ນະຄອນໄກສອນ ພົມວິຫານ ກ່າວເຕືອນຜູ້ລະເມີດຄຳສັ່ງເຈົ້າແຂວງ

  ວັນທີ 12 ກັນຍາ 2021, ກອງເລຂາຄະນະສະເພາະກິດເພື່ອປ້ອງກັນ, ຄວບຄຸມ ແລະແກ້ໄຂການລະບາດຂອງພະຍາດໂຄວິດ-19 ນໍາໂດຍທ່ານ ທິບພະມົນ ພິມມະສອນ ຮອງຫົວໜ້າຫ້ອງວ່າການນະຄອນໄກສອນ ພົມວິຫານ, ທັງເປັນກອງເລຂາຄະນະສະເພາະກິດນະຄອນໄດ້ສົມທົບກັບກໍາລັງເຈົ້າໜ້າທີ່ຕໍາຫຼວດ ປກສ ນະຄອນ, ປກສ ກຸ່ມບ້ານ ແລະນາຍບ້ານລົງເຮັດບົດທຶກ-ກ່າວເຕືອນ ປະຊາຊົນຈຳນວນໜຶ່ງທີ່ຍັງຖືກເບົາຕັ້ງວົງຊຸມແຊວເຫຼົ້າ-ເບຍ,ຮ້ານຂາຍເສື້ອ ແລະກິລາໃນຮົ່ມທຸກປະເພດ, ຊຶ່ງເປັນການລະເມີດຄຳສັ່ງຂອງທ່ານເຈົ້າແຂວງວ່າດ້ວຍການເພີ່ມທະວີຄວາມເຂັ້ມງວດໃນການປະຕິບັດມາດຕະການເພື່ອປ້ອງກັນ, ຄວບຄຸມ ແລະແກ້ໄຂການລະບາດຂອງພະຍາດໂຄວິດ-19 ຢູ່ນະຄອນໄກສອນ ພົມວິຫານ.

   ການລົງເຄື່ອນໄຫວຄັ້ງນີ້, ຄະນະສະເພາະກິດ ແລະເຈົ້າໜ້າທີ່ໄດ້ກ່າວເຕືອນເຈົ້າຂອງຮ້ານຜູ້ປະກອບການ, ຕັ້ງວົງຊຸມແຊວເຫລົ້າເບຍ ແລະກິລາໃນຮົ່ມ ແລະຂໍການຮ່ວມໄມ້ຮ່ວມມື ແລະເປັນເຈົ້າການນໍາກັນໃນການປະຕິບັດມາດຕະການຂອງຄະນະສະເພາະກິດວາງອອກຢ່າງເຂັ້ມງວດ, ພ້ອມທັງເຮັດບົດບັນທຶກກັບເຈົ້າຂອງຮ້ານແນະນໍາໃຫ້ປິດຮ້ານຊົ່ວຄາວປະເພດຮ້ານຂາຍເສື້ອຜ້າຈໍານວນໜຶ່ງເພື່ອເປັນຫຼັກຖານ, ຖ້າຫາກວ່າຜູ້ກ່ຽວຍັງມີການລະເມີດຝ່າຝືນບໍ່ປະຕິບັດມາດຕະການ ຫຼືແຈ້ງການ, ຄໍາແນະນໍາຕ່າງໆທີ່ຜິດຕໍ່ລະບຽບກົດໝາຍຈະບໍ່ມີຂໍ້ຍົກເວັ້ນໃດໆ ແລະສັ່ງໂຈະບໍ່ໃຫ້ເປີດຮ້ານ, ພ້ອມທັງປັບໃໝຕາມລະບຽບການ.

  ທັງນີ້ນີ້ກໍເພື່ອເປັນການປ້ອງກັນ ແລະຄວບຄຸມການຕິດເຊື້ອ, ການແຜ່ເຊື້ອພະຍາດໂຄວິດ-19 ຢູ່ໃນຊຸມຊົນນະຄອນ ໄກສອນ ພົມວິຫານກໍຄື ແຂວງສະຫວັນນະເຂດ ໃຫ້ນັບມື້ຫຼຸດລົງປະຊາຊົນຈະໄດ້ທໍາມາຫາກິນສູ່ສະພາບປົກກະຕິ.

------

• 15/09/2021