ຫຼວງນ້ຳທາ ໃຫ້ເອກະຊົນສຳປະທານສ້າງຕະຫຼາດອຸດສະຫະກຳ-ກະສິກຳ ເມືອງນາແລ

   ພິທີເຊັນສັນຍາໂຄງການສໍາປະທານສ້າງຕັ້ງຕະຫຼາດອຸດສາຫະກໍາ-ກະສິກໍາ ຢູ່ເທສະບານ ເມືອງນາແລ ແຂວງຫຼວງນໍ້າທາ ລະຫວ່າງອົງການປົກຄອງ ແຂວງຫຼວງນໍ້າທາ, ຊຶ່ງຕາງໜ້າໂດຍພະແນກແຜນການ ແລະການລົງທຶນກັບບໍລິສັດ PK ກໍ່ສ້າງຂົວ-ທາງ ແລະຊົນລະປະທານ ຈໍາກັດຜູ້ດຽວ ໄດ້ຈັດຂຶ້ນໃນວັນທີ 7 ມີນາ 2019 ທີ່ແຂວງຫຼວງນໍ້າທາ ໂດຍມີທ່ານ ບຸນທໍາ ອິນທະປະເສີດ ຫົວໜ້າພະແນກແຜນການ ແລະການລົງທຶນແຂວງຫຼວງນໍ້າທາ,ທ່ານ ອິນແພງ ແສງມີໄຊ ຮອງເຈົ້າເມືອງໆນາແລ, ມີອໍານວຍການ-ຮອງອໍານວຍການບໍລິສັດກໍ່ສ້າງ ແລະພະແນກການທີ່ກ່ຽວຂ້ອງຂອງແຂວງ ແລະເມືອງເຂົ້າຮ່ວມ.

  ໃນພິທີໄດ້ຜ່ານສັນຍາໂຄງການສໍາປະທານສ້າງຕັ້ງຕະຫຼາດອຸດສາຫະກໍາ-ກະສິກໍາ ຕັ້ງຢູ່ບ້ານວັງມີໄຊ ເຂດເທດສະບານເມືອງນາແລ ໂດຍແມ່ນການລົງທຶນຂອງເອກະຊົນພາຍໃນ 100% ຄືບໍ ລິສັດ PK ກໍ່ສ້າງຂົວ-ທາງ ແລະຊົນ ລະປະທານຈໍາກັດຜູ້ດຽວ, ມີມູນຄ່າການ ລົງທຶນທັງໝົດ 3,5 ຕື້ກີບ, ມູນຄ່າທຶນ ຈົດທະບຽນ 1, 5 ຕື້ກີບ, ຝ່າຍ ຂ ລົງທຶນໃນຮູບແບບສໍາປະທານເນື້ອທີ່ດິນຂອງລັດເພື່ອສ້າງຕັ້ງຕະຫຼາດອຸດສາຫະກໍາ-ກະສິກໍາ, ອາຍຸສໍາປະທານ 30 ປີ ແລະ ສາມາດສະເໜີຕໍ່ອາຍຸການເຊົ່າ ແລະສໍາປະທານໄດ້ບົນການຕົກລົງເຫັນດີທັງສອງຝ່າຍ ແລະປະຕິບັດພັນທະພາສີ, ອາກອນ, ຄ່າສໍາປະທານ, ຄ່າຊັບພະຍາກອນທໍາມະຊາດ, ຄ່າທໍານຽມ ແລະບໍລິການຕ່າງໆຢ່າງຄົບຖ້ວນ ແລະທັນເວລາຕາມລະບຽບ ແລະກົດໝາຍ.

  ໂຄງການດັ່ງກ່າວໂດຍຈະກໍ່ສ້າງ ແລະ ປັບປຸງຕະຫຼາດແຫ່ງເກົ່າຂອງເມືອງມີເນື້ອທີ່ທັງໝົດ 3.100 ຕາແມັດ, ໜ້າວຽກຂອງການກໍ່ສ້າງປະກອບມີປັບປຸງ ອາຄານຕະຫຼາດກະສິກໍາຫຼັງເກົ່າບາງ ຢ່າງເຊັ່ນ: ປ່ຽນໂຕະໄມ້ຂາຍຜັກມາເປັນ ໂຕະກໍ່ ຈໍານວນ 4 ແຖວ, ກໍ່ສ້າງອາຄານຕະຫຼາດອຸດສາຫະກໍາຮ້ານຂາຍເສື້ອຜ້າ ແລະຮ້ານຂາຍເຄື່ອງຍ່ອຍທົ່ວໄປຈໍາ ນວນ 1 ຫຼັງ, 34 ຫ້ອງ, ກໍ່ສ້າງອາຄານ ຂາຍຊີ້ນຈໍານວນ 1 ຫຼັງ ຂະໜາດ3,50X 4,50 ແມັດ, ອ່າງຂາຍປາ 2 ອ່າງ ຂະໜາດ 2 X 1,50 ແມັດປັບປຸງຫ້ອງຂາຍປີ້ ອາ ຄານຄີວລົດໂດຍສານຫຼັງເກົ່າ, ກໍ່ສ້າງ ຫ້ອງນໍ້າ 1 ຫຼັງ ມີ 2 ຫ້ອງຂະໜາດ 4X 3 ແມັດ, ເທເບຕົງເດີ່ນຕະຫຼາດ, ຈັດວາງ ສະຖານທີ່ຈອດລົດ, ກໍ່ສ້າງຮົ້ວອ້ອມຕະ ຫຼາດມີຄວາມຍາວ 42 ແມັດ, ສູງ 1,50 ແມັດ, ມີ 3 ປະຕູເຂົ້າ-ອອກ, ກໍານົດຄ່າເຊົ່າຫ້ອງຂາຍເຄື່ອງລາຄາ 13 ພັນກີບ ຕໍ່ແມັດກາເລ ລາຄາຫ້ອງຕໍ່າສຸດ 2,66 ແສນກີບຕໍ່ເດືອນຕໍ່ຫ້ອງ ແລະຫ້ອງໃຫ່ຍລາຄາ 1,20 ແສນກີບຫາ 3 ລ້ານກີບຕໍ່ເດືອນຕໍ່ຫ້ອງ, ໂຕະຂາຍພືດຜັກ 1 ແມັດກະເລ 2 ພັນກີບຕໍ່ມື້ໂດຍເປີດໃຫ້ພໍ່ຄ້າແມ່ຄ້າທັງພາຍໃນ ແລະຕ່າງປະເທດເຂົ້າຈັບຈ່ອງຫ້ອງຂາຍເຄື່ອງໄດ້ນໍາພາກສ່ວນທີ່ກ່ຽວຂ້ອງຄາດວ່າການກໍ່ສ້າງໃຫ້ສໍາເລັດ 1-2 ປີຂ້າງໜ້າ.

ຂ່າວ: ມຸນຕີ    

แชร์