ກຽມສ້າງໂຮງງານມັນຕົ້ນໃຫຍ່ສຸດໃນລາວ

   ເອກະຊົນລາວຈະສ້າງໂຮງງານມັນຕົ້ນທີ່ທັນສະໄໝ ແລະໃຫຍ່ທີ່ສຸດໃນລາວທີ່ເມືອງບາຈຽງ ຈະເລີນສຸກແຂວງ ຈຳປາສັກດ້ວຍມູນຄ່າລົງທຶນ 70 ລ້ານໂດລາ ແລະຕະຫຼາດກະສິກຳປາກຊ່ອງ, ສົ່ງເສີມມັນຕົ້ນແຫ້ງທົດແທນມັນຕົ້ນດິບໃນມໍ່ໆນີ້.

 ເຊົ້າວັນທີ 26 ສິງຫາ 2021 ແຂວງຈໍາປາສັກຈັດກອງປະຊຸມສະຫຼຸບຜົນງານໃຫ້ກຽດເຂົ້າເປັນປະທານໃນກອງປະຊຸມຂອງທ່ານ ປອ. ວິໄລວົງ ບຸດດາຄຳ ເຈົ້າແຂວງໆຈຳປາສັກ,ທ່ານ ປອ. ຄຳແພງ ໄຊສົມແພງ ລັດຖະມົນຕີກະຊວງອຸດສາຫະກຳ ແລະການຄ້າ, ທ່ານ ເພັດ ພົມພິພັກ ລັດຖະມົນຕີກະຊວງກະສິກຳ ແລະປ່າໄມ້ (ຮ່ວມ ການປະຊຸມຜ່ານ Online),ມີທ່ານ ພຶດສະພາ ພູມມະສັກ ປະທານບໍລິສັດເອໄອດີຊີການຄ້າ,ມີບັນດາທ່ານຫົວໜ້າພະແນກ,ທ່ານເຈົ້າເມືອງຂະແໜງການທີ່ກ່ຽວຂ້ອງຂັ້ນກະຊວງ, ຂັ້ນແຂວງເຂົ້າຮ່ວມຢ່າງພ້ອມພຽງ.

   ໂຄງການກະສິກຳຂອງບໍລິສັດເອໄອດີຊີການຄ້າແມ່ນຈະສ້າງໂຮງງານແປງມັນຕົ້ນ ມູນຄ່າ 70 ລ້ານໂດລາສະຫະລັດ ແມ່ນໃຫຍ່ທີ່ສຸດໃນ ສປປ ລາວ ທີ່ເມືອງບາຈຽງ, ໂຄງການສ້າງຕະຫຼາດກະສິກຳຂາຍສົ່ງຢູ່ເມືອງປາກຊ່ອງ ແລະ ໂຄງການສົ່ງອອກມັນຕົ້ນແຫ້ງທົດແທນມັນຕົ້ນດິບ ແລະ ການນຳໃຊ້ໂຮງງານດາວເພື່ອຕາກສິນຄ້າກະສິກຳຂອງບໍລິສັດດັ່ງກ່າວ.

แชร์