ລັດຖະມົນຕີຣັດເຊຍ ເສຍຊີວິດກະທັນຫັນ

  ລັດຖະມົນຕີກະຊວງສະຖານະການສຸກເສີນ ຣັດເຊຍເສຍຊີວິດກະທັນຫັນຈາກການໂດດລົງຊ່ວຍເຫຼືອຄົນຕົກໜ້າຜາສູງໃນອາກຕິກ.

  ຕາມສື່ທາງການຂອງຣັດເຊຍ ລາຍງານວ່າ: ທ່ານ Yevgeny Zinichev ລັດຖະມົນຕີກະຊວງ ສະຖານະການສຸກເສີນຂອງຣັດເຊຍເສຍຊີວິດຢ່າງກະທັນຫັນໃນວັນທີ 8 ກັນຍາ 2021 ດ້ວຍອາຍຸ 55 ປີ ຈາກອຸບັດເຫດລະຫວ່າງ ລົງພື້ນທີ່ຕິດຕາມການຝຶກອົບຮົມຂອງໜ່ວຍງານຢູ່ໃນສັງກັດເຂດ ມະຫາສະມຸດອາກຕິກພາກພື້ນຄຣັສໂນຢາສ (Krasnoya rsk) ທາງພາກເໜືອຂອງຣັດເຊຍ ຂະນະທີ່ນັກຖ່າຍຮູບຄົນໜຶ່ງເກີດເສຍຫຼັກ ແລະຕົກລົງໜ້າຜາສູງຈາກທະເລຫຼາຍແມັດໃນລະຫວ່າງຖ່າຍຮູບການຝຶກອົບຮົບຈາກນັ້ນທ່ານ Yevgeny Zinichev ໄດ້ກະໂດດລົງໄປຊ່ວຍເຮັດໃຫ້ຮ່າງກາຍຂອງລາວກະແທກໃສ່ກ້ອນຫີນທີ່ຢືນອອກມາຈາກໜ້າຜາຈົນເຮັດໃຫ້ເສຍຊີວິດ ແລະນັກຖ່າຍຮູບຄົນດັ່ງກ່າວກໍ່ເສຍຊີວິດເຊັ່ນກັນ.

  ສໍາລັບ ທ່ານ Yevgeny Zini chev ດຳລົງຕຳແໜ່ງລັດຖະມົນຕີກະຊວງສະຖານະການສຸກເສີນຂອງຣັດເຊຍມາຕັ້ງແຕ່ປີ 2018.

-----

ໜັງສືພິມ ເສດຖະກິດ-ສັງຄົມ

แชร์