ໝໍເຕືອນ ຫ້າມດຶງໜ້າກາກອະນາໄມ ໄວ້ກ້ອງຄາງເດັດຂາດ

  ຕາມປົກກະຕິແລ້ວໃນການໃຊ້ຊີວິດປະຈໍາວັນຂອງເຮົາໃນໄລຍະນີ້ ທີ່ຕ້ອງໃສ່ໜ້າກາກອະນາໄມຕະຫຼອດເວລາເພື່ອປ້ອງກັນໂຄ ວິດ-19 ແລະອາດມີບາງເທື່ອທີ່ເຮົາຕ້ອງເອົາໜ້າກາກອະນາໄມອອກຈາກໜ້າເຊັ່ນ: ກິນເຂົ້າ, ດື່ມນໍ້າ, ເຊັດໜ້າ ແລະເຫດຜົນອື່ນໆ ແຕ່ຮູ້ບໍ່ວ່າການດຶງໜ້າກາກອະນາໄມໄວ້ກ້ອງຄາງແມ່ນເປັນວິທີບໍ່ຖືກຕ້ອງ.
  ການດຶງໜ້າກາກອະນາໄມໄວ້ກ້ອງຄາງເປັນການກະທໍາທີ່ສ່ຽງເຮັດໃຫ້ຮ່າງກາຍໄດ້ຮັບເຊື້ອພະຍາດໂຄວິດ-19 ເນື່ອງຈາກວ່າບໍລິເວນກ້ອງຄາງນັ້ນບໍ່ແມ່ນຈຸດທີ່ເຮົາປ້ອງກັນເຊື້ອພະຍາດມາຕະຫຼອດທັງມື້ ແລະເປັນຈຸດທີ່ຮັບເຊື້ອພະຍາດຕ່າງໆ ຈາກລົມຫາຍໃຈ ແລະສະພາບແວດລ້ອມຂ້າງ ແລະຖ້າຫາກເຮົາດຶງໜ້າກາກລົງໄວ້ຫັນກໍ່ຈະເຮັດໃຫ້ໜ້າກາກດ້ານໃນໄດ້ຮັບເຊື້ອພະຍາດ ແລະເມື່ອດຶງຂຶ້ນມາໃສ່ກໍ່ຈະເຮັດໃຫ້ດັງໄດ້ສໍາພັດກັບເຊື້ອນັ້ນລວມທັງໂຄວິດ-19 ທີ່ສາມາດເຂົ້າສູ່ຮ່າງກາຍຜ່ານດັງ ແລະປາກໄດ້ເມື່ອຈໍາເປັນຕ້ອງເອົາໜ້າກາກອອກ, ຄວນຖອດໄວ້ບ່ອນອື່ນທີ່ສະອາດ ແລະບໍ່ຄວນໃຫ້ດ້ານໃນສໍາພັດກັບພື້ນຜິວຕ່າງໆ ຫຼື ຄວນໃສ່ຖົງໄປນໍາເພື່ອໃສ່ໜ້າກາກເມື່ອຕ້ອງການຖອດ ຫຼື ຖ້າໃສ່ດົນແລ້ວກໍ່ຄວນປ່ຽນໜ້າກາກໃໝ່ໄປເລີຍ.

-----

ໜັງສືພິມ ເສດຖະກິດ-ສັງຄົມ

แชร์