ອິນເດຍ ອະນຸມັດໃຊ້ວັກແຊງຈາກດີເອັນເອ ຊະນິດທຳອິດຂອງໂລກ

  ລັດຖະບານອິນເດຍຂຶ້ນທະບຽນສຸກເສີນອະນຸມັດໃຊ້ວັກແຊງປ້ອງກັນພະຍາດໂຄວິດ-19 ຈາກ ພລາສະມິດ ດີເອັນເອ ຊະນິດທຳອິດຂອງໂລກ.
ຕາມຂ່າວຕ່າງປະເທດລາຍງານວ່າກະຊວງສາທາລະນະສຸກຂອງອິນເດຍອອກຖະແຫຼງການໃນທ້າຍອາທິດທີ່ຜ່ານມາວ່າກະຊວງສາທາລະນະສຸກຂອງອິນເດຍອອກຖະແຫຼງການເລື່ອງການຂຶ້ນທະບຽນສຸກເສີນໃຫ້ກັບວັກແຊງປ້ອງກັນໂຄວິດ-19 ຊື່ ໄຊຄອຟ-ດີ ( ZyCoV-D ) ຖືເປັນວັກຊິນປ້ອງກັນພະຍາດໂຄວິດທີ່ພັດທະນາໂດຍໃຊ້ພລາສະມິດ ດີເອັນເອ ( Plasmid DNA ) ຊະນິດທຳອິດຂອງໂລກ, ທັງນີ້ວັກແຊງໄຊ ຄອຟ-ດີ ເປັນແບບສັກ 3 ເຂັມມີຫຼັກ ການເຮັດວຽກຄືເປັນການໃຊ້ສານພັນທຸກຳຢ່າງຈຳເພາະເຈາະຈົງຈາກເຊື້ອໄວຣັດໂຄວິດໄປກະຕຸ້ນໃຫ້ດີເອັນເອ ຫຼື ອາເອັນເອໃນຮ່າງກາຍມະນຸດສັງເຄສະໃຫ້ຮ່າງກາຍຜະລິດໂປຕິນສ່ວນທີ່ເປັນປຸ່ມໜາມຂອງເຊື້ອໂຄວິດ ແລະໂປຕິນສ່ວນນີ້ຈະເປັນຕົວກະຕຸ້ນພູມຄຸ້ມກັນໃຫ້ຮ່າງກາຍຮູ້ຈັກເຊື້ອພະຍາດ ແລະສ້າງພູມຄຸ້ມກັນໃຫ້ກັບຕົວເອງຈາກເຊື້ອພະຍາດໂຄວິດວັກແຊງດັ່ງກ່າວສາມາດປ້ອງກັນການຕິດເຊື້ອໄດ້ 66,6% ຊຶ່ງເກັບຮັກສາໄວ້ໃນອຸນຫະພູມ 2-8 ອົງສາ.
  ນອກຈາກເປັນວັກແຊງປ້ອງກັນເຊື້ອໂຄວິດ-19 ຈາກພລາສະມິດດີເອັນເອໂຕທຳອິດຂອງໂລກແລ້ວວັກແຊງໄຊຄອຟດີ ຍັງເປັນວັກແຊງບໍ່ໄດ້ສັກທາງເຂັມຊະນິດທຳອິດຂອງໂລກ ໂດຍເຂົ້າສູ່ຮ່າງກາຍຜ່ານເຄື່ອງມືສະເພາະເພື່ອສົ່ງວັກແຊງໃຫ້ຊຶມເຂົ້າທາງຜີວໜັງດ້ວຍຄວາມໄວສູງ ຊຶ່ງຈະຊ່ວຍຫຼຸດຄວາມວິຕົກກັງວົນໃຫ້ກັບຄົນທີ່ຢ້ານເຂັມສັກຢາໄດ້ ແລະເປັນວັກແຊງປ້ອງກັນໂຄວິດທີ່ອິນເດຍພັດທະນາເອງຊະນິດທີ່ສອງທີ່ຜ່ານການຍອມຮັບຈາກລັດຖະບານຕໍ່ຈາກວັກແຊງໂຄວາຊິນ ຊຶ່ງເປັນວັກແຊງເຊື້ອຕາຍຜະລິດໂດຍບໍລິສັດ ໄບໂອເທກ.

----

ໜັງສືພິມ ເສດຖະກິດ-ສັງຄົມ

แชร์