ເຈົ້າແຂວງ ໄຊຍະບູລີ ໂອ້ລົມນັກສຶກສາ ທີ່ສຶກສາຢູ່ ສສ ຫວຽດນາມ

    ເນື່ອງໃນໂອກາດທີ່ທ່ານ ພົງສະຫວັນ ສິດທະວົງ ເຈົ້າແຂວງໄຊຍະບູລີ ພ້ອມດ້ວຍຄະນະໄດ້ເດີນ ທາງໄປຢ້ຽມຢາມ ແລະເຮັດວຽກ ຢູ່ແຂວງເຊີນລາ ສສ  ຫວຽດນາມ, ໃນຕອນບ່າຍຂອງວັນທີ 11 ມີນາ 2019 ນີ້ ທີມງານຂອງທ່ານເຈົ້າ ແຂວງໄດ້ເຂົ້າຢ້ຽມຢາມ ແລະໂອ້ລົມຕໍ່ນັກສືກສາຂອງແຂວງໄຊຍະ ບູລີ  ທີ່ສືກສາຢູ່ແຂວງເຊີນລາ,  ກ່ອນອື່ນທີມງານຂອງທ່ານເຈົ້າແຂວງແມ່ນໄດ້ຮັບຟັງການລາຍງານຫຍໍ້ຂອງການຮຽນ-ການສອນຈາກ ທ່ານ ຫງວນດຶກລອງ  ຮອງອໍາ ນວຍການໂຮງຮຽນວິທະຍາໄລ ເຊີນລາ ທ່ານໄດ້ກ່າວວ່າ: ຕະຫຼອດ ໄລຍະທີ່ຜ່ານມາພາຍໃຕ້ການນໍາພາ ຂອງສະພາປະຊາຊົນແຂວງ, ຄະນະ ກໍາມະການພັກແຂວງເຊີນລາ, ໂຮງ ຮຽນວິທະຍາໄລ ແລະສະຖາບັນການກໍ່ສ້າງຕ່າງໆແມ່ນໄດ້ມີການ ປະກອບສ່ວນຢ່າງຕັ້ງໜ້າເຮັດໃຫ້ ສາຍພົວພັນຮ່ວມມືມິດຕະພາບພິ ເສດຫວຽດນາມ-ລາວ, ລາວ-ຫວຽດນາມເພີ່ມທະວີການຮ່ວມມື ຮອບດ້ານແລະບັນລຸໄດ້ຫຼາຍດ້ານ, ເປັນຕົ້ນແມ່ນການສ້າງຊັບພະຍາ ກອນໃຫ້ແຂວງໄຊຍະບູລີ, ປະຈຸບັນຢູ່ວິທະຍາໄລແຫ່ງຕ່າງໆພາຍໃນ ແຂວງເຊີນລາ ມີນັກສືກສາຈາກ ແຂວງໄຊຍະບູລີ ຈໍານວນ 196 ຄົນ, ໃນນັ້ນທຶນໃນແຜນ 164 ຄົນ ແລະທຶນສ່ວນຕົວ 32 ຄົນ.

  ຈາກນັ້ນທ່ານ  ພົງສະຫວັນ  ສິດທະວົງ ເຈົ້າແຂວງໄຊຍະບູລີ ກໍ່ໄດ້ ຂຶ້ນກ່າວຄໍາຂອບໃຈຕໍ່ການນໍາຂອງ ແຂວງເຊີນລາ ສສ ຫວຽດນາມ ທີ່ຢາມໃດກໍ່ໄດ້ໃຫ້ການຊ່ວຍເຫຼືອ ແຂວງໄຊຍະບູລີດ້ວຍດີຕະຫຼອດມາ ໂດຍສະເພາະແມ່ນຊ່ວຍສ້າງບຸກຄະ ລາກອນ ແລະຊ່ວຍສ້າງອາຄານ ການຮຽນ-ການສອນໃຫ້ແຂວງ ໄຊຍະບູລີ, ພ້ອມດຽວກັນກໍ່ໄດ້ໂອ້ ລົມຕໍ່ນັກສືກສາຂອງແຂວງໄຊຍະ ບູລີ  ໄດ້ເນັ້ນໜັກ 3 ບັນຫາຫຼັກເປັນ ຕົ້ນແມ່ນ: ຕ້ອງໄດ້ເຄົາລົບຕໍ່ລະບຽບ ວິໄນຂອງໂຮງຮຽນ ແລະກົດໝາຍ ຂອງ ສສ ຫວຽດນາມ ໃຫ້ເຂັ້ມ ງວດ, ຕັ້ງໜ້າປະກອບສ່ວນເຂົ້າໃນ ກິດຈະກໍາຕ່າງໆຂອງໂຮງຮຽນກໍ່ຄືແຂວງເຊີນລາເຊັ່ນ: ກິດຈະກໍາ ກີລາ, ສິລະປະວັນນະຄະດີ, ການ ອອກແຮງງານ ແລະອື່ນໆ, ຕັ້ງໃຈ ຮໍ່າຮຽນໃຫ້ເກັ່ງຍາດໃຫ້ໄດ້ຄະແນນ ດີ, ເອົາໃຈໃສ່ຮັກສາສຸຂະພາບໃຫ້ແຂງແຮງດ້ວຍການໝັ່ນອອກກໍາລັງກາຍ, ຫຼີ້ນກີລາ ແລະຮັກສາ ຄວາມສາມັກຄີໃຫ້ເປັນປຶກແຜ່ນ ພ້ອມທັງເບິ່ງແຍງ ແລະຊ່ວຍເຫຼືອ ເຊິ່ງກັນ ແລະກັນໃນເວລາມີບັນຫາ ແລະອື່ນໆ.

  ຕອນທ້າຍພິທີທ່ານເຈົ້າແຂວງ ໄຊຍະບູລີ ກໍ່ໄດ້ມອບເງິນຈໍານວນ 20 ລ້ານກີບ ໃຫ້ນັກສືກສາເພື່ອ ເປັນກອງທືນຊ່ວຍເຫຼືອກັນໃນເວລາ ເຈັບເປັນ,  ເຂົ້າຮ່ວມໃນການຢ້ຽມ ຢາມນັກສືກສາໃນຄັ້ງນີ້ມີທ່ານ ນາງ ເຍີຍທິເຟືອງ ກໍາມະການພັກແຂວງ, ຮອງປະທານສະພາປະຊາຊົນແຂວງ ເຊີນລາ,  ມີຄູ-ອາຈານ ແລະນັກສືກ ສາເຂົ້າຮ່ວມຢ່າງຫຼວງຫຼາຍ.

ນສພ ເສກຖະກິດ-ສັງຄົມ

ໂດຍ: ອຸ່ນເຮືອນ

แชร์