ຕາລີບັນ ແຕ່ຕັ້ງຮັກສາການຫົວໜ້າທະນາຄານແຫ່ງຊາດ ອັບການິສະຖານ

  ກຸ່ມຕາລີບັນປະກາດແຕ່ງຕັ້ງທ່ານຮັດຈີ ໂມຮຳໝັດ ໄອເດຣສ ເຮັດໜ້າທີ່ຮັກສາການຜູ້ວ່າການທະນາຄານກາງອັບການິສະຖານ (ດີເອບີ) ທ່ານ ຊາບີຮູລເລາະ ມູຈາ ຮິດ ໂຄສົກກຸ່ມຕາລີບັນເປີດເຜີຍວ່າ ການແຕ່ງຕັ້ງທ່ານ ໂມຮຳໝັດ ເປັນຮັກສາການຜູ້ວ່າດີເອບີ ມີເປົ້າໝາຍທີ່ຈະເຮັດໃຫ້ຂະບວນການຕ່າງໆທາງດ້ານທະນາຄານສາມາດດຳເນີນຕໍ່ໄປໄດ້ລວມທັງແກ້ໄຂບັນຫາດ້ານການຄ້າ ແລະຄວາມຍາກລຳບາກຂອງປະຊາຊົນ.

  ການແຕ່ງຕັ້ງຜູ້ວ່າການດີເອບີ ເກີດຂຶ້ນຫຼັງຈາກທີ່ທະນາຄານຂອງລັດຖະບານ ແລະເອກະຊົນປິດລົງຕັ້ງແຕ່ວັນທີ 15 ສິງຫາ ຫຼັງຈາກກຸ່ມຕາລີບັນເຂົ້າຢຶດນະຄອນຫຼວງກາບູລ ແລະປະທານາທິບໍດີອັຊຣາຟ ການີຫຼົບໜີອອກນອກປະເທດໃນເວລາຕໍ່ມານັບຕັ້ງແຕ່ທີ່ອາເມລິກາເລີ່ມຖອນທະຫານອອກຈາກອັບການິສະຖານເມື່ອວັນທີ 1 ພຶດສະພາ ກຸ່ມຕາລີບັນໄດ້ບຸກເຂົ້າຢຶດຄອງພື້ນທີ່ສ່ວນໃຫຍ່ຂອງປະເທດໄດ້ຢ່າງວ່ອງໄວ ໂດຍໃນໄລຍະ 2 ອາທິດທີ່ຜ່ານມາ ກຸ່ມຕາລີບັນໄດ້ເຂົ້າຄວບຄຸມພື້ນທີ່ 33 ແຂວງຈາກທັງໝົດ 34 ແຂວງ ແລ້ວ.

  ດ້ານລັດຖະບານອາເມລິກາ ໄດ້ຢຶດຊັບສິນເກືອບ 9,5 ຕື້ໂດລາສະຫະລັດຂອງດີເອບີ ແລະໄດ້ສັ່ງລະງັບການສົ່ງເງິນສົດໄປຍັງອັຟການິສຖານເພື່ອປ້ອງກັນບໍ່ໃຫ້ລັດຖະບານອັບການິສະຖານພາຍໃຕ້ການນຳຂອງກຸ່ມຕາລີບັນເຂົ້າເຖິງແຫຼ່ງເງິນເຫຼົ່ານີ້.

----

ໜັງສືພິມ ເສດຖະກິດ-ສັງຄົມ

แชร์