ໄຂ້ເລືອດອອກລະບາດໃນອິນເດຍເສຍຊີວິດ 100 ກວ່າຄົນ

  ລັດອຸດຕະປະເທດຂອງອິນເດຍພົບການແຜ່ລະບາດຂອງພະຍາດໄຂ້ເລືອດອອກຮ້າຍແຮງທີ່ສຸດໃນຮອບຫຼາຍປີມີຜູ້ເສຍຊີວິດຫຼາຍກວ່າ 100 ຄົນພາຍໃນສອງອາທິດ.
  ຕາມຂ່າວຕ່າງປະເທດລາຍງານວ່າ ສຳນັກງານສາທາລະນະສຸກແຫ່ງລັດອຸດຕະປຣະເທດທາງພາກເໜືອຂອງອິນເດຍລາຍງານ ວ່າ: ນັບຕັ້ງແຕ່ຕົ້ນເດືອນກັນຍາປີ 2021 ນີ້ ມີຜູ້ເສຍຊີວິດໃນພື້ນທີ່ ຈາກພະຍາດໄຂ້ເລືອດອອກຫຼາຍ ກວ່າ 100 ຄົນ, ພົບຫຼາຍທີ່ສຸດໃນເຂດໄຟໂຣຊາເສຍຊີວິດຢ່າງໜ້ອຍ 58 ຄົນ ຂະນະທີ່ຂໍ້ມູນຈາກອົງການອະນາໄມໂລກລະບຸວ່າ: ພະຍາດໄຂ້ເລືອດອອກທີ່ມີຍຸງລາຍເປັນພາຫະນະເຮັດໃຫ້ປະຊາກອນໂລກເສຍຊີວິດປີລະ 50-100 ລ້ານຄົນ ສ່ວນໃຫຍ່ເປັນພົນລະເມືອງທີ່ອາໄສຢູ່ໃນປະເທດເຂດຮ້ອນ ໂດຍອາການເລີ່ມທຳອິດຄົນເຈັບຈະມີອາການເຈັບຫົວ, ປວດເມື່ອຍຕາມຮ່າງ ກາຍ, ມີໄຂ້ສູງ ແລະມີຜື່ນແດງຕາມຮ່າງກາຍແຕ່ຫາກປ່ອຍໃຫ້ຮຸນແຮງອາດເຮັດໃຫ້ເກີດສະພາວະເກັດເລືອດຕ່ຳ ແລະຄວາມດັນເລືອດຕ່ຳຈົນເກີດອາການຊ໋ອກ ແລະເສຍຊີວິດ ໄດ້.
  ທັງນີ້ ອິນເດຍລາຍງານສະຖິຕິຢ່າງເປັນທາງການຂອງຜູ້ເສຍຊີວິດຈາກໄຂ້ເລືອດອອກໄວ້ທີ່ຢ່າງໜ້ອຍ 56 ຄົນໃນປີທີ່ຜ່ານມາ.

----

ໜັງສືພິມ ເສດຖະກິດ-ສັງຄົມ

• 15/09/2021