ເກີດລະເບີດຢູ່ສະໜາມບິນຄາບູລ ເສຍຊີວິດ 60 ກວ່າຄົນ

  ເຫດການລະເບີດຢູ່ທີ່ສະໜາມບິນຄາບູລປະເທດອາຟການິດສະຖານເກີດຂຶ້ນໃກ້ກັບບໍລິເວນທີ່ປະຊາຊົນລວມໂຕກັນຢູ່ເປັນຈໍານວນຫຼາຍ ໂດຍຫວັງວ່າຈະໄດ້ຂຶ້ນເຮືອບິນເພື່ອເດີນທາງອອກນອກປະເທດ.
  ເຈົ້າໜ້າທີ່ອະວຸໂສດ້ານສາທາລະນະສຸກໃນນະຄອນຄາບູລ ໄດ້ບອກວ່າ ເຫດລະເບີດເຮັດໃຫ້ມີຜູ້ເສຍຊີວິດຢ່າງໜ້ອຍ 60 ຄົນ ແລະອີກ 140 ຄົນ ແມ່ນໄດ້ຮັບບາດເຈັບ, ທ້າວ ຈອນ ເຄີບີ ໂຄສົກກະຊວງປ້ອງກັນປະເທດຢູ່ທີ່ສະຫະລັດຢືນຢັນວ່າເຈົ້າໜ້າທີ່ສະຫະລັດທີ່ປະຕິບັດວຽກຢູ່ໃນອັບການິສະຖານ ໂດຍໃນຈໍານວນນີ້ ມີ 11 ຄົນ ແມ່ນທະຫານເຮືອ ແລະແພດທະຫານອີກ1 ຄົນ ເຫດການຄັ້ງນີ້ນັບເປັນເຫດການນອງເລືອດທີ່ສຸດທີ່ເກີດຂຶ້ນກັບກອງກໍາລັງທະ ຫານໃນອັບການິສະຖານນັບຕັ້ງແຕ່ປີ 2011 ຊຶ່ງໃນເດືອນສິງຫາປີ 2021 ນີ້ ເຮືອບິນເຮລິຄອບເຕີໄດ້ບັນທຸກກອງກໍາລັງພິເສດຂອງສະຫະລັດຖືກນັກຮົບຕາລີບັນຍິງຕົກຈາກພູເຂົາທາງຕາເວັນຕົກສ່ຽງໃຕ້ຂອງນະຄອນຄາບູລເຮັດໃຫ້ກອງກໍາລັງສະຫະລັດເສຍຊີວິດ 30 ຄົນ.
  ສໍານັກຂ່າວນິສວິກຍັງໄດ້ລາຍງານວ່າ ເຮືອບິນກອງທັບອີຕາລີຖືກຍິງລະຫວ່າງກໍາລັງຈະຂຶ້ນບິນ ແລະບໍ່ພົບວ່າເຮືອບິນໄດ້ຮັບຄວາມເສຍຫາຍ ໂດຍເຮືອບິນລໍາລຽງ C-130 ນັ້ນອົບພະຍົບປະຊາຊົນອັບການິສະຖານຈໍານວນ 100 ຄົນ ອອກໄປໃນຂະນະທີ່ກໍາລັງກຽມຂຶ້ນບິນກໍໄດ້ຖືກໂຈມດ້ວຍການຍິງອອກມາຈາກສະໜາມບິນແຕ່ກໍບໍ່ຮູ້ວ່າເປັນຝ່າຍໃດ ແລະສາເຫດຂອງການຍິງໃນຄັ້ງນີ້ແມ່ນຫຍັງ.

-----

ໜັ້ງສືພິມ ເສດຖະກິດ-ສັງຄົມ

แชร์