ຫຼວງພະບາງ ໄດ້ອຸປະກອນຊ່ວຍເຫຼືອສຸກເສີນ

ຂ່າວ: ທະນູສິນ 

    ໃນວັນທີ 7 ກັນຍາ 2021, ທີ່ສູນປະຕິບັດງານຄວບຄຸມໂຄວິດ-19 ແຂວງຫຼວງພະບາງ ໄດ້ມີພິທີມອບ-ຮັບອຸປະກອນຊ່ວຍເຫຼືອສຸກເສີນເພື່ອຕ້ານການລະບາດພະຍາດໂຄວິດ-19 ຢູ່ແຂວງຫຼວງພະບາງຈາກອົງການກາແດງສະວິດສ໌ ໂດຍການກ່າວມອບຂອງ ທ່ານ ນາງ ບີນີຕາ ຫົວໜ້າ ອົງການກາແດງສະວິດສ໌ປະຈໍາແຂວງຫຼວງພະບາງພ້ອມດ້ວຍຄະນະ ແລະກ່າວຮັບໂດຍທ່ານ ບຸນເລື່ອມ ມະນີວົງ ຮອງເຈົ້າແຂວງຫົວໜ້າຄະນະສະເພາະກິດເພື່ອປ້ອງກັນ,ຄວບຄຸມ ແລະແກ້ໄຂການລະບາດພະຍາດໂຄວິດ-19 ແຂວງຫຼວງພະບາງພ້ອມດ້ວຍຄະນະ.

   ເຄື່ອງທີ່ອົງການກາແດງສະວິດສ໌ ນຳມາມອບໃນຄັ້ງນີ້ປະກອບມີ: ຕັ່ງຢາງ 200 ໜ່ວຍ, ເຕັ້ນ 5 ດາງ, ພັດລົມໃຫ່ຍ 8 ໜ່ວຍ ແລະສຳລີກ້ອນຈໍານວນໜຶ່ງລວມ ເປັນມູນຄ່າທັງໝົດ 50 ລ້ານກີບ, ຈາກນັ້ນທ່ານ ບຸນເລື່ອມ ມະນີວົງ ຍັງໄດ້ລາຍງານສະພາບການແຜ່ລະບາດຂອງພະຍາດໂຄວິດ-19 ໃນຮອບ 3 ພາຍໃນແຂວງຫຼວງພະບາງໂດຍຫຍໍ້ພ້ອມທັງກ່າວຂອບໃຈມາຍັງອົງການກາແດງສະວິດສ໌ ທີ່ເຫັນຄວາມສຳຄັນເຂົ້າຊ່ວຍເຫຼືອອຸປະກອນໃນຄັ້ງນີ້ ແລະຈະນຳໃຊ້ອຸປະກອນດັ່ງກ່າວເຂົ້າ ໃນວຽກງານຕົວຈິງໃຫ້ແທດເໜາະກັບສະພາບການປະຕິບັດງານເພື່ອໃຫ້ເກີດຜົນປະໂຫຍກສູງສຸດ.

แชร์