ວັດທະນາໄຊ ສືບຕໍ່ມອບເຄື່ອງຊ່ວຍຕ້ານໂຄວິດ

ຂ່າວ: ບຸນນິກ 

  ເພື່ອເປັນການປະກອບສ່ວນໜ່ວຍງານໂດຍສະເພາະພາກສ່ວນກ່ຽວຂ້ອງໃນການປະຕິບັນໜ້າທີ່ຊ່ວຍສັງຄົມປະຈຸບັນຕ້ານພະຍາດໂຄວິດໃນວັນທີ 31 ສິງຫາຜ່ານມາທີມງານທ່ານ ວັດທະນາໄຊ ລາດຊະວົງສິງ ປະທານກີລາແລ່ນລານຄົນພິການແຫ່ງຊາດລາວ ແລະເປັນປະທານສະມາຄົມມັງກອນທອງມອບເຄື່ອງຊ່ວຍເຫຼືອສານປະຊາຊົນເຂດ 2 ປະກອບມີນໍ້າດື່ມ 600 ແພັກເຈວລ້າງມື 6 ແກ້ດ ຝາປິດປາກ 6 ແກັດ, ປິ່ນເຕີ 6 ເຄື່ອງ ລວມມູນຄ່າທັງໜົດ 54.000.0000 ກີບ ຕ່າງໜ້າຮັບແຕລະພາກສ່ວນເຂົ້າຮ່ວມ.

   ທ່ານ ວັດທະນາໄຊ ລາດຊະວົງສິງ ໃຫ້ສຳພາດຜ່ານໂທລະສັບຕໍ່ທີມຂ່າວໜັງສືພິມເສດຖະກິດ-ສັງຄົມ ພວກເຮົາຮູ້ວ່າ: ຊຶ່ງການມອບປະກອບສ່ວນເຄື່ອງຊ່ວຍສັງຄົມແມ່ນທີມງານພວກເຮົາໄດ້ປຸກລະດົມອ້າຍນ້ອງຄອບຄົວສະມາຄົມມັງກອນທອງລວມເຖິງຜູ້ມີນໍ້າໃຈຢາກຊ່ວຍກັນທັງນີ້ກໍ່ເພື່ອເປັນສວນໜຶ່ງໃນການປະກອບຊ່ວຍປະເທດຊາດ, ໂດຍອາທິດຜ່ານມາ ວັນທີ 27 ສິງຫາ ທີມງານພວກເຮົາກໍ່ໄປມອບເຄື່ອງຊ່ວຍເຫຼືອທາງພາກລັດ ປກສ ຕາມຈຸມຕ່າງໆທີ່ສຳຄັນຊຶ່ງປະກອບມີເຈວລ້າງມື, ຜ້າປິດປາກລວມມູນຄ່າທັງໜົດ 80.000.000 ລ້ານກີບ.

แชร์