“ມັນນີເງິນຊ່ວຍເຈົ້າ” ເປີດບໍລິການຢ່າງເປັນທາງການແລ້ວ

   ພິທີເປີດໂຕ Money “ມັນນີເງິນຊ່ວຍເຈົ້າ” ໄດ້ຈັດຂຶ້ນຢ່າງເປັນທາງການທີ່ຕະຫຼາດເຊົ້າຊັອບປິ້ງມໍຊັ້ນ 2 ໃນວັນທີ 9 ກັນຍາ 2021 ໂດຍມີຄະນະບໍລິຫານງານ Money “ມັນນີເງິນຊ່ວຍເຈົ້າ” ພ້ອມດ້ວຍເພື່ອນມິດ ແລະຜູ້ທີ່ໃຫ້ຄວາມສົນໃຈເຂົ້າຮ່ວມຢ່າງຄຶກຄື້ນມ່ວນຊື່ນ.

   ທ່ານ ວິໄລສັກ ສຸລິຈັນ ໃນນາມຜູ້ກໍ່ຕັ້ງ ແລະຜູ້ບໍລິຫານ Money “ມັນນີເງິນຊ່ວຍເຈົ້າ” ພ້ອມທັງເປັນຮອງປະທານສະມາຄົມ LAO SME ແລະຮອງປະທານສະມາຄົມຄ້າອັນຍະມະນີ ແລະ ເຄື່ອງປະດັບລາວໄດ້ກ່າວວ່າ: Money “ມັນນີເງິນຊ່ວຍເຈົ້າ” ໄດ້ຮັບການສ້າງຕັ້ງຂຶ້ນຈາກພື້ນຖານທີ່ພວກຂ້າພະເຈົ້າໄດ້ດຳເນີນທຸລະກິດທາງດ້ານການຈຳໜ່າຍວັດຖຸມີຄ່າ ແລະເຄື່ອງປະດັບຢູ່ແລ້ວໃນນີ້ສຳລັບຄ່ານິຍົມຂອງຄົນໃນສັງຄົມລາວເຮົາຖືວ່າການຊື້ວັດຖຸມີຄ່າໄວ້ແມ່ນເປັນການທ້ອນໂຮມຊັບສິນໄປໃນຕົວ; ດັ່ງນັ້ນເວລາທີ່ລູກຄ້າມີຄວາມຈຳເປັນທີ່ຕ້ອງການໃຊ້ເງິນດ່ວນແມ່ນມີສອງທາງເລືອກຄື: ລູກຄ້າສາມາດນຳເອົາວັດຖຸມີຄ່າທີ່ຊື້ໄປນັ້ນມາຂາຍຄືນໃຫ້ທາງຮ້ານເພື່ອປ່ຽນເປັນເງິນສົດ ຫຼືລູກຄ້າຈະເລືອກນຳເອົາວັດຖຸມີຄ່າເຫຼົ່ານັ້ນມາຝາກເປັນຫຼັກຊັບເພື່ອປ່ຽນເປັນເງິນດ່ວນໄປໃຊ້ໃນດ້ານຕ່າງໆ​ ກໍ່ສາມາດ​ປະຕິບັດ​ໄດ້ເຊັ່ນກັນ; ໂດຍໃນນີ້ Money ຈະມີການວາງເງື່ອນໄຂທີ່ດີທີ່ສຸດໃຫ້ກັບລູກຄ້າພາຍໃຕ້ຄຳຂວັນທີ່ວ່າ:  “Money ໝູ່ແທ້ ທີ່ຢູ່ຄຽງຂ້າງເຈົ້າ” ໂດຍຢາກສື່ເຖິງລູກຄ້າທຸກໆທ່ານວ່າ Money ປຽບເໝືອນໝູ່ແທ້ຂອງທ່ານທີ່ພ້ອມໃຫ້ຄຳປຶກສາທີ່ດີ ແລະພ້ອມຊ່ວຍເຫຼືອທາງດ້ານການເງິນແກ່ທ່ານໃນເວລາທີ່ທ່ານພົບກັບບັນຫາ.

   Money “ມັນນີເງິນຊ່ວຍເຈົ້າ” ໄດ້ຮັບອະນຸຍາດໃຫ້ເຄື່ອນໄຫວຖືກຕ້ອງຈາກທະນາຄານແຫ່ງ ສປປ ລາວ ຊຶ່ງຈະມາມາດຕອບໂຈດຄວາມຕ້ອງການທີ່ຫຼາກຫຼາຍໃຫ້ກັບລູກຄ້າໃນສັງຄົມດ້ວຍການຮັບປະເມີນມູນຄ່າຊັບສິນທີ່ຫຼາກຫຼາຍລາຍການເຊັ່ນ: ຄຳຮູບປະພັນ ແລະຄຳແທ່ງ (ຄຳ 99.99, ຄຳຝຣັ່ງ, ຄໍາອິຕາລີ, 18k, ນາກ, ຂອບພະຄຳ ແລະອື່ນໆ), ເຄື່ອງປະດັບເພັດ, ພອຍ, ອັນຍະມະນີຕ່າງໆ, ໂມງແບຣນເນມແທ້ (Rolex, Omega, Patek,etc), ກະເປົາແບຣນເນມແທ້, ໂທລະສັບມືຖື ແລະແທັບເລັດ, ກ້ອງຖ່າຍຮູບ ແລະຄອມພິວເຕີ້, ລົດຈັກ ແລະລົດໃຫຍ່ທຸກຊະນິດ. ຊຶ່ງລູກຄ້າຈະໄດ້ຮັບເງິນດ່ວນແບບງ່າຍ, ອະນຸມັດໄວ, ດອກເບ້ຍຕໍ່າ, ມີເງື່ອນໄຂງ່າຍ ແລະຂັ້ນຕອນບໍ່ຫຼາຍ​ ແລະ​ພ້ອມທັງຮັບປະກັນຊັບສິນທີ່ລູກຄ້ານຳມາວາງເປັນຫຼັກຊັບນັ້ນຈະຢູ່ໃນສະພາບເດີມໂດຍມີລະບົບບໍລິຫານຈັດການເກັບຮັກສາທີ່ທັນສະໄໝໄດ້ມາດຕະຖານສາກົນ; ຊຶ່ງສາມາດກ່າວໄດ້ວ່າ​: Money “ມັນນີເງິນຊ່ວຍເຈົ້າ” ແມ່ນການປະດິດສ້າງໃໝ່ທາງດ້ານການສ້າງສະຖາບັນການເງິນທີ່ມີການວາງພື້ນຖານຄວາມສະດວກສະບາຍຢ່າງຮອບດ້ານໃຫ້ກັບລູກຄ້າທີ່ມາໃຊ້ບໍລິການໂດຍໃສ່ໃຈສະເໝີວ່າຊັບສິນຂອງພວກທ່ານນອກຈາກຈະມີມູນຄ່າເປັນເງິນແລ້ວຫຼາຍກວ່ານັ້ນກໍ່ຄືມູນຄ່າທາງຈິດໃຈທີ່ບໍ່ສາມາດປະເມີນຄ່າໄດ້; ດັ່ງນັ້ນ Money ຈຶ່ງມີການອອກແບບໂປແກຣມລະບົບບໍລິຫານຈັດການເພື່ອຮັກສາຊັບສິນຂອງທ່ານໄວ້ໃຫ້ດີທີ່ສຸດເພື່ອລໍຖ້າໄລຍະເວລາທີ່ທ່ານຜູ້ເປັນເຈົ້າຂອງເດີມຖ້າຫາກມີເງື່ອນໄຂຄົບຖ້ວນຕາມກຳນົດເວລາແລ້ວສາມາດກັບມາຮັບຊັບສິນຂອງທ່ານຄືນໄປໃນສະພາບທີ່ສົມບູນດັ່ງເດີມ.

   ສຳລັບ​ວິໄສທັດຂອງ Money “ມັນນີເງິນຊ່ວຍເຈົ້າ” ແມ່ນເນັ້ນເອົາໃຈໃສ່ການບໍລິການທີ່ມີຄວາມໂປ່ງໃສ, ຊັດເຈນ ແລະໃສ່ໃຈທຸກລາຍລະອຽດໃນການດຳເນີນທຸລະກຳທາງດ້ານການເງິນໃຫ້ກັບລູກຄ້າເຊັ່ນ: ການກຳນົດອັດຕາດອກເບ້ຍ ຫຼື ຄ່າທຳນຽມຕ່າງໆ ທີ່ປະກາດໄວ້ຢ່າງຊັດເຈນ ທັງ Online ແລະ Offline ແລະມີການປະເມີນມູນຄ່າຊັບສິນຢ່າງເປັນທຳທີ່ສຸດໃຫ້ກັບລູກຄ້າໂດຍແບ່ງຮູບແບບຂອງການປະເມີນຊັບສິນອອກເປັນສາມແບບຄື: ປະເມີນໂດຍກົງຜ່ານໜ້າຮ້ານ, ປະເມີນຜ່ານອອນໄລນ໌ ແລະປະເມີນດ້ວຍຮູບການລົງປະເມີນຕົວຈິງຢູ່ສະໜາມ; ໂດຍໃນຊ່ວງເປີດໂຕໃໝ່ນີ້ແມ່ນມີນະໂຍບາຍຮັບປະເມີນມູນຄ່າຊັບສິນໂດຍບໍ່ເກັບຄ່າທຳນຽມໃຫ້ກັບລູກຄ້ານຳດ້ວຍ ແລະສຳລັບລູກຄ້າທ່ານໃດມີວິໄນໃນການຊໍາລະຄ່າງວດທີ່ດີແບບສະເໝີຕົ້ນສະເໝີປາຍແມ່ນຈະໄດ້ຮັບການພິຈາລະນາຫຼຸດຜ່ອນດອກເບ້ຍໃຫ້ເປັນພິເສດໃນການອະນຸມັດສິນເຊື່ອໃນຄັ້ງຕໍ່ໄປພ້ອມ.

  Money ຈະເນັ້ນໃສ່ກຸ່ມລູກຄ້າເປົ້າໝາຍທີ່ເປັນກຸ່ມລູກຄ້າທີ່ມາແຕ່ຕ່າງຖິ່ນຜູ້ທີ່ມາໃຊ້ຊີວິດໃນນະຄອນຫຼວງວຽງຈັນທີ່ອາດຈະມີຄວາມຕ້ອງການໃຊ້ເງິນໃນການດຳລົງຊີວິດ ແລະກຸ່ມນັກທຸລະກິດຂະໜາດນ້ອຍ ແລະກາງທີ່ອາດຈະປະສົບບັນຫາໃນການໝູນເງິນບໍ່ທັນພວກເຂົາເຫຼົ່ານັ້ນສາມາດເຂົ້າມາ Money “ມັນນີເງິນຊ່ວຍເຈົ້າ” ເພື່ອຮັບຄຳປຶກສາໄດ້ໂດຍມີທີມງານທີ່ພ້ອມໃຫ້ການແນະນຳແນວທາງທີ່ເປັນຕົວເລືອກໃນການແກ້ໄຂບັນຫາທີ່ດີທີ່ສຸດສຳລັບທ່ານ.

   ທ່ານ ວິໄລສັກ ສຸລິຈັນ ເຊື່ອໝັ້ນວ່າໃນສະພາບເສດຖະກິດແຕ່ລະໄລຍະທຸກຄົນໃນສັງຄົມແມ່ນມີຄວາມຕ້ອງການກະແສເງິນຢູ່ແລ້ວໂດຍຈະມີຄວາມແຕກຕ່າງກັນໄປຕາມແຕ່ລະສະພາບຂອງບຸກຄົນນັ້ນໆ Money “ມັນນີເງິນຊ່ວຍເຈົ້າ” ຄືໜຶ່ງທາງເລືອກໃນການສ້າງໂອກາດໃຫ້ທຸກຄົນທີ່ຕ້ອງການຫັນຊັບສິນເປັນທຶນສາມາດກ້າວເຂົ້າສູ່ວົງຈອນຂອງລະບົບສິນເຊື່ອແບບສະບາຍໃຈພາຍໃຕ້ເງື່ອນໄຂ ແລະລະບົບອັນດຽວກັນທີ່ມີຄວາມຍຸຕິທຳທີ່ສຸດສຳລັບທ່ານ.

    ໃນປີ 2021 ນີ້ເປັນສິ່ງທີ່ປະຕິເສດບໍ່ໄດ້ວ່າທຸກໆທ່ານກໍ່ຄືບັນດາຫຼາຍໆຫົວໜ່ວຍທຸລະກິດໄດ້ປະສົບກັບສະພາບການແຜ່ລະບາດຂອງໂຄວິດ-19 ຊຶ່ງຈະມີຜົນກະທົບທີ່ແຕກຕ່າງກັນໄປຕາມແຕ່ລະຂົງເຂດວຽກງານ ແລະຫົວໜ່ວຍທຸລະກິດຕ່າງໆ ແຕ່ເຖິງຢ່າງໃດກໍ່ຕາມຂ້າພະເຈົ້າເຊື່ອໝັ້ນວ່າທຸລະກິດທາງດ້ານການເງິນແມ່ນຍັງຈະມີແນວໂນ້ມທີ່ເຕີບໃຫຍ່ຫຼາຍຂຶ້ນກວ່າເກົ່າ ເພາະອີງຕາມວິໄສທັດທີ່ຂ້າພະເຈົ້າເບິ່ງເຫັນວ່າທຸກໆທ່ານໃນສັງຄົມກຳລັງມີການປັບຕົວໃຫ້ເຂົ້າສະພາບການດຳລົງຊີວິດຮູບແບບໃໝ່ ແລະ ຮູ້ຈັກປ່ຽນທັດສະນະຄະຕິອອກຈາກກອບເດີມໆຄືຮູ້ຈັກໝູນໃຊ້ວິກິດໃຫ້ເປັນໂອກາດດ້ວຍການຫັນຊັບສິນເປັນທຶນ ແລະກ້າທີ່ຈະຕັດສິນໃຈລົງທຶນໃສ່ທຸລະກິດໃໝ່ໆທີ່ກຳລັງເປັນທີ່ຕ້ອງການຂອງສັງຄົມໃນເວລານີ້ ແລະຫວັງເປັນຢ່າງຍິງວ່າ Money “ມັນນີເງິນຊ່ວຍເຈົ້າ” ຈະສາມາດຕອບໂຈດຄວາມຕ້ອງການທາງດ້ານທຶນຮອນຂອງບັນດາທ່ານໃນສັງຄົມໄດ້ເປັນຢ່າງດີ “Money ໝູ່ແທ້ທີ່ຢູ່ຄຽງຂ້າງເຈົ້າ”.ສໍາລັບລູກຄ້າທີ່ສົນໃຈສາມາດສອບຖາມຂໍ້ມູນເພີ່ມຕື່ມໄດ້ທີ່ Money “ມັນນີເງິນຊ່ວຍເຈົ້າ” ສະຖານທີ່ຕັ້ງຢູ່ຕະຫລາດເຊົ້າຊັອບປິ້ງມໍຊັ້ນສອງເປີດບໍລິການທຸກມື້ 9:00 ໂມງ-17:00 ໂມງ ຫຼືສອບຖາມຂໍ້ມູນເພີ່ມຕື່ມໄດ້ທີ່: #ຫມູ່ເເທ້_ທີ່ຢູ່ຄຽງຂ້າງເຈົ້າ, ໂທລະສັບ: 030 5979 539, 020 5259 8889, Facebook: MONEY-ມັນນີເງິນຊ່ວຍເຈົ້າ.

แชร์