ຫວຽດນາມ ລົງທຶນຢູ່ຕ່າງປະເທດ ເພີ່ມຂຶ້ນ 74%

  ບັນດານັກລົງທຶນ ສສ ຫວຽດນາມ ໄດ້ລົງທຶນເຂົ້າ 20 ປະເທດ ແລະເຂດແຄ້ວນຂຶ້ນກັບ 13 ຂົງເຂດ ຕະຫຼາດລົງທຶນຫຼາຍທີ່ສຸດແມ່ນອາເມລິກາ.
ຕາມຂ່າວຕ່າງປະເທດລາຍງານວ່າ ກະຊວງແຜນການ ແລະການລົງທຶນຫວຽດນາມໃຫ້ຮູ້ວ່າ, ໃນ 8 ເດືອນຕົ້ນປີ 2021, ຍອດເງິນລົງທຶນຂອງຫວຽດ ນາມໄປຍັງຕ່າງປະເທດບັນລຸໄດ້ 575 ລ້ານໂດລາ, ເພີ່ມຂຶ້ນກ່ວາ 74% ເມື່ອທຽບໃສ່ໄລຍະດຽວກັນຂອງປີ 2020 ໃນນັ້ນມີ 40 ໂຄງການໄດ້ຮັບໃບຢັ້ງຢືນໜັງສືອະນຸຍາດໃຫ້ລົງທຶນໃໝ່, ດ້ວຍຍອດທຶນຈົດທະບຽນບັນລຸກ່ວາ 150 ລ້ານໂດລາ ແລະ 13 ໂຄງການດັດປັບເງິນລົງທຶນດ້ວຍຍອດເງິນລົງທຶນເພີ່ມຂຶ້ນກ່ວາ 424 ລ້ານໂດລາ.
  ບັນດານັກລົງທຶນຫວຽດນາມ ໄດ້ລົງທຶນເຂົ້າ 20 ປະເທດ ແລະ ເຂດແຄ້ວນຂຶ້ນກັບ 13 ຂົງເຂດ ຕະຫຼາດລົງທຶນຫຼາຍທີ່ສຸດແມ່ນ ອາເມລິກາ ດ້ວຍຍອດເງິນລົງທຶນຈົດທະບຽນບັນລຸໄດ້ຫຼາຍກ່ວາ 300 ລ້ານໂດລາ, ກວມເອົາ 52,7% ຍອດເງິນລົງທຶນຖັດຈາກນັ້ນ ແມ່ນ: ກຳປູເຈຍ, ສປປ ລາວ, ກາ ນາດາ ແລະອື່ນໆ.

----

ໜັງສືພິມ ເສດຖະກິດ-ສັງຄົມ

แชร์