ຫວຽດນາມ-ແບນຊິກ ຊຸກຍູ້ການນຳເຂົ້າ ຜະລິດຕະພັນກະເສດ

  ທ່ານລັດຖະມົນຕີ ເລມິງຮວານຂອງ ສສ ຫວຽດນາມ ໄດ້ສະເໜີໃຫ້ຝ່າຍແບນຊິກ ຈົ່ງສ້າງເງື່ອນໄຂສະດວກເພື່ອໃຫ້ບັນດາປະເພດຜະລິດຕະພັນກະເສດ-ປ່າໄມ້-ສິນໃນນໍ້າຂອງທັງສອງປະເທດແຊກຊືມເຂົ້າຕະຫຼາດພາຍໃນຂອງກັນ.

  ຕາມຂ່າວສານຫວຽດນາມລາຍງານວ່າ ໃນຂອບເຂດການຢ້ຽມຢາມ ແລະເຮັດວຽກຢູ່ສະຫະພາບເອີຣົບ (EU) ແລະແບນຊິກ ຂອງ ທ່ານປະທານສະພາແຫ່ງຊາດເວືອງດິ່ງເຫ້ວ ແລະຄະນະຜູ້ແທນຂັ້ນສູງຫວຽດນາມ, ວັນທີ 8 ກັນຍາ, ທ່ານລັດຖະມົນຕີກະຊວງກະສິກຳ ແລະພັດທະນາຊົນນະບົດຫວຽດນາມ ເລມິງຮວານໄດ້ພົບປະກັບທ່ານລັດຖະມົນຕີສະຫະພັນ ແບນຊິກ David Clarinval ກ່ຽວກັບປະຊາຊົນຂັ້ນກາງ, ຜູ້ອອກແຮງງານເສລີ, ວິສາຫະກິດຂະໜາດກາງ, ແລະນ້ອຍ ແລະກະສິກຳ, ປະຈຸບັນ, ແບນຊິກ ແມ່ນຄູ່ຮ່ວມມືການຄ້າກະສິກຳ-ປ່າໄມ້-ສິນ ໃນນໍ້າສຳຄັນ ແລະໃຫຍ່ອັນດັບທີ 5 ຂອງ ຫວຽດນາມໃນກຸ່ມ EU ທ່ານ ເລມິງຮວານ ໄດ້ຢັ້ງຢືນວ່າ ຫວຽດນາມ ຈະສ້າງສະພາບແວດລ້ອມທີ່ອຳນວຍຄວາມສະດວກເພື່ອສົ່ງເສີມວິສາຫະກິດແບນຊິກມາລົງທຶນ, ຮ່ວມດຳເນີນທຸລະກິດ, ເຊື່ອມຕໍ່ການຜະລິດ, ດຳເນີນທຸລະກິດກະສິກຳຢູ່ຫວຽດນາມໃນບັນດາຂົງເຂດທີ່ອາດຈະແມ່ນທ່າແຮງຂອງແບນຊິກສອງຝ່າຍສືບຕໍ່ຍູ້ແຮງການຮ່ວມມືໃນການຄົ້ນຄວ້າ, ຖ່າຍທອດເຕັກໂນ ໂລຢີ, ບຳລຸງສ້າງລະຫວ່າງບັນດາສະຖາບັນ, ໂຮງຮຽນ ແລະບັນດາເຂດຂອງແບນຊິກ ກັບຫວຽດນາມ.

----

ໜັງສືພິມ ເສດຖະກິດ-ສັງຄົມ

แชร์