ໂມເດີນາ ກຽມສົ່ງວັກແຊງໃຫ້ ສ. ເກົາຫຼີ 7,01 ລ້ານໂດສ

  ສ. ເກົາຫຼີ ເປີດເຜີຍວ່າ ໂມເດີນາ ກຽມສົ່ງວັກແຊງໃຫ້ຈຳ ນວນ 7,01 ລ້ານໂດສ ໃນຕົ້ນເດືອນ ກັນຍານີ້ ຫຼັງຈາກລັດຖະບານຂໍໃຫ້ຈັດສົ່ງໃຫ້ໄວຂຶ້ນ.

  ຕາມຂ່າວຕ່າງປະເທດລາຍງານວ່າ ກະຊວງສາທາລະນະສຸກຂອງ ສ. ເກົາຫຼີ ຖະແຫຼງວ່າ ບໍລິສັດ ໂມເດີນາ ອິງຈະຈັດສົ່ງວັກແຊງປ້ອງກັນພະຍາດໂຄວິດ -19 ໃຫ້ ສ. ເກົາຫຼີ ຈຳນວນ 7,01 ລ້ານໂດສ ພາຍໃນຕົ້ນເດືອນກັນຍາທີ່ຈະມາເຖິງນີ້ ຫຼັງຈາກລັດຖະບານຂໍໃຫ້ຈັດສົ່ງໃຫ້ໄວຂຶ້ນ ໂດຍວັກແຊງຈຳນວນ 1,01 ລ້ານໂດສ ຄາດວ່າຈະມາເຖິງໃນວັນທີ 23 ສິງຫາ ຈາກນັ້ນກໍ່ຈະມີອີກ 6 ລ້ານໂດສຈະຄ່ອຍໆສົ່ງມາຢ່າງຕໍ່ເນື່ອງສ່ວນທີ່ສົ່ງມອບໃຫ້ແລ້ວໃນຕົ້ນເດືອນສິງຫາທີ່ຜ່ານມາມີ 1,3 ລ້ານໂດສ.

  ວັນທີ 21 ສິງຫາທີ່ຜ່ານມາ ສ. ເກົາຫຼີພົບຜູ້ຕິດເຊື້ອລາຍໃໝ່ 1.628 ຄົນ ລວມມີຜູ້ຕິດເຊື້ອທັງໝົດ 236.366 ຄົນ ແລະເສຍຊີວິດ 2.215 ຄົນ ສ່ວນການສັກວັກແຊງນັ້ນສັກໄປແລ້ວ 50,4% ຂອງປະ ຊາກອນ 52 ລ້ານຄົນ ທັງນີ້ ສ. ເກົາຫຼີ ຕັ້ງເປົ້າສັກວັກແຊງໃຫ້ໄດ້ 70% ຂອງປະຊາກອນພາຍໃນເດືອນກັນຍານີ້.

-----

ໜັງສືພິມ ເສດຖະກິດ-ສັງຄົມ

แชร์