ໂຮງຮຽນ ປກສ ຊັ້ນຕົ້ນເລກ II ແຂວງໄຊຍະ ປິດຊຸດຮຽນ

   ເມື່ອບໍ່ດົນມານີ້ຢູ່ທີ່ສະໂມ ສອນໂຮງຮຽນ ປກສ ຊັ້ນຕົ້ນ ເລກ II ແຂວງໄຊຍະບູລີ ໄດ້ຈັດພິທີປິດຊຸດຮຽນຮຸ່ນທີ XII ຢ່າງ ເປັນທາງການພາຍໃຕ້ການເປັນ ປະທານຂອງທ່ານ ພັທ ບຸນທັນ ທິບພະວົງ ຮອງຫົວໜ້າກອງບັນ ຊາການ ປກສ ແຂວງ, ໂດຍການ ເປັນກຽດເຂົ້າຮ່ວມຂອງທ່ານ ພັທ ມິ່ງແກ້ວ ວົງຄໍາພາ ຮອງຫົວໜ້າ ກົມກໍ່ສ້າງກໍາລັງກົມໃຫຍ່ການ ເມືອງກະຊວງປ້ອງກັນຄວາມສະຫງົບມີແຂກຖືກເຊີນຈາກບັນດາ ຫ້ອງກອງ, ຄະນະອໍານວຍການ ໂຮງຮຽນ,  ຄູ-ອາຈານພະນັກງານ- ນັກຮົບ ແລະນັກຮຽນເຂົ້າຮ່ວມ.

  ທ່ານ ພັທ ວຽງດາວອນ ຈັນ ທະມາລີ  ຮອງຜູ້ອໍານວຍການໂຮງຮຽນ ປກສ ຊັ້ນຕົ້ນເລກ II ແຂວງ ໄຊຍະບູລີ ໄດ້ຂຶ້ນຜ່ານບົດສະຫຼຸບການດໍາເນີນຊຸດຮຽນຮຸ່ນທີ XII ໂຮງຮຽນ ປກສ ຊັ້ນຕົ້ນເລກ II ໃນສົກປີ 2018-2019,  ຊຶ່ງໄດ້ ເລີ່ມເປີດຮຽນເປັນທາງການວັນທີ 14  ມີຖຸນາ 2018,  ມີນັກຮຽນທັງ ໝົດ 202 ສະຫາຍ, ຍິງ 13 ສະຫາຍ.  ໂດຍອີງຕາມໂຄງການຫຼັ້ກສູດການຮຽນ-ການສອນໃນຊຸດ ນີ້ໄດ້ແບ່ງອອກເປັນ 3 ໝວດວິ ຊາຮຽນຄື: ໝວດຄວາມຮູ້ທົ່ວໄປ ປະກອບມີ 4 ວິຊາ, ໝວດວິຊາ ພື້ນຖານວິຊາສະເພາະປະກອບມີ 8 ວິຊາ;  ໝວດວິຊາສະເພາະປ້ອງ ກັນຄວາມສະຫງົບປະກອບມີ 15 ວິຊາ, ຜ່ານການສຶກສາຮໍ່າຮຽນ ເຫັນວ່ານັກຮຽນມີຄວາມເຂົ້າໃຈຕໍ່ ບົດຮຽນທີ່ຄູ-ອາຈານນໍາມາສິດ ສອນ,  ມີຄວາມດຸໜັ່ນຂະຫຍັນພຽນ ໃນການຮໍ່າຮຽນ ແລະສ້າງຂະ ບວນການດ້ານຕ່າງໆ  ຕັ້ງໜ້າຝຶກ ຝົນຫຼໍ່ຫຼອມຕົນເອງ, ຍົກສູງສະຕິຕໍ່ການຈັດຕັ້ງ, ປະຕິບັດມະຕິຄໍາສັ່ງ ແລະລະບຽບວິໄນຂອງໂຮງຮຽນ ວາງອອກຢ່າງເຂັ້ມງວດ.

  ຜ່ານການສອບເສັງວິຊາການ ເມືອງໄດ້ຄະແນນ 9 ມີ 2 ສະ  ຫາຍ, ຄະແນນ 8 ມີ 139 ສະຫາຍ, ຄະແນນ 7 ມີ 57 ສະຫາຍ, ຄະແນນ 6 ມີ 4 ສະຫາຍວິຊາກົດ ໝາຍໄດ້ຄະແນນ  9  ມີ  6  ສະຫາຍ, ຄະແນນ 8 ມີ 162 ສະຫາຍ, ຄະແນນ 7 ມີ 34 ສະຫາຍ, ວິຊາສະ ເພາະໄດ້ຄະແນນ 9 ມີ 16 ສະຫາຍ, ຄະແນນ 8 ມີ 140 ສະ ຫາຍ, ຄະແນນ 7 ມີ 44  ສະຫາຍ, ຄະແນນ 6 ມີ 2 ສະຫາຍ, ໄດ້ຮັບການເລື່ອນຊັ້ນຮ້ອຍຕີຂຶ້ນຊັ້ນຮ້ອຍ  ໂທ 3 ສະຫາຍ, ເລື່ອນຊັ້ນວາທິ ຮ້ອຍຕີ ຂຶ້ນຮ້ອຍຕີ 20 ສະຫາຍ, ເລື່ອນຊັ້ນສິບເອກ ຂຶ້ນຊັ້ນວາທິ ຮ້ອຍຕີ 17 ສະຫາຍ, ເລື່ອນຊັ້ນ ສິບໂທ ຂຶ້ນຊັ້ນສິບເອກ 48 ສະ ຫາຍ, ເລື່ອນຊັ້ນສິບຕີ ຂຶ້ນສິບໂທ 18 ສະຫາຍ, ປະດັບຊັ້ນສິບໂທ 2 ສະຫາຍ, ໄດ້ຮັບການຍ້ອງຍໍຂັ້ນກົມ ໃຫຍ່ການເມືອງປ້ອງກັນຄວາມສະຫງົບຈໍານວນ 26 ສະຫາຍ, ຂັ້ນກອງບັນຊາການ ປກສ ແຂວງຈໍາ ນວນ 59 ສະຫາຍ.

ນສພ ເສດຖະກິດ-ສັງຄົມ

ໂດຍ: ສາຄອນ

แชร์