ຊາວອາເມລິກາ 2.500 ຄົນອອກຈາກອັບການິສະຖານແລ້ວ

  ກອງທັບອາເມລິກາອົບພະຍົບຊາວອາເມລິກາອອກຈາກອັບການິສະຖານແລ້ວ 2.500 ຄົນ ທ່າມກາງສະຖານະການດ້ານຄວາມບໍ່ໝັ້ນຄົງ.

  ຕາມຂ່າວຕ່າງປະເທດລາຍງານວ່າ ທ່ານ ວິນລຽມ ເທເລີ ຮອງ ອຳນວຍການຝ່າຍປະຕິບັດການພາກພື້ນຂອງອາເມລິກາກ່າວວ່າ ກອງທັບອາເມລິກາອົບພະຍົບປະຊາຊົນອອກຈາກອັບການິສະຖານແລ້ວຫຼາຍກວ່າ 17.000 ຄົນ ໃນຈຳນວນນີ້ປະມານ 2.500 ຄົນເປັນຄົນອາເມລິກາ ແລະສະເພາະໃນວັນທີ 20 ສິີງຫາທີ່ຜ່ານມາ ເຮືອບິນທະຫານ ແລະຖ້ຽວບິນເຊົ່າເໝົາລໍາຂອງອາເມລິກາອົບພະຍົບປະຊາຊົນອອກຈາກອັບການິສະຖານແລ້ວ 3.800 ຄົນ.

  ທັງນີ້ ຍັງບໍ່ມີຄວາມຈະແຈ້ງວ່າ ການອົບພະຍົບທີ່ສະໜາມບິນນານາຊາດຄາບູຈະສີ້ນສຸດລົງເມື່ອໃດ ແຕ່ທ່ານ ໂຈໄບເດນ ປະທານາທິບໍດີຂອງອາເມລິກາ ກ່າວວ່າ ຖ້າຫາກພາລະກິດຍັງບໍ່ສຳເລັດການປະຈຳການຂອງກອງທັບອາເມລິກາໃນອັບການິສະຖານອາດນານກວ່າ ກຳນົດຄືວັນທີ 31 ສິງຫານີ້.

-----

ໜັງສືພິມ ເສດຖະກິດ-ສັງຄົມ

แชร์