ນັກສຶກສາຜະດົງຄັນ ລົງຝຶກຕົວຈິງທີ່ບ້ານດ້າງ

   ພິທີມອບ-ຮັບນັກສຶກສາ ຜະດົງຄັນສາຍກົງ ລຸ້ນທີ 2 ໄດ້ຈັດຂຶ້ນໃນຕອນທ່ຽງຂອງວັນທີ 11 ມີນາ 2019 ຢູ່ທີ່ວັດບ້ານດ້າງເມືອງມະຫາໄຊແຂວງຄໍາມ່ວນ ກ່າວມອບໂດຍແມ່ນທ່ານ ດຣ. ເຂັມພາວັນ ມະນີວົງ ຜູ້ອໍານວຍການໂຮງຮຽນສາທາລະນະສຸກ ແຂວງ ແລະກ່າວຮັບໂດຍແມ່ນ ທ່ານ ຄໍາດີ  ອາດຈະເລີນສັກຮອງ ເຈົ້າເມືອງໆມະຫາໄຊ , ເຂົ້າຮ່ວມມີຫົວໜ້າຫ້ອງການສາທາລະນະສຸກເມືອງ, ອໍານາດການປົກຄອງບ້ານ ພະນັກງານຄູ-ອາຈານ, ນັກສຶກສາ ຜະດົງຄັນພ້ອມດ້ວຍພໍ່ແມ່ປະຊາ ຊົນພາຍໃນບ້ານດັ່ງກ່າວເຂົ້າຮ່ວມ.

   ໃນການລົງຝຶກປະຕິບັດຕົວຈິງ ຊຸມຊົນຂອງນັກສຶກສາຜະດົງຄັນ ຊັ້ນສູງປີທີ 3 ລຸ້ນທີ  2 ສົກ  2018 - 2019 ມີຈໍານວນທັງໝົດ 25 ຄົນ ຍິງ 25  ຄົນ, ໄລຍະເວລາໃນ ການລົງຝຶກປະຕິບັດຢູ່ຊຸມຊົນລວມ ທັງໝົດ 20 ວັນ ເລີ່ມປະຕິບັດຕົວ ຈິງແຕ່ວັນທີ 11 / 03 – 8 / 04 / 2019 ຍົກເວັ້ນວັນເສົາ-ອາທິດສໍາລັບຈຸດປະສົງຂອງໂຄງການນີ້ ແມ່ນເພື່ອປະຕິບັດບໍລິການການຜະ ດົງຄັນຕາມບັນຫາຂອງແມ່ ແລະ ເດັກ, ໄວໜຸ່ມ ແລະແມ່ຍິງໄວຈະ ເລີນພັນໃນຊຸມຊົນແບບມີສ່ວນ ຮ່ວມໃນການແກ້ໄຂບັນຫາຂອງ ຄອບຄົວ, ຊຸມຊົນ ແລະອໍານາດ ການປົກຄອງເມື່ອຮຽນຈົບວິຊານີ້ ແລ້ວຜູ້ຮຽນສາມາດສ້າງແຜນ ແລະ ໂຄງການພັດທະນາສຸຂະພາບໃນ ຊຸມຊົນທີ່ສະແດງການມີສ່ວນຮ່ວມ ຂອງຊຸມຊົນ ໂດຍໃຊ້ຄວາມຮູ້ທາງ ການຜະດົງຄັນ, ຂຽນແຜນການ  ປະຕິບັດການສົ່ງເສີມ, ປ້ອງກັນ ແລະຄວບຄຸມໃນການດູແລສຸຂະ ພາບຂອງແມ່, ເດັກ, ໄວໜຸ່ມ ແລະ ແມ່ຍິງໄວຈະເລີນພັນ, ປະຕິບັດການຜະດົງຄັນຢູ່ບົນພື້ນຖານຂອງແນວ ຄິດທິດສະດີຢ່າງມີເຫດຜົນດ້ວຍ ການປະຕິບັດການປະຊຸມປຶກສາ ແລະການກວດຢ້ຽມແມ່ໄລຍະຖືພາ, ເກີດລູກ ແລະຫຼັງເກີດ, ສະແດງ ຄວາມຄິດເຫັນທີ່ດີ ແລະມະນຸດສໍາ ພັນອັນດີກັບອໍານາດການປົກຄອງທ້ອງຖິ່ນ .

  ພາຍຫຼັງສໍາເລັດຈາກການລົງຝຶກປະຕິບັດຕົວຈິງຊຸມຊົນນັກສຶກ ສາຈະໄດ້ຮັບປະສົບການທີ່ໄດ້ປະຕິບັດຕົວຈິງໃນການເກັບກໍາຂໍ້ມູນ ດ້ານຕ່າງໆຮ່ວມກັບຄະນະກໍາມະ ການຮັກສາສຸຂະພາບຂັ້ນບ້ານຂອງເມືອງ, ນັກສຶກສາໄດ້ຮັບປະສົບການ, ໄດ້ຮຽນຮູ້ດ້ານຕ່າງໆໃນ ການຈັດຕັ້ງປະຕິບັດ, ນັກສຶກສາຮູ້ ຈັກສາເຫດຂອງບັນຫາ, ຮູ້ຈັກແກ້ ໄຂບັນຫາ, ຮູ້ຈັກນໍາສະເໜີບັນຫາທີ່ຄົ້ນພົບ ແລະສາມາດນໍາສະເໜີຕໍ່ຂັ້ນເທິງ .

  ບ້ານດ້າງ ເມືອງມະຫາໄຊ ແຂວງຄໍາມ່ວນ ແມ່ນເປັນບ້ານໜຶ່ງ ໃນຈໍານວນ 67 ບ້ານຂອງເມືອງ ຊຶ່ງປະກອບມີ 188 ຫຼັງຄາ, 220  ຄອບຄົວ, ເປັນບ້ານທີ່ຕັ້ງຢູ່ຫ່າງ ຈາກຕົວເມືອງ ແລະຢູ່ລຽບຕາມ ສາຍນໍ້າເຊບັ້ງໄຟ, ປະຊາຊົນປະ ກອບມີ 3 ເຜົ່າຄື: ມະກ໋ອງ, ລາວ ແລະຜູ້ໄທ, ປະຊາຊົນຍືດຖືອາຊີບ ປູກຝັງ-ລ້ຽງສັດ, ນັບຖືສາສະໜາພຸດ.

ນສພ ເສດຖະກິດ-ສັງຄົມ

ໂດຍ: ອຸ່ນເຮືອນ

แชร์