000 ຕໍ່ກິໂລ. ໃນກໍລະນີພົບເຫັນມີຫົໜ່ວຍທຸລະກິດ, ຜູ້ປະກອບການ, ພໍ່ຄ້າຊາວຂາຍມີການລະເມີດແຈ້ງການສະບັບນີ້ແມ່ນໃຫ້ປະຕິບັດຕາມມາດຕະການຕາມໝວດທີ 6 ຂອງດຳລັດ 474/ນຍ ລົງວັນທີ 18 ກັນຍາ 2021 ແລະລະບຽບການອື່ນທີ່ກ່ຽວຂ້ອງຢ່າງເຂັ້ມງວດ. ຜູ້ບໍລິໂພກສາມາດແຈ້ງເຈົ້າໜ້າທີ່ກວດກາການຄ້າຂັ້ນແຂວງ, ຂັ້ນເມືອງໃນເບີໂທ 020 2283 4545, 020 22505720, 020 2201229 ໂດຍໃຫ້ລະບຸທີ່ຕັ້ງຂອງຮ້ານ, ຊື່ຕະຫຼາດເມືອງ, ລວມທັງລາຄາສີນຄ້າທີ່ຂາຍເກີນໃຫ້ເຈົ້າໜ້າທີ່ກວດກາການຄ້າເພື່ອເປັນຂໍ້ມູນລົງກວດເກັບກໍາຫຼັກຖານໃນບາດກ້າວຕໍ່ໄປ.

แชร์