ຈັບມືພັດທະນາລະບົບເຕັກໂນໂລຊີ

ຂ່າວ: ບຸນນິກ 

    ເພື່ອຮອງຮັບການພັດທະນາເສດຖະກິດດິຈິຕອລການສຶກສາຄວາມເປັນໄປໄດ້ຂອງການພັດທະນາລະບົບເຕັກໂນໂລຊີວັນທີ 9 ກັນຍາ 2021, ທີ່ກະຊວງເຕັກໂນໂລຊີ ແລະການສື່ສານ, ໄດ້ມີພິທີຈັດເຊັນບົດບັນທຶກຄວາມເຂົ້າ ໃຈລະຫວ່າງກົມແຜນການ ແລະການຮ່ວມມື, ກະຊວງເຕັກໂນໂລຊີແລະການສື່ສານຕາງໜ້າໃຫ້ພາກລັດແລະບໍລິສັດ ລາວເກດເວ ຈຳກັດ, ໃຫ້ກຽດເຂົ້າຮ່ວມເປັນປະທານ ແລະສັກຂີພະຍານໂດຍທ່ານ ບໍ່ວຽງຄຳ ວົງດາລາ ລັດຖະມົນຕີກະຊວງ ຕສ, ທ່ານ ສູນທອນ ພົມມະຈັກ ປະທານສະພາບໍລິຫານ ບໍລິສັດ ລາວເກດເວ ຈຳກັດ, ຄະນະກົມ/ ທຽບເທົ່າອ້ອມຂ້າງກະຊວງພ້ອມດ້ວຍຄະນະຜູ້ບໍລິຫານ ບໍລິສັດ ລາວເກດເວ ຈຳກັດ.

   ເປັນກຽດຕາງໜ້າລົງນາມໃນພິທີເຊັນບົດບັນທຶກຄວາມເຂົ້າໃຈຂອງສອງຝ່າຍໃນຄັ້ງນີ້ໂດຍ: ທ່ານ ພູຂົງ ຈິດຮູບໂລກ, ຫົວໜ້າກົມແຜນການ ແລະການຮ່ວມມື, ກະ ຊວງເຕັກໂນໂລຊີ ແລະການສື່ສານ ແລະທ່ານ ກຸມພາໄຊ ສີລິວົງ, ຜູ້ອຳນວຍການໃຫ່ຍ ບໍລິສັດ ລາວເກດເວ ຈຳກັດ ເພື່ອຕົກລົງຮ່ວມມືກັນໃນການສຶກສາຄວາມເປັນໄປໄດ້ຂອງການພັດທະນາລະບົບເຕັກໂນໂລຊີເພື່ອຮອງຮັບການພັດທະນາເສດຖະກິດດິຈິຕອນ, ເປັນຕົ້ນການຮ່ວມມືສຶກສາຕໍ່ຍອດລະບົບ LaoKYC ເພື່ອໃຫ້ບໍລິການຂໍ້ ມູນສຸຂະພາບຕ້ານພະຍາດລະບາດ ຫຼື Primary Health Assessment Network (PHAN); ການພັດທະນາລະບົບເຊື່ອມຕໍ່ເຄືອຄ່າຍອິນເຕີເນັດລະ ຫວ່າງຊາຍແດນ ຫຼື Cross Boarder Interface (CBI) ເພື່ອສ້າງລາຍຮັບ ໃໝ່ໃຫ້ກັບລັດຖະບານ; ລະບົບບັນຊີສາທາລະນະ ຫຼື Cloud Accounting System ເພື່ອໃຫ້ຫົວໜ່ວຍຈຸລະວິສາຫະກິດຫັນມາຖືບັນຊີຖືກຕ້ອງ ແລະສ້າງລາຍຮັບໃຫ້ກັບລັດຖະບານ ແລະລະບົບຮັກສາຄວາມປອດໄພຂອງເຄືອຂ່າຍຄອມພິວເຕີ້ ຫຼື Cyber Security ເພື່ອຮັບປະກັນລະບົບຄວາມປອດໄພຂອງເຄືອຂ່າຍຄອມພິວເຕີ້ແນໃສ່ການຜັນຂະຫຍາຍຍຸດທະສາດເສດຖະກິດດິຈິຕອລຂອງລັດຖະບານ;

แชร์