ເຟຊບຸກເປີດໂຕແວ່ນຕາອັດສະລິຍະ ຖ່າຍຮູບ-ຟັງເພງ-ໂທລະສັບໄດ້

  ບໍລິສັດເຟຊບຸກ ອິງເປີດໂຕແວ່ນຕາອັດສະລິຍະ “Ray-Ban Stories” ໃນວັນທີ 10 ກັນຍາທີ່ຜ່ານມາ ຊຶ່ງຖືເປັນບາດກ້າວໃໝ່ຂອງເຟຊບຸກທີ່ຕ້ອງການຊຸກຍູ້ທຸລະກິດໃໝ່ດ້ານເຕັກໂນໂລຊີ AR (Augmented Reality) .

  ຕາມຂ່າວຕ່າງປະເທດລາຍງານວ່າ ແວ່ນຕາອັດສະລິຍະຂອງ ເຟຊບຸກເກີດຂຶ້ນດ້ວຍຄວາມຮ່ວມມືກັັບບໍລິສັດ ເອສຊີລໍລຸກຊອດຕິກາ (Essilor Luxottica) ຊຶ່ງ ເປັນບໍລິສັດຜະລິດແວ່ນຕາ Ray-Ban ໂດຍຜູ້ໃສ່ສາມາດຟັງເພງ, ຮັບໂທລະສັບ, ຖ່າຍຮູບພາບ ຫຼື ຖ່າຍວິດີໂອໄດ້ໂດຍບໍ່ຕ້ອງໃຊ້ໂທ ລະສັບມືຖືພ້ອມທັງຍັງມີນໍ້າໜັກເທົ່າກັບແວ່ນຕາປົກກະຕິ ແລະສັ່ງຕັດຕາມຄ່າຂອງສາຍຕາໄດ້ອີກດ້ວຍ ຊຶ່ງລາຄາເລີ່ມຕົ້ນຢູ່ທີ່ 299 ໂດລາສະຫະລັດ, ທ່ານ ມາກ ຊັກເຄີເບີກ ປະທານບໍລິສັດເຟຊບຸກກ່າວວ່າເຟຊບຸກໄດ້ຈັດຕັ້ງທີມທີ່ຈະມາເບິ່ງແຍງ Metaverse ຫຼື ເຕັກໂນໂລຊີໂລກເໝືອນຈິງ ໂດຍ ທ່ານເຊື່ອວ່າເຕັກໂນໂລຊີດັ່ງກ່າວຈະເຂົ້າມາແທນທີ່ການໃຊ້ງານອິນເຕີເນັດຜ່ານທາງມືຖືໃນອະນາຄົດ.

  ທັງນີ້ ປົກກະຕິແລ້ວທຸລະກິດຂອງເຟຊບຸກຈະສ້າງລາຍໄດ້ຈາກການໂຄສະນາເປັນຫຼັກ ໂດຍ ປີ 2020 ທີ່ຜ່ານມາ ເຟຊບຸກມີລາຍໄດ້ເຖິງ 86.000 ລ້ານໂດລາແຕ່ບໍລິສັດໄດ້ລົງທຶນໃນທຸລະກິດກຸ່ມເຕັກໂນໂລຊີເໝືອນຈິງເຊັ່ນ AR ແລະVR ພ້ອມທັງພັດທະນາຮາດ ແວເຊັ່ນຫູຟັງ Oculus VR ແລະ ເຕັກໂນໂລຊີສາຍຮັດຂໍ້ມືເພື່ອຮັບຮອງແວ່ນຕາອັດສະລິຍະ.

-----

ໜັງສືພິມ ເສດຖະກິດ-ສັງຄົມ

แชร์