ແດນຽວ ເດຣກ ແຊັມດາລາລາຍໄດ້ສູງສຸດ

  ວາລະສານ ວາໄຣຕີ້ ລາຍງານ 5 ອັນດັບນັກສະແດງທີ່ມີລາຍໄດ້ສູງສຸດ ຈາກການລວບລວມຂໍ້ມູນຂອງວາລະສານວາໄຣຕີ້ ຊຶ່ງ ເບິ່ງລາຍໄດ້ຂອງນັກສະແດງຕ່າງໆ ໄດ້ຮັບຈາກຜົນງານຮູບເງົາເລື່ອງໃໝ່ປາກົດວ່າ ແດນຽວ ເດຣກ ພະເອກອາຍຸ 53 ປີ ທີ່ໂດ່ງດັງຈາກຮູບເງົາເລື່ອງ ເຈມບອນ 007 ຂຶ້ນເປັນອັນດັບ 1 ດ້ວຍລາຍໄດ້ 100 ລ້ານໂດລາສະຫະລັດ ຊຶ່ງ ເປັນຜົນຈາກຂໍ້ຕົກລົງໃນການແບ່ງລາຍໄດ້ຈາກຮູບເງົາເລື່ອງ ແລະທີ່ເຮັດໃຫ້ເດຣກໄດ້ຄ່າຕົວ ແລະສ່ວນແບ່ງລາຍໄດ້ຈາກຄ່າຍເນັດຟລິກເປັນເງິນ 100 ລ້ານໂດລາ.
  ສຳລັບອັນດັບ 2 ຄື ດະເວນ ຈອນສັນ ດ້ວຍລາຍໄດ້ 50 ລ້ານ ໂດລາ ຈາກຮູບເງົາເລື່ອງ Red One, ອັນດັບ 3 ວິລ ສະມິດ 40 ລ້ານໂດລາ ຈາກເລື່ອງ King Richard, ອັນດັບ 4 ເດນ ເຊລ ວໍຊີງຕັນ ດ້ວຍລາຍໄດ້ 40 ລ້ານໂດລາ ຈາກເລື່ອງ The Little Things ແລະອັນດັບ 5 ລີໂອນາໂດ ດິຄາປຣີໂອ 30 ລ້ານໂດລາ ຈາກເລື່ອງ Don’t Look Up .

-----

ໜັງສືພິມ ເສດຖະກິດ-ສັງຄົມ

แชร์