ເປີດຮ້ານເຈມິນາ ຈີວເວີ່ລີ່

ຂ່າວ: ບຸນນິກ

 ເພື່ອເປັນການເອົາໃຈຄົນມັກຮັກເລື່ອງເພັດ ແລະສິນຄ້າດີມີຍີ່ຫໍ້ນຳເຂົ້າຈາກຝຣັ່ງເປັນຕົ້ນກະເປົ໋າ, ເກີບ, ສາຍແອວ, ນໍ້າຫອມ, ນອກນີ້ຮັບຊື້ສິນຄ້າດີມີຍີ່ຫໍ້ມືສອງວັນທີ 22 ສິງຫາຜ່ານມາທີ່ສູນການຄ້າວຽງຈັນເຊັນເຕີເປີດບໍລິການ ຮ້ານເຈມິນາ ຈີວເວີ່ລີ່ແບຣນເນມ ໂດຍເຂົ້າຮ່ວມ ທ່ານຍ່າປ້າ ສີສະຫລຽວ ທຳມະເທວາ ປະທານມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ, ນາງ ໝວຍ ສະນັນຍາ ວົງຄຳສອນ ເຈົ້າຂອງຮ້ານ ເຈມິນາ ຈີວເວີ່ລີ່ແບຣນເນມ ພ້ອມດ້ວຍໝູ່ຄູ່ມາສະແດງຄວາມຍິນດີ.

 ທ່ານ ນາງ ໝວຍສະນັນຍາ ວົງຄຳສອນ ເຈົ້າຂອງຮ້ານເຈມິນາ ໃຫ້ຮູ້ວ່າ: ກ່ອນອື່ນຕົນເອງຂອບໃຈທາງຄອບຄົວເອື້ອຍອ້າຍນ້ອງ ແລະໝູ່ເພື່ອທຸກຄົນທີ່ຄອຍໃຫ້ຄວາມຊ່ວຍເຫຼືອ ແລະສະໜັບ ສະໜູນເຮັດໃຫ້ຕົນເອງມີແຮງ ແລະກຳລັງໃຈສູ້ມາຕະຫຼອດຊຶ່ງສຳລັບການເປີດຮ້ານເຈມິນາ ຈີວເວີ່ລີ່ແບຣນເນມຈຸດປະສົ່ງທີ່ສຳຄັນເພື່ອຢາກໃຫ້ຄົນລາວເຂົ້າເຖິງ ແລະໄດ້ເປັນສ່ວນໜຶ່ງໄດ້ສຳພັດເຄື່ອງປະດັບ ແລະເຄື່ອງສິນຄ້າດີມີຍີ່ຫໍ້ທີ່ຮັບປະກັນເລື່ອງຄຸນນະພາບມາດຖານສາກົນ.

   ສຳລັບຮ້ານເຈມິນາ ຈີວເວີ່ລີ່ແບຣນເນມ ເພິ່ນມີບໍລິການຂາຍເພັດ, ເຄື່ອງປະດັບທຸກຊະນິດນອກຈາກນີ້ຍັງມີເຄື່ອງສິນຄ້າດີມີຍີ່ຫໍ້ນຳເຂົ້າມາຈາກປະເທດຝຣັ່ງເຊັ່ນ ກະເປົ໋າ, ເກີບ, ສາຍເເອວ, ນໍ້າຫອມນອກຈາກນີ້ຮັບຊື້ເຄື່ອງສິນຄ້າດີມີຍີ່ຫໍ້ມືສອງນຳອີກສະນັ້ນຫາກທ່ານໃດສົນໃຈກໍ່ສາມາດເຂົ້າໄປຫາເພິ່ນໄດ້ທີ່ສູນການຄ້າວຽງຈັນເຊັນເຕີ.

แชร์