ຄວາມເປັນມາຂອງການຟ້ອນ “ລໍາວົງລາວ”

  ການຟ້ອນໄດ້ມີບົດບາດ ແລະອິດທິພົນສູງໃນວິຖີຊີວິດ-ຈິດ ໃຈບຸກຄົນ  ແລະສັງຄົມລາວເຮົາທົ່ວໄປຈົນບໍ່ສາມາດຂາດໄດ້ ຊຶ່ງສິ່ງນີ້ໄດ້ຫຼໍ່ລ້ຽງຈິດໃຈຂອງຄົນໃຫ້ມີບັນຍາກາດທີ່ແຕກຕ່າງກັນໄປເຮັດໃຫ້ ຊີວິດອຸດົມ-ສົມບູນ ແລະຂາດບໍ່ໄດ້ ຈົນກາຍເປັນເອກະລັກວັດທະນະທໍາ ໃນການຟ້ອນ ”ລໍາວົງລາວ” ຈົນ ເຖິງປະຈຸບັນ.

  ສະນັ້ນ  ຄໍລໍາວັດທະນະທໍາ-ບັນເທີງຂອງພວກເຮົາ ຈຶ່ງຂໍກ່າວເຖິງວັດທະນະທໍາການຟ້ອນ “ລໍາວົງ ລາວ” ເພາະການຟ້ອນລໍາວົງລາວ ໄດ້ກາຍເປັນປະເພນີຄູ່ກັບຊີວິດ ແລະວັດທະນະທໍາຂອງສັງຄົມລາວ ມາແຕ່ບູຮານ ຊຶ່ງມີມາພ້ອມກັບ ການຂັບລໍາ ແລະອຸປະກອນເຄື່ອງ ເສບດົນຕີທີ່ມີຂຶ້ນມາການຟ້ອນລໍາ ວົງມີມາແຕ່ສະຕະວັດໃດກໍບໍ່ທັນ ແຈ້ງເຫດຜົນເນື່ອງຈາກວ່າໃນປະຫວັດສາດລາວບໍ່ມີເອກະສານໃດອ້າງເອີ່ຍເຖິງ, ຄໍາວ່າຟ້ອນລໍາວົງ ແມ່ນຄໍາສັບທີ່ໃຊ້ໄປຕາມຮູບການ 3 ຢ່າງປະສົມປະສານກັນຄື:  ຟ້ອນ, ສຽງຂັບລໍາ, ສຽງດົນຕີ ແລະຮູບ ການເຄື່ອນໄຫວຍ້າຍເວລາຟ້ອນເປັນວົງດັ່ງນັ້ນເພິ່ນຈຶ່ງເອີ້ນວ່າ:ຟ້ອນ-ລໍາ-ວົງຊຶ່ງບາງຄົນກໍມັກເອີ້ນວ່າ: ລໍາວົງເທົ່ານັ້ນ, ການຟ້ອນລໍາວົງມີມູນເຫດເກີດຈາກການ ຟ້ອນດ້ວຍຄວາມສະໝັກໃຈຂອງຜູ້ ໃດຜູ້ໜຶ່ງໃນຕອນມີສຽງອອນຊອນ ຈາກສຽງເພງ ແລະດົນຕີຈາກນັ້ນ ຈຶ່ງມີຜູ້ສະໝັກ ຫຼື ມີສະເໜີຕື່ມເປັນ ຄູ່ຍິງຊາຍໂຍກຍ້າຍໄປເປັນລໍາວົງ, ແຕ່ການຟ້ອນລໍາວົງເກີດຂຶ້ນຈາກ ທີ່ໃດກ່ອນ ແລະປີ ຄສ ເທົ່າໃດນັ້ນ ຍັງບໍ່ໄດ້ກ່າວລະອຽດແຕ່ມັນໄດ້ປະ ກົດຢູ່ໃນງານບຸນວັດ ໂດຍສັງຄົມ ຮັບຮູ້ເລີ່ມແຕ່ຊຸມປີ 1940 ເປັນຕົ້ນ ມາ,  ເບື້ອງຕົ້ນແມ່ຍິງຈະຟ້ອນໄດ້ແຕ່ ຜູ້ທີ່ເປັນສາວໂສດເທົ່ານັ້ນສໍາລັບ ຄູ່ຟ້ອນຄືຜູ້ຊາຍຈະບໍ່ຈໍາກັດສະຖາ ນະໂສດ ຫຼື ແຕ່ງງານແລ້ວ, ແຕ່ ອີກປະມານ 20 ກວ່າປີຕໍ່ມາແມ່ນ ບໍ່ມີການຈໍາກັດວ່າຝ່າຍໃດຈະໂສດ ຫຼື ແຕ່ງງານແລ້ວຕ່າງກໍໂຄ້ງເປັນ ຄູ່ກັນມາຟ້ອນ.

  ມາຮອດປະຈຸບັນການຟ້ອນລໍາ ວົງມີສະພາບປ່ຽນແປງປັບປຸງບາງ ອັນໄປແດ່ທັງຮູບຊົງການຍ່າງຍ້າຍ ໂດຍອີງຕາມສະຖານທີ່ ແລະຈັງຫວະບາງບ່ອນກໍຟ້ອນບໍ່ເປັນວົງກໍມີການຟ້ອນລໍາວົງໃນປະຈຸບັນ ນີ້ຖືວ່າເປັນອີກລາຍການໜຶ່ງທີ່ມີ ຄວາມສໍາຄັນໃນພິທີການແຕ່ງດອງໄປແລ້ວເພາະຫຼັງຈາກທີ່ສໍາເລັດພິ ທີທາງສາສະໜາແລ້ວກ່ອນຈະເຊີນ ແຂກຮັບປະທານອາຫານນັ້ນກໍຕ້ອງ ໄດ້ມີການເຊີນເຈົ້າບ່າວ, ເຈົ້າສາວ ພ້ອມດ້ວຍເຖົ້າແກ່ລຸງຕາທັງສອງ ກໍ້າສອງຝ່າຍ ແລະແຂກມາຮ່ວມ ຟ້ອນລໍາວົງເພື່ອເປັນສິລິມົງຄຸນໃຫ້ ແກ່ຄູ່ບ່າວສາວນັ້ນເອງ ແລະງານ ຕ່າງໆກໍໄດ້ໃຫ້ຄວາມສໍາຄັນກັບ ການຟ້ອນ “ລໍາວົງລາວ” ຢ່າງ ຫຼວງຫຼາຍ.ການຟ້ອນ “ລໍາວົງລາວ” ເຖິງວ່າຈະມີການປ່ຽນແປງໄປຕ າມສະພາບ ຂອງຍຸກສະໄໝກໍຕາມແຕ່ກໍຍັງຮັກສາຄວາມສາມັກຄີໄດ້ດີຕະຫຼອດມາ ແລະກາຍເປັນປະເພນີອັນດີງາມທັງເປັນລາຍການມ່ວນຊື່ນ ໃນງານຕ່າງໆຂອງຄົນລາວເຮົາ ເກືອບວ່າຂາດບໍ່ໄດ້ຈົນກາຍເປັນເອກະລັກຄວາມມ່ວນຊື່ນຕາມປະເພນີ “ລໍາວົງລາວ”.

แชร์