ອຸດົມໄຊ ກຳນົດເອົາຫຼາຍກິດຈະກຳ ສະຫຼອງປີໃໝ່ລາວ

     ກອງປະຊຸມປຶກສາຫາລື ແລະວາງແຜນວຽກງານໃນການ ສະເຫຼີມສະຫຼອງປີໃໝ່ລາວ ປະຈໍາ ປີ ພສ 2561–2562 (ຄສ  2019) ຂອງແຂວງອຸດົມໄຊຢູ່ທີ່ຫ້ອງປະຊຸມ ພະແນກ ຖວທ ແຂວງອຸດົມໄຊ ໃນວັນທີ 11 ມີນາ 2019 ໂດຍການ ເປັນປະທານຂອງທ່ານ ພອນສະຫວັນ ພັນທະວິຈິດ ຄະນະປະຈໍາພັກແຂວງ, ຫົວໜ້າພະແນກ ຖວທ ແຂວງນັ້ນໄດ້ມີການກໍານົດເອົາຫຼາຍກິດຈະກໍາ ແລະໂດຍໃສ່ຫົວຂໍ້ວ່າ: ປີ ໃໝ່ປະສານໃຈພັດທະນາ.ກອງປະຊຸມໃນຄັ້ງນີິ້ໄດ້ຮັບຟັງ ການຜ່ານແຜນການທີ່ຈະສະເຫຼີມສະຫຼອງປີໃຫມ່ລາວ ຫຼື ບຸນກຸດສົງການປະຈຳປີນີ້ເພື່ອເປັນບ່ອນອີງ ໃຫ້ແກ່ພາກສ່ວນຕ່າງໆທີ່ເຂົ້າຮ່ວມ ໃນການປະກອບຄຳຄິດ, ຄຳເຫັນ.ຊຶ່ງໃນແຜນດັ່ງກ່າວໄດ້ກໍານົດຈຸດ ປະສົງ, ຄາດໝາຍເວລາ, ສະຖານທີ່ ຈັດງານ, ຄວາມຮັບຜິດຊອບ, ການ ຫ້າງຫາກະກຽມ, ງົບປະມານ ແລະ ບັນດາກິດຈະກຳຢ່າງລະອຽດ, ໃນນັ້ນກິດຈະກຳທີ່ຈະໄດ້ຈັດຂຶ້ນໃນຊ່ວງ ໄລຍະສະເຫຼີມສະຫຼອງປີໃໝ່ລາວຢູ່ທີ່ແຂວງອຸດົມໄຊ ປີນີ້ລວມມີທັງ ໝົດຈຳນວນ 12 ກິດຈະກຳ ເປັນ ຕົ້ນແມ່ນລົງຕະຫຼາດນັດ, ຕັກບາດແລະການສະແດງສິລະປະວັດທະ ນະທຳ 4 ແຜ່ນດິນຊຶ່ງຈະປະກອບມີ 4 ປະເທດຄືລາວ, ຫວຽດ, ໄທ ແລະຈີນ, ການປະກວດນາງສາວ ອຸດົມໄຊ, ແຫ່ງຂະບວນບັ້ງໄຟໃຫຍ່, ບັ້ງໄຟງາມ, ຕົບພະທາດຊາຍໃຫຍ່, ພິທີບາສີຫຼວງ (ບາສີໃຫຍ່), ຫົດນ້ຳ ປີໃໝ່, ຂະບວນແຫ່ພະເຈົ້າສິງຄຳລົງຫົດສົງ, ທ່ຽວເມືອງຫຼາ, ເທສະການອາຫານພື້ນເມືອງບັນດາເຜົ່າ, ແຫ່ດອກໄມ້ບູຊາພະທາດມິ່ງເມືອງ, ສູດມົນສົ່ງທ້າຍປີເກົ່າ ແລະສືບຊາຕາ ບ້ານເມືອງ, ກິດຈະກໍາທັງໝົດນັ້ນ ແມ່ນຈະໄດ້ຈັດຂຶ້ນຢູ່ 2 ເມືອງຄື ເມືອງໄຊ ແລະເມືອງຫຼາ ເປັນຕົ້ນ  ແມ່ນສະໜາມກລາໃຫຍ່ຂອງແຂວງ, ວັດພູທາດ, ວັດບ້ານເຈງ  ເມືອງໄຊ ແລະວັດພະເຈົ້າສິງຄຳ ເມືອງຫຼາ. ສ່ວນວັນເວລາໃນການຈັດພິທີສະ ເຫຼີມສະຫຼອງຕົວຈິງນັ້ນໄດ້ກໍານົດ ເອົາຕັ້ງແຕ່ວັນທີ 11  ຫາ 16  ເມສາ ພສ 2562.

  ຈຸດປະສົງໃນການກໍານົດເອົາ ຫຼາຍກິດຈະກໍາແມ່ນກໍເພື່ອເຮັດໃຫ້ ມີຄວາມຍິ່ງໃຫຍ່, ອະລັງການ ໂດຍຕິດພັນກັບການອະນຸລັກ, ຮັກສາວັດທະນະທຳ, ຮິດຄອງປະເພນີອັນ ດີງາມຂອງຊາດ, ຂອງທ້ອງຖິ່ນໃຫ້ຍືນຍົງ, ຊຸກຍູ້ສົ່ງເສີມການທ່ອງ ທ່ຽວພາຍໃນ, ການພົວພັນຮ່ວມ ມືເຊື່ອມໂຍງ,  ແລກປ່ຽນວັດທະນະ ທຳ, ຮີດຄອງປະເພນີ ແລະການ ທ່ອງທ່ຽວກັບປະເທດອ້ອມຂ້າງ, ເພື່ອສ້າງລາຍຮັບໃຫ້ແກ່ປະຊາຊົນ ບັນດາເຜົ່າ  ແລະຜູ້ປະກອບການບໍລິ ການດ້ານຕ່າງໆທັງເປັນການເຕົ້າ ໂຮມຄວາມສາມັກຄີບັນດາເຜົ່າ, ສ້າງຄວາມເບີກບານມ່ວນຊື່ນ ໂດຍ ຕິດພັນກັບຂະບວນການປົກປັກຮັກ ສາ ແລະສ້າງສາພັດທະນາ.

ນສພ ເສດຖະ -ສັງຄົມ

แชร์