ວິກິດໂຄວິດ ໂຕໂຢຕ້າຜະລິດລົດໄດ້ໜ້ອຍລົງ 40%

  ພາວະການຂາດແຄນຊິບ ລວມທັງການແຜ່ລະບາດຂອງເຊື້ອໂຄວິດ-19 ເຮັດໃຫ້ບໍລິສັດໂຕໂຢຕ້າຕ້ອງຫຼຸດການຜະລິດລົດລົງເຖິງ 40ຽ% ຈາກແຜນການເດິີມໃນເດືອນກັນຍາ.
  ຕາມຂ່າວຕ່າງປະເທດລາຍງານວ່າ ຜູ້ຜະລິດລົດໂຕໂຢຕ້າມໍ ເຕີຄອບລະບຸວ່າ ການຜະລິດລົດໃນ ໄລຍະເດືອນກັນຍານີ້ຈະຫຼຸດລົງ ເຖິງ 40% ຈາກແຜນການເດີມເນື່ອງຈາກພາວະຂາດແຄນຊິບ ລວມທັງການແຜ່ລະບາດຂອງ ເຊື້ອໂຄວິດ ຢ່າງໃດກໍຕາມຍັງຢືນຢັນວ່າ ເປົ້າໝາຍຍອດຂາຍ ແລະການຜະລິດລົດຂອງປີ ຈະຍັງຢູ່ ເໝືອນເດີມ, ທັງນີ້ ໂຕໂຢຕ້າ ຢືນຢັນວ່າ ໃນປີວົບປະມານນີ້ (ເດືອນເມສາ 2021 -ມີນາປີ 2022) ຈະຍັງສາມາດຜະລິດລົດໄດ້ຕາມເປົ້າໝາຍ 9,3 ລ້ານຄັນ ພ້ອມທັງຈະສ້າງຍອດຂາຍໄດ້ຕາມເປົ້າໝາຍ 8,7 ລ້ານຄັນໄດ້ ໂດຍກ່ອນໜ້ານີ້ໂຕໂຢຕ້າສາມາດຈັດການກັບບັນຫາຊິບທີ່ຂາດແຄນທົ່ວໂລກໄດ້ດີກວ່າຄູ່ແຂ່ງອື່ນ.
  ລາຍງານລະບຸວ່າ ຜູ້ຜະລິດລົດໄດ້ຫຼຸດການຜະລິດລົງຫຼັງຈາກພາວະຂາດແຄຮຊິບ ນອກຈາກນີ້ຍອດຜູ້ຕິດເຊື້ອໂຄວິດທົ່ວໂລກຍັງເພີ່ມສູງຂຶ້ນໃນຍີ່ປຸ່ນ, ຟິລິບປິນ, ໄທ, ສສ ຫວຽດນາມ ຊຶ່ງເປັນສະຖານທີ່ການຜະລິດລົດ.

----

ໜັລສືພິມ ເສດຖະກິດ-ສັງຄົມ

แชร์