ຫວຽດນາມ ມີຜູ້ຕິດເຊື້ອໂຄວິດວັນດຽວ ສູງເຖິງ 10.639 ຄົນ

  ລາຍງານໃນວັນທີ 19 ສິງຫາ ມີຜູ້ຕິດເຊື້ອໂຄວິດ-19 ລາຍ ໃໝ່ໃນ ສສ ຫວຽດນາມສູງເຖິງ 10.639 ຄົນ ຖືເປັນມື້ຂອງການຕິດເຊື້ອໃໝ່ສູງສຸດເທົ່າທີ່ເຄີຍມີມານັບແຕ່ເລີ່ມມີການລະບາດຂອງໄວຣັດໂຄໂຣນາພາຍໃນປະເທດ.
  ຕາມຂ່າວຕ່າງປະເທດລາຍງານວ່າ ພື້ນທີ່ 3 ແຫ່ງທີ່ໄດ້ລາຍງານຍອດຜູ້ຕິດເຊື້ອສູງສຸດໄດ້ແກ່ ໂຮຈ່ີມິນ 4.425 ຄົນ, ບິ້ງເຢືອງ 3.255 ຄົນ ແລະ ດົງນາຍ 657 ຄົນ ຊຶ່ງປະຈຸບັນ ຫວຽດນາມມີຜູ້ຕິດເຊື້ອໂຄວິດລວມທັງໝົດ 312.611 ຄົນ, ເສຍຊີວິດ 380 ຄົນ, ແລະປິ່ນປົວຫາຍດີ 120.059 ຄົນປະຊາຊົນຫວຽດນາມປະມານ 16 ລ້ານຄົນໄດ້ຮັບການສັກວັກແຊງປ້ອງກັນພະຍາດໂຄວິດ-19 ເຂັມທີໜຶ່ງ, ຂະນະທີ່ 1.5 ລ້ານຄົນ ໄດ້ຮັບວັກຊີນຄົບທັງສອງເຂັມ.
  ປະຈຸບັນ ລັດຖະບານຫວຽດນາມພວມເລັ່ງສັກວັກແຊງເຂັມທຳອິດໃຫ້ປະຊາຊົນ5 ລ້ານກວ່າຄົນ ກວມເອົາ 71% ຂອງປະຊາກອນ 6,9 ລ້ານຄົນ ຊຶ່ງມີອາຍຸບໍ່ຕ່ຳກວ່າ 18 ປີຂຶ້ນໄປ ແລະຕັ້ງເປົ້າສັກວັກແຊງເຂັມທີ 2 ໃຫ້ປະຊາຊົນຢ່າງ ໜ້ອຍ15% ໃນວັນທີ 15 ກັນຍານີ້.

----

ໜັງສືພິມ ເສດຖະກິດ-ສັງຄົມ

แชร์