ຜູ້ຊ່ຽວຊານເຕືອນພາວະໂລກຮ້ອນ ອາດກະທົບຈີດີພີຂອງໂລກ

  ຜູ້ຊ່ຽວຊານເຕືອນພາວະໂລກຮ້ອນອາດກະທົບຈີດີພີໝົດ ໂລກຮຽກຮ້ອງຊີກໂລກເໜືອເລ່ັງແກ້ບັນຫາທ່ານ ເຈີໂຣມ ເຮເກລີ ຜູ້ນຳທີມນັກເສດຖະສາດຂອງບໍລິສັດສວິສີປະກາດເຕືອນວ່າ ເສດຖະກິດໂລກອາດປະສົບບັນຫາລໍຕົວລົງຢ່າງໜັກ ໂດຍສະເພາະຂອງກຸ່ມປະເທດທຸກຍາກຫາກຍັງບໍ່ມີການຮ່ວມມືລະດັບໂລກໃນການແກ້ໄຂບັນຫາໂລກຮ້ອນ.

  ທ່ານ ເຮເກລີ ເປີດເຜີຍຜົນສະຫຼຸບຈາກການວິເຄາະໂດຍທີມຂອງເຂົາລະບຸວ່າ ຫາກອຸນຫະພູມໂລກຍັງຄົງເພີ່ມສູງຂຶ້ນຄືດັ່ງປະຈຸບັນຕໍ່ໄປຕົວເລກຜະລິດ ຕະພັນລວມພາຍໃນ (ຈີດີພີ) ຂອງໂລກອາດຊຸດຕົວລົງ 10% ພາຍໃນປີ 2048 ໂດຍປະເທດໃນກຸ່ມຊີກໂລກໃຕ້ຈະໄດ້ຮັບຜົນກະທົບຫຼາຍກວ່າຊີກໂລກເໜືອ.

  ທ່ານເຮເກລີລະບຸວ່າ ປະເທດໃນພາກພື້ນອາຊີຕາເວັນອອກສຽງໃຕ້ຄືມາເລເຊຍ ແລະຟິລິບປິນນັ້ນມີຄວາມບອບບາງຫຼາຍເປັນພິເສດຕໍ່ຜົນກະທົບຈາກການປ່ຽນແປງຂອງສະພາບອາກາດ ແລະອາດສູນເສຍຈີດີພີເຖິງ 46 % ເມື່ອຕົ້ນສັດຕະວັດນີ້ຫາກອຸນຫະພູມສູງຂຶ້ນ 3 ອົງສາເຊ ເມື່ອທຽບກັບປີ 1800 ເນື່ອງຈາກປະເທດເຫຼົ່ານີ້ມີປະຊາກອນຈຳນວນຫຼາຍອາໄສຢູ່ຕາມແຄມຝັ່ງ ແລະຕັ້ງຢູ່ໃນເຂດຮ້ອນຈຶ່ງເຮັດໃຫ້ຕ້ອງປະເຊີນກັບຜົນກະທົບທີ່ຮຸນແຮງຈາກການເພີ່ມຂຶ້ນຂອງອຸນຫະພູມຢ່າງໃດກ່ໍດີ ທ່ານເຮເກລີກ່າວວ່າ ປະເທດໃນຊີກໂລກເໜືອ ຊຶ່ງຈະໄດ້ຮັບຜົນກະທົບນ້ອຍກວ່າຄວນມີການດຳເນີນການໃນດ້ານຕ່າງໆໃຫ້ຫຼາຍຂຶ້ນເພື່ອແກ້ບັນຫາດັ່ງກ່າວ.

----

ໜັງສືພິມ ເສດຖະກິດ-ສັງຄົມ

แชร์