ນາໂອກິ ຍົກຄວາມແຊບອາຫານຍີ່ປຸ່ນ ບໍລິການລາວ

   ເພື່ອເອົາໃຈຄົນມັກຮັກອາຫານຍີ່ປຸ່ນໂດຍສະເພາະທາງຮ້ານອາຫານຍີ່ປຸ່ນນາໂອກິ Naoki ອາຫານຍີ່ປຸ່ນມີວັດຖຸດິບທີ່ໄດ້ມາດຕະຖານ, ເນັ້ນຄຸນນະພາບອາຫານທີ່ດີ ແລະການບໍລິການທີ່ດີລາຄາອາຫານຖືກ ແລະ ທຸກຄົນສາມາດກິນໄດ້ພາຍໃຕ້ແນວຄວາມຄິດ “ຮ້ານອາຫານຍີ່ປຸ່ນໃນລາຄາເປັນກັນເອງ ແລະ ອິ່ມແບບຄຸ້ມຄ່າ, ແບບສະບາຍກະເປົ໋າຄິດຮອດຮ້ານອາຫານຍີ່ປຸ່ນນາໂອກິ Naoki”.

   ທ່ານ ນາງ ປະນິພອນ ໃຫ້ຂໍ້ມູນຕໍ່ນັກຂ່າວໜັງສືພິມເສດຖະກິດ-ສັງຄົມ ຮູ້ວ່າ: ສຳລັບ ນາໂອກິ Naoki ກໍ່ຕັ້ງຂຶ້ນໃນປີ 2017 ເປັນບໍລິສັດດຳເນີນທຸລະກິດຫຼາຍດ້ານເຊັ່ນ: ຮ້ານອາຫານຍີ່ປຸ່ນນາໂອກິ Naoki, ບໍລິການ Naoki Delivery ຜ່ານ App Naoki, ບໍລິການ ແລະຈຳໜ່າຍອາຫານສົດ ແລະອາຫານແຊ່ແຂງທີ່ມີຄຸນນະພາບສູງ.

  ເມື່ອບໍດົນມານີ້ກໍ່ມີການເຊັນສັນຍາຮັບເໝົ່າກໍ່ສ້າງໂຄງການສາງເຢັນ ແລະແປຮູບອາຫານແບບຄົບວົງຈອນຂອງ ນາໂອກິ ໃນວັນທີ 23 ສິງຫາ 2021 ລະຫວ່າງເຈົ້າຂອງໂຄງການ ແລະບໍລິ ສັດຮັບເໝົາກໍ່ສ້າງ, ການດຳເນີນຂອງໂຄງການດັ່ງກ່າວແມ່ນພາຍໃຕ້ຄວາມຄິດດຳເນີນທຸລະກິດດ້ານການນຳເຂົ້າ-ສົ່ງ ອອກອາຫານສົດ ແລະອາຫານແຊ່ແຂງທີ່ມີຄຸນນະພາບພາຍໃຕ້ເຄື່ອງໝາຍການຄ້າ Naoki Food For You ໂດຍ ເລັ່ງເຫັນໂອກາດຄວາມຕ້ອງການຂອງ ຕະຫຼາດ ຊຶ່ງການພັດທະນາຜະລິດຕະພັນພ້ອມກັບນະວັດຕະກຳໃໝ່ໆ ບໍ່ວ່າຈະເປັນອາຫານສົດ, ຜະລິດຕະພັນອາຫານແຊ່ເຢັນ (Chilled Food) ອາຫານແຊ່ແຂງ (Frozen Food) ອາ ຫານກະປ໋ອງ ແລະອາຫານແຫ້ງເປັນຕົ້ນຊຶ່ງຈຸດປະສົງຂອງຜະລິດຕະພັນຈຳນວນນີ້ລ້ວນຜະລິດອອກມາເພື່ອຕອບສະໜອງຕໍ່ພຶດຕິກຳຂອງຜູ້ບໍລິໂພກທີ່ມີຄວາມປ່ຽນໄປຊຶ່ງຊີວິດຂອງຄົນລຸ້ນໃໝ່.

   ປະຈຸບັນທ່ຽບໃສ່ໃນອະດີດສ່ວນຫຼາຍຂອງຄົນໃນເມືອງແມ່ນເຮັດວຽກນອກບ້ານທັງຜົວ ແລະເມຍ, ຈຳນວນໜຶ່ງອາໄສຢູ່ຫ້ອງເຊົ່າ ແລະຄອນໂດໃຊ້ຊີວິດດ້ວຍຄວາມເລັງດ່ວນຕ້ອງການຄວາມວອງໄວພ້ອມກັບຄວາມສະດວກສະບາຍດັ່ງນັ້ນ, ອາຫານສົດ, ອາຫານແຊ່ແຂງ ແລະອາຫານສຳເລັດຮູບສາມາດຕອບສະໜອງວິຖີຊີວິດຂອງຄົນລຸ້ນໃໝ່ໄດ້ເປັນຢ່າງດີໂດຍສະເພາະອາຫານແຊ່ ແຂງມີຄວາມໄດ້ປຽບດ້ານອາຍຸການເກັບຮັກສາ ແລະຜູ້ບໍລິໂພກກໍ່ຄຸ້ນເຄີຍກັບອາຫານແຊ່ແຂງ ແລະຍອມຮັບໃນເລື່ອງຄຸນນະພາບ, ມາດຕະຖານປະກອບກັບການຂະຫຍາຍສາຂາຂອງຮ້ານສະດວກຊື້ຈຶ່ງເຮັດໃຫ້ອາຫານແຊ່ແຂງສາມາດຫາຊື້ໄດ້ງ່າຍດັ່ງນັ້ນການຂະຫຍາຍທຸລະກິດຂອງນາໂອກິໂດຍຄຳນືງເຖິງຄວາມພ້ອມ ແລະຄວາມສົມບູນແບບໃຫ້ກັບລູກຄ້າດ້ວຍແນວຄິດພັດທະນາຢ່າງສ້າງສັນ ແລະໃສ່ໃຈໃນທຸກລາຍລະອຽດ.

   ປະຈຸບັນ ນາໂອກິ ມີ 4 ສາຂາ ຄື: 1). ນາໂອກິ ສາຂານໍ້າພຸ, 2). ນາໂອກິ ສາຂາດົງໂດກ, 3). ນາໂອກິ ສາຂານະຄອນພະນົມ (ປະເທດໄທ), 4). ນາໂອກິ ສາຂາໂພນສະອາດ (ທາດຫຼວງ), ຜ່ານການໃຫ້ບໍລິການຂອງນາໂອກິ Naoki ແມ່ນໄດ້ມີຜົນຕອບຮັບເປັນຢ່າງດີຈາກທ່ານລູກຄ້າພ້ອມກັບນາໂອກິໄດ້ສະສົມປະສົບການດຳເນີນທຸລະກິດດ້ານອາຫານຍີ່ປຸ່ນຫຼາຍກວ່າ 4 ປີ, ນາໂອກິ ຈຶ່ງໄດ້ຕັດສິນໃຈໃນການຂະຫຍາຍທຸລະກິດຮູບແບບ Franchise ຄື: COCO: Company Owned, Company Operated, CODO: Company Owned,Dealer Operated ຊຶ່ງເລີ່ມໃນປີ 2021 ຢູ່ພາຍໃນ ສປປ ລາວ ແລະCLMV.

แชร์