ນັກໂທດ 100 ກວ່າຄົນ ໃນຄ້າຍຄຸມຂັງ-ດັດສ້າງແຂວງວຽງຈັນ ຖືກສືກສາອົບຮົມ

    ໃນວັນທີ 31 ສິງຫາ 2021 ຢູ່ໃນຄ້າຍຄຸມຂັງ-ດັດສ້າງ ປກສ ແຂວງວຽງຈັນ ໄດ້ສຶກສາອົບຮົມນັກໂທດ, ຜູ້ຕ້ອງຫາ ແລະຜູ້ຖືກດັດສ້າງເນື່ອງໃນໂອກາດວັນສຳຄັນຂອງຊາດໃຫ້ກຽດສຶກສາມຮົມນັກໂທດໃນຄັ້ງນີ້ມີທ່ານ ບຸນຄໍ້າ ທຳມະວົງ ຫົວໜ້າອົງການໄອຍະການປະຊາຊົນແຂວງວຽງຈັນ ແລະ ທ່ານ ພັນໂທ ຈັນທະນົງສັກ ສີສົມພອນ ຫົວໜ້າຄ້າຍຄຸມຂັງ-ດັດສ້າງ ປກສ ແຂວງວຽງຈັນ, ມີນັກໂທດຕ້ອງຫາເຂົ້າຮ່ວມຮັບຟັງ 100 ກວ່າຄົນ.

   ໃນນັ້ນໄດ້ມີການເລົ່າຄືນມູນເຊື້ອວັນລັດຖະທຳມະນູນແຫ່ງຊາດຄົບຮອບ 30 ປີ, ວັນຍຶດອຳນາດທົ່ວປະເທດຄົບຮອບ 46 ປີ ແລະ ກົດລະບຽບນັກໂທດ, ຜູ້ຕ້ອງຫາແລະຜູ້ຖືກດັດສ້າງ ສະບັບເລກທີ 323 /ກຄສ ລົງວັນທີ 12 ກຸມພາ 2013 ເຊິ່ງກົດລະບຽບສະບັບນີ້ໄດ້ກຳນົດຫຼັກການສິດ, ພັນທະ, ຂໍ້ຫ້າມ, ນະໂຍບາຍ ແລະ ມາດຕະການຕ່າງໆ ຕໍ່ຜູ້ລະເມີດການສຶກສາອົບຮົມນັກໂທດຜູ້ຖືກຫາ ແລະຜູ້ຖືກດັດສ້າງ ໃຫ້ເຄື່ອນໄຫວຕາມລະບຽບການຂອງຄ້າຍວາງອອກນອກນັ້ນໄດ້ນຳເອົາຂໍ້ຫ້າມຕ່າງໆຂອງຄ້າຍໂດຍສະເພາະແມ່ນ 4 ໝວດ 17 ມາດຕາ ໄດ້ລະບຸຂໍ້ຫ້າມວ່າ: ນັກໂທດຜູ້ຖືກຫາ ແລະ ຜູ້ຖືກດັດສ້າງຫ້າມນຳເອົາເຄື່ອງຕິດຕໍ່ສື່ສານ, ຢາເສບຕິດ, ອາວຸດ, ຂອງແຂງ, ເງິນສົດ, ເຄື່ອງຂອງມີຄ່າ ແລະສິ່ງຂອງຕ້ອງຫ້າມອື່ນໆເຂົ້າມາໃນຄ້າຍເພື່ອຮັບປະກັນໃນການຄຸ້ມຄອງ ແລະມີຄວາມປອດໄພ.

   ທ່ານຫົວໜ້າຄ້າຍຄຸມຂັງກ່າວວ່າ: ການສຶກສາອົບຮົມໃຫ້ນັກໂທດຜູ້ຕ້ອງຫາຫາ ແລະຜູ້ຖືກດັດສ້າງໃນຄັ້ງນີ້ກໍ່ເພື່ອໃຫ້ເຂົ້າໃຈຮູ້ເຖິງລະບຽບກົດໝາຍແນວທາງນະໂຍ ບາຍຕ່າງໆ ພ້ອມທັງສ້າງໃຫ້ນັກໂທດ, ຜູ້ຕ້ອງຫາ ແລະຜູ້ຖືກດັດສ້າງມີການປ່ຽນແປງທາງດ້ານທັດສະນະແນວຄິດມີຄວາມຮູ້ສຶກກີນແໜງແຄງໃຈຕໍ່ການກະທຳຜິດຂອງຕົນສ້າງຕົນເອງໃຫ້ເປັນພົນລະເມືອງທີ່ດີຂອງຄອບຄົວກໍ່ຄືສັງຄົມ ແລະປະເທດຊາດພ້ອມນັ້ນກໍ່ເປັນການສຶກສາອົບຮົມໃຫ້ເຂົາເຈົ້າຮູ້ຈັກຝຶກຝົນຫຼໍ່ຫຼອມດັດປັບແນວຄິດຂອງຕົນເອງເພື່ອຄວາມສະດວກໃຫ້ແກ່ເຈົ້າໜ້າທີ່ເພື່ອປະຕິບັດນະໂຍບາຍຕ່າງໆໃຫ້ແກ່ເຂົາເຈົ້າ ແລະເຮັດໃຫ້ເຂົາເຈົ້າກາຍເປັນພົນລະເມືອງດີໃນເວລາພົ້ນໂທດອອກໄປ ແລະໄດ້ໃຊ້ຊິດວິດປົກກະຕິຢູ່ກັບຄອບຄົວ ແລະສັງຄົມ.


ພາບ-ຂ່າວ: ບຸນມາ ແກ້ວບຸດດາ.

แชร์