ເຢຍລະມັນ ນໍາເຂົ້າສິນຄ້າຈາກຈີນເພີ່ມຂຶ້ນ 3,9%

  ສຳນັກງານສະຖິຕິແຫ່ງຊາດຂອງເຢຍລະມັນເປີດເຜີຍວ່າ ເຢຍລະມັນຍັງນໍາເຂົ້າສິນຄ້າຈາກ ສປ ຈີນ ຫຼາຍທີ່ສຸດໃນເດືອນກໍລະກົດ ໂດຍມີມູນຄ່າການນໍາເຂົ້າສິນຄ້າ 10,7 ຕື້ເອີໂຣ ເພີ່ມຂຶ້ນ 3,9% ເມື່ອທຽບປີຕໍ່ປີ.

  ຕາມຂ່າວຕ່າງປະເທດລາຍງານວ່າ ເຢຍລະມັນສົ່ງອອກສິນຄ້າໄປຈີນໃນເດືອນກໍລະກົດທີ່ຜ່ານມາຄິດເປັນມູນຄ່າ 8,4 ຕື້ເອີໂຣ ຫຼຸດລົງ 4,3% ເມື່ອທຽບກັບເດືອນດຽວກັນຂອງປີກ່ອນ, ສຳລັບພາບລວມເຢຍລະມັນສົ່ງອອກສິນຄ້າໃນເດືອນກໍລະກົດຄິດເປັນມູນຄ່າ 1,15 ຮ້ອຍຕື້ເອີໂຣເພີ່ມຂຶ້ນ 0,5% ເມື່ອທຽບເດືອນຕໍ່ເດືອນ ແລະ 12,4% ເມື່ອທຽບປີຕໍ່ປີສ່ວນການນໍາເຂົ້າພາບລວມຢູ່ທີ່ 99,9 ຕື້ເອີໂຣ ຫຼຸດລົງ 3,8% ເມື່ອທຽບເດືອນຕໍ່ເດືອນແຕ່ເພີ່ມ ຂຶ້ນ 16,6% ເມື່ອທຽບປີຕໍ່ປີ.

  ຂະນະດຽວກັນເຢຍລະມັນສົ່ງອອກສິນຄ້າໄປຍັງປະເທດສະມາຊິກເອີຣົບ (ອີຢູ) ໃນເດືອນກໍລະກົດທີ່ຜ່ານມາຄິດເປັນມູນຄ່າ 61,6 ຕື້ເອີໂຣ ເພີ່ມຂຶ້ນ 17,7% ເມື່ອທຽບປີຕໍ່ປີ.

----

ໜັງສືພິມ ເສດຖະກິດ-ສັງຄົມ

แชร์