ຈີນ ເປີດໃຊ້ທາງດ່ວນສູງທີ່ສຸດໃນໂລກ

  ຖະໜົນທາງດ່ວນສູງທີ່ສຸດໃນໂລກເຊື່ອມຕໍ່ລະຫວ່າງເມືອງນາກຄູກັບເມືອງລາຊາ ໃນເຂດປົກຄອງຕົນເອງທິເບດທາງພາກຕາເວັນຕົກຂອງສປ ຈີນ ເປີດໃຊ້ງານຢ່າງເປັນທາງການແລ້ວໃນວັນທີ 21 ສິງຫາທີ່ຜ່ານມາ.

  ຕາມຂ່າວຕ່າງປະເທດລາຍງານວ່າຖະໜົນທາງດ່ວນສາຍ ນາກຄູ-ລາຊາ ລະໄຍທາງ 295 ກິໂລແມັດ ຕັດຜ່ານພູລະດັບຄວາມສູງສະເລ່ຍ 4.500 ແມັດ ຈາກລະດັບນໍ້າທະເລເປັນສ່ວນໜຶ່ງຂອງທາງດ່ວນ ສາຍຍາວ ຈີ6 ເຊື່ອມຕໍ່ເມືອງລາຊາກັບນະຄອນຫຼວງປັກກິ່ງ ແລະເປັນຖະໜົນທາງດ່ວນສາຍທຳອິດທີ່ເຊື່ອງຕໍ່ເມືອງລາຊາ ເມືອງເອກຂອງທິເບດ, ທາງດ່ວນທີ່ເປີດໃຫ້ລົດແລ່ນຢ່າງເປັນທາງການຈະຊ່ວຍຫຼຸດໄລຍະເວລາການເດີນທາງລະຫວ່າງເມືອງລາຊາກັບເມືອງນາກຄູລົງເຫຼືອປະມານ 3 ຊົ່ວໂມງ ຈາກເດີມ 6 ຊົ່ວໂມງ ກວ່າ.

  ທາງດ່ວນສາຍລາຊາ-ນາກຄູ ຈະເພີ່ມປະລິມານການຂົນສົ່ງຫຼາຍ ແລະຍົກລະດັບຄວາມໝັ້ນຄົງເສັ້ນທາງເຊື່ອມຕໍ່ລະຫວ່າງທິເບດກັບມົນທົນຊິງໄຫ່ທີ່ຢູ່ຕິດກັບທາງເໜືອ.

-----

ໜັງສືພິມ ເສດຖະກິດ-ສັງຄົມ

แชร์