ການຄ້າຈີນ - ອາເມລິກາ ເພີ່ມຂຶ້ນ 40%

  ທ່ານ ກາວເຟິງ ເນັ້ນໜັກວ່າ, ສປ ຈີນ ຍາມໃດກໍ່ຖືເລື່ອງອາເມລິກາຈັດວາງພາສີເພີ່ມເຕີມໃສ່ສິນຄ້າຂອງຈີນແມ່ນບໍ່ມີຜົນປະໂຫຍດສຳລັບທັງສອງປະເທດກໍ່ຄືການຟື້ນຟູຂອງເສດຖະກິດໂລກ.
  ຕາມຂ່າວຕ່າງປະເທດລາຍງານວ່າ ທ່ານ ໂຄສົກກະຊວງການຄ້າຈີນ ກາວເຟິງ ໃຫ້ຮູ້ວ່າ, ເຖິງວ່າສະພາບການໂລກລະບາດໂຄວິດ - 19 ມີການຜັນແປຢ່າງສັບສົນກໍ່ຕາມ, ແຕ່ການພົວພັນທາງການຄ້າລະຫວ່າງ ຈີນ-ອາເມລິກາ ຍັງຮັບປະກັນທ່າເຕີບໂຕໄດ້, ຄະນະຜູ້ແທນການຄ້າສອງຝ່າຍຍັງແລກປ່ຽນເປັນປະຈຳ, ທ່ານໂຄສົກກະຊວງການຄ້າກາວເຟິງ ໃຫ້ຮູ້ວ່າໃນ 7 ເດືອນຕົ້ນປີ 2021, ວົງເງິນການຄ້າສິນຄ້າລະຫວ່າງ ຈີນ ແລະອາເມລິກາເພີ່ມຂຶ້ນ 40% ເມື່ອທຽບໃສ່ໄລຍະດຽວກັນຂອງປີກາຍ, ໃນນັ້ນຈີນນຳເຂົ້າຈາກອາເມລິກາເພີ່ມຂຶ້ນ 50,4%, ສົ່ງອອກໄປຍັງອາເມລິກາເພີ່ມຂຶ້ນ 36,9%.
  ທ່ານ ກາວເຟິງ ຢັ້ງຢືນວ່າ ພື້ນຖານເສດຖະກິດຈີນ ແລະອາເມລິກາ ມີການໜູນຊ່ວຍເຊິ່ງກັນ ແລະກັນ, ການຮ່ວມມືການຄ້າສອງຝ່າຍເໝາະສົມກັບຜົນປະໂຫຍດຂອງສອງປະເທດກໍ່ຄືຂອງປະຊາຊົນສອງປະເທດ.

----

ໜັງສືພິມ ເສດຖະກິດ-ສັງຄົມ

แชร์