ສວນພຶກສາ ຈັດກິດຈະກຳສະຫຼອງວັນແມ່ຍິງສາກົນ

 ວັນທີ 8 ມີນາ 2019 ຜ່ານມານີ້ທີ່ສວນພຶກສາໄດ້ຈັດກິດຈະກຳສະເຫຼີມສະຫຼອງວັນແມ່ຍິງສາກົນຄົບຮອບ 109 ປີ ໂດຍເຂົ້າຮ່ວມຂອງທ່ານ ວິລະສັກ ນາມມຸນຕີ ເຈົ້າເມືອງນາຊາຍທອງ, ທ່ານ ພູວົງ ພະມີສິດ ປະທານສວນພຶກສາ ແລະບັນດາສະມາຄົມຜູ້ສູງອາຍຸນະຄອນຫຼວງວຽງຈັນເຂົ້າຮ່ວມ.

 ທ່ານ ພູວົງ ພະມີສິດໄດ້ກ່າວວ່າ: ສວນພຶກສາເປັນສະຖານທີ່ທ່ອງທ່ຽວທີ່ມີເອກະລັກທາງດ້ານວັດທະນະທຳຫຼາຍດ້ານ ແລະມີຊື່ສຽງໂດ່ງດັງຂອງເມືອງນາຊາຍທອງ ນະຄອນຫຼວງວຽງຈັນ ເຊິ່ງມີເນື້ອທີ່ທັງໝົດ 47 ເຮັກຕາ ເປັນ ສວນທີ່ກວ້າງຂວາງສວຍງົດງາມ ແລະ ໜ້າຫຼົງໄຫຼມີລົດນຳທ່ຽວເລາະຊົມສະຖານທີ່ຕ່າງໆ, ມີສະລອຍນໍ້າແບບຄອບຄົວ,ຂີ່ລົດເອທີວີ,ຂີ່ສະຫຼິງ,ລົດຖີບໃຫ້ເຊົ່າ,ມີຮ້ານອາຫານ,ຮ້ານກາເຟ,ມີຫໍພິພິຕະພັນຊົນເຜົ່າ,ສະຖານທີ່ເປັນຮັກສາວັດທະນະທຳລາວ ແລະມີອີກຫຼາຍຢ່າງທີ່ໜ້າປະທັບໃຈໃນສະຖານທີ່ແຫ່ງນີ້ເນື່ອງໃນວັນແມ່ຍິງສາກົນວັນທີ 8 ມີນາ ຄົບຮອບ 109 ປີ ສວນພຶກສາໄດ້ກິດຈະກຳສະເຫຼີມ ສະຫຼອງຫຼາຍຢ່າງເຊັ່ນ: ບົດຟ້ອນສະແດງຂອງບັນດາຊົນເຜົ່າ, ເດີນແບບຂອງນາງສາວມົ້ງ ນະຄອນຫຼວງວຽງຈັນ ແລະບົດສະແດງຈາກກົມສິລະປະລ້ານຊ້າງໄດ້ຮ່ວມສະແດງດ້ວຍຄວາມມ່ວນຊື່ນ.

  ໃນໂອກາດປີທ່ອງທ່ຽວລາວ-ຈີນ ສວນພຶກສາໄດ້ສຸມໃສ່ຂະຫຍາຍພັດທະນາອອກອີກຫຼາຍດ້ານເປັນຕົ້ນຄຳຂວັນຄວາມຮັກມີທັງພາສາລາວ ແລະພາສາຈີນ ນອກນັ້ນກຳລັງສ້າງລີສອດດອກ ໄມ້ຄາດວ່າອີກປະມານສາມເດືອນຈະສຳເລັດຈຸດປະສົງການຈັດກິດຈະກຳຄັ້ງນີ້ແມ່ນເປັນການລະນຶກເຖິງປະຫວັດແຫ່ງການກຳເນີດ ແລະເຕີບໃຫຍ່ຂະຫຍາຍຕົວຂອງແມ່ຍິງລາວ ແລະ ປົກປັກຮັກສາຄວາມເປັນເອກະລັກທາງດ້ານວັດທະນະທຳຂອງຊົນເຜົ່າເພື່ອດຶງດູງນັກທ່ອງທ່ຽວພາຍໃນ ແລະຕ່າງປະເທດມາສົ່ງເສີມແລກປ່ຽນຄວາມສາມັກຄີ ແລະ ມີຈຳນວນຕົວເລກເພີ່ມຂຶ້ນເລື້ອຍໆ.

ຂ່າວ: ນສພ ເສດຖະກິດ-ສັງຄົມ

แชร์