ສທໜຊ ຮ່ວມຈັບມືທະນາຄານຫວຽດຕິນລາວ

ຂ່າວ: ບຸນນິກ

    ເພື່ອສົ່ງເສີມໄວໜຸ່ມໃນທຸລະກິດ ແລະເພື່ອຊຸກຍູ້ການເຕີບໂຕໃຫຍ່ທາງດ້ານເສດຖະກິດໃນວັນທີ 26 ສິງຫາຜ່ານມາທາງສະມາຄົມນັກທຸລະກິດໜຸ່ມແຫ່ງຊາດລາວ ( ສທໜຊ)ຈັດພິທີເຊັນສັນຍາລະຫວ່າງທະນາຄານຫວຽດຕິນລາວ ຈໍາກັດ ໂດຍຮ່ວມເຊັນສັນຍາລະຫວ່າງທ່ານ ປອ ຄຳແສນ ສີສະວົງ ປະທານສະມາຄົມນັກທຸລະກິດໜຸ່ມແຫ່ງຊາວລາວ, ທ່ານ ເລ ກວ້ກ ນາມ ອໍານວຍການໃຫຍ່ທະນາຄານຫວຽດຕິນລາວ ຈໍາກັດ ພ້ອມດ້ວຍພາກສ່ວນກ່ຽວຂ້ອງທັງສອງຝ່າຍເຂົ້າຮ່ວມ.

    ຈຸດປະສົ່ງການເຊັນສັນຍາການມີສ່ວນຮ່ວມຂອງທັງສອງອົງການເພື່ອສົ່ງເສີມໄວໜຸ່ມໃນທຸລະກິດ ແລະ ເພື່ອຊຸກຍູ້ການເຕີບໃຫຍ່ທາງດ້ານເສດຖະກິດໃຫ້ກ້າວໜ້າ ແລະດ້ວຍເຫດຜົນນີ້ສັນຍາໄດ້ອຳນວຍຄວາມສະດວກໃນການສ້າງຊ່ອງທາງການສື່ສານອະນຸຍາດໃຫ້ມີສ້າງ ແລະ ແລກປ່ຽນຂໍ້ມູນຂ່າວສານລວມເຖິງການຮ່ວມມືທາງດ້ານເຕັກນິກ, ການເງິນ ແລະສະຖາບັນຂົງເຂດການສົ່ງເສີມວິສາຫະກິດຢູ່ໃນ ສປປ ລາວ.

   ຊຶ່ງເປົ້າໝາຍເພື່ອເປັນການສົ່ງເສີມທຸລະກິດທຸກພາກສ່ວນໃນລາວດ້ວຍການໃຫ້ຄວາມຮູ້, ຂໍ້ມູນຂ່າວສານ ແລະ ການບໍລິການການເງິນທັງສອງຝ່າຍ, ສຶກສາຄວາມເປັນໄປໄດ້ການປ່ອຍກູ້ໃນອັດຕາດອກເບ້ຍຕໍ່າໃຫ້ໂຄງການພັດທະນາຂອງສະມາຊິກທົ່ວປະເທດ, ສຶກສາຄວາມເປັນໄປໄດ້ໃນບູລິມະສິດພິເສດໃນການເຂົາຫາທະນາຄານທີ່ເປັນຄູ່ຮ່ວມທຸລະກິດ ແລະເປັນຄູ່ພັດເນີທີ່ຄ່ອຍຊ່ວຍສະໜັບສະໜູນຊ່ວຍເຫຼືອກັນ.

   ສະມາຄົມນັກທຸລະກິດໜຸ່ມແຫ່ງຊາດລາວເປັນໜຶ່ງໃນສະມາຄົມທຸລະກິດໃຫຍ່ ແລະເປັນເສົາຫຼັກຂອງທົ່ວປະເທດເຊີ່ງໄດ້ສ້າງຕັ້ງແຕ່ປິ 2002 ພາຍໃຕ້ການເຫັນດີເປັນເອກະພາບຂອງສູນກາງພັກ, ເປັນສູນລວມຂອງນັກທຸລະກິດໜຸ່ມ 625 ຄົນ ທີ່ກວມລວມເອົາຂະແໜງການທຸລະກິດທີ່ສ້າງວຽກເຮັດງານທຳໃຫ້ຫຼາຍກວ່າ 22,000 ຄົນ, ດ້ວຍມູນຄ່າຊັບສິນການລົງທຶນສະເລ່ຍເຖິງ 625,000,000 ໂດລາສະຫະລັດ, ສະມາຄົມໄດ້ສ້າງຄວາມສາມັກຄີ ແລະຊ່ວຍເຫລືອເຊິ່ງກັນ ແລະກັນ, ປຸກລະດົມບັນດາໄວໜຸ່ມລາວກາຍເປັນນັກທຸລະກິດທີ່ເກັ່ງ, ມີຄວາມຮູ້ຄວາມສາມາດເພື່ອປະກອບສ່ວນເຂົ້າໃນການສ້າງສາພັດທະນາປະເທດຊາດ.

แชร์