ໃນວັນທີ 20 ສິງຫາ ກະຊວງຍຸຕິທຳໄດ້ຈັດກອງປະຊຸມເຊື່ອມຊຶມເອກະສານກອງປະຊຸມໃຫຍ່ຄັ້ງທີ XI ຂອງພັກປະຊາຊົນ ປະຕິວັດລາວ ຂຶ້ນທີ່ກະຊວງດັ່ງກ່າວໃຫ້ກຽດເຜີຍແຜ່ເອກະສານໂດຍ ສະຫາຍ ບຸນທາ ຊົງເຍີທ່າວ ຮອງເລຂາຄະນະບໍລິຫານງານພັກກະຊວງຮອງລັດຖະມົນຕີກະຊວງຍຸຕິທຳມີບັນດາສະມາຊິກພັກ ແລະພະນັກງານພາຍໃນກະຊວງເຂົ້າຮ່ວມຮັບຟັງຢ່າງພ້ອມພຽງ.
ກອງປະຊຸມເຜີຍແຜ່ຄັ້ງນີ້ແມ່ນເພື່ອເຮັດໃຫ້ຄະນະພັກ, ສະມາຊິກພັກ, ພະນັກງານ-ລັດຖະກອນພາຍໃນກະຊວງຍຸຕິທຳກຳໄດ້ ແລະເຂົ້າໃຈກ່ຽວກັບມະຕິກອງປະຊຸມໃຫຍ່ ຄັ້ງທີ XI ຂອງພັກປະຊາຊົນປະຕິວັດລາວວາງອອກເພື່ອນຳໄປໝູນໃຊ້ເຂົ້າໃນການປະຕິບັດໜ້າທີ່ວຽກງານຕົວຈິງ. ສະຫາຍ ບຸນທາ ຊົງເຍີທ່າວ ກ່າວວ່າ: ການນຳພາແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ແລະສ້າງຄວາມເຂັ້ມແຂງຂອງການຄຸ້ມຄອງມະຫາພາກຊຶ່ງໄດ້ສ້າງຄວາມຮັບຮູ້ທີ່ຖືກຕ້ອງ ແລະຄວາມເປັນເອກະພາກສູງໃນທົ່ວພັກກ່ຽວກັບສະພາບຄວາມຫຍຸ້ງຍາກທີ່ເກີດຂຶ້ນ ແລະຕໍ່ທິດທາງແກ້ໄຂບັນຫາທີ່ສູນກາງພັກວາງອອກ. ລັດຖະບານ, ບັນດາຂະແໜງການກ່ຽວ ຂ້ອງ ແລະອົງການປົກຄອງທ້ອງຖິ່ນໄດ້ມີຄວາມພະຍາຍາມສຸມໃສ່ແກ້ໄຂບັນຫາຕົວຈິງ, ໄດ້ນຳເອົາເນື້ອໃນຈິດໃຈຂອງມະຕິດັ່ງກ່າວຫັນເປັນອັນລະອຽດເຂົ້າໃນແຜນພັດທະນາເສດຖະກິດ-ສັງຄົມ ແລະພ້ອມທັງໄດ້ກຳນົດບັນດາມາດຕະການຕົວຈິງຫຼາຍຢ່າງເພື່ອແກ້ບັນຫາອັນຮີບດ່ວນຈຳນວນໜຶ່ງ, ສູນກາງພັກ, ສະພາແຫ່ງຊາດ, ລັດຖະບານພ້ອມທັງຄະນະພັກແຕ່ລະຂັ້ນກໍໄດ້ເອົາໃຈໃສ່ນຳພາ-ຊີ້ນຳ, ຕິດຕາມ, ກວດກາ ແລະ ຊຸກຍູ້ການຈັດຕັ້ງປະຕິບັດຕົວຈິງ, ສ້າງເງື່ອນໄຂ ແລະ ພື້ນຖານອັນດີໃຫ້ແກ່ການຍູ້ແຮງການຈັດຕັ້ງປະຕິບັດໃນຕໍ່ໜ້າ.
ຈາກນັ້ນ ສະຫາຍ ເກດສະໜາ ພົມມະຈັນ ກຳມະການປະຈຳພັກຮອງລັດຖະມົນຕີກະຊວງຍຸຕິທຳກໍໄດ້ຂຶ້ນເຜີຍແຜ່ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX (2021-2025 ) ແລະເຜີຍແຜ່ເນື້ອໃນຫຍໍ້ບົດບັນທຶກຂໍ້ຕົກລົງການພົບປະລະຫວ່າງກົມການເມືອງສູນການ ພັກ ປປ ລາວ ແລະພັກກອມມູນິດຫວຽດນາມ ອີກດ້ວຍ.
| ສະກຸນເງີນ | ອັດຕາຊື້ | ອັດຕາຂາຍ | |
|
EUR | 21.356 | 21.571 |
|
USD | 21.996 | 22.140 |
|
THB | 683 | 690 |
|
CNY | 2.713 | 2.740 |