ໂຊລວີເດີມ ນຳສະເໜີຜະລິດຕະພັນເພື່ອຄວາມງາມໃນງານທັອບໄທແບຣ 2019

  ໂຊລວີເດີມ (Solvederm) ເປັນບໍລິສັດທີ່ຜະລິດ ແລະ ຈໍາໜ່າຍສິນຄ້າເຄື່ອງສໍາອາງແກ້ບັນຫາຜິວຈາກການເປັນສິວ, ຝ້າ, ກະ ແລະອື່ນໆຊຶ່ງນໍາເຂົ້າ ສ ປປ ລາວ ເພື່ອໃຫ້ສັງຄົມລາວໄດ້ຊົມໃຊ້ໃນການແກ້ໄຂບັນກ່ຽວກັບຜິວພັນພິເສດແມ່ນສາວໆ ແລະໝຸ່ມຫຼໍ່ທີ່ມີບັນຫາສິວ, ຝ້າ, ກະ, ຜິວທີ່ແພ້ງ່າຍ, ລວມເຖິງຮອຍດ່າງດໍາຕ່າງໆ, ທັງຍັງເປັນການເປີດໂອກາດໃຫ້ຜູ້ທີ່ມີຄວາມສົນໃຈ ຫຼື ຕ້ອງການສະໝັກເປັນຕົວແທນຈຳໜ່າຍສາມາດເຂົ້າມາພົວພັນໄດ້.

  ທ່ານ ນາງ ນາລິດສະລາ ອິນທະລາສັກ ກໍາມະການຜູ້ຈັດການ Solvederm  ໄດ້ນໍາສະເໜີຜະລິດຕະພັນເຄື່ອງສໍາອາງໃນງານວາງສະແດງສິນຄ້າ Top T hai Brands 2019 ຢູ່ທີ່ສູນການຄ້າລາວ-ໄອເຕັກ ນະຄອນຫຼວງວຽງຈັນ ເມື່ອວັນທີ 6 ມີນາຜ່ານມາວ່າ: ບໍລິສັດ ໂຊລວີເດີມ ຈໍາກັດ ໄດ້ສຶກສາຄົ້ນຄວ້າ ແລະເຮັດການ ຜະລິດເຄື່ອງສໍາອາງຕ່າງໆໃນຍີ່ ຫໍ້ Solvederm ເປັນເວລາຫຼາຍ ກວ່າ 10 ປີ, ໃນນັ້ນທາງບໍລິສັດໄດ້ມຸ້ງເນັ້ນການວິໄຈ ແລະພັດທະນາເຄື່ອງສໍາອາງສູດບໍາບັດ ແລະ ສະປາຜິວຂັ້ນສູງ ໂດຍນໍາເອົາສານ ສະກັດ ແລະສະໝຸນໄພຕ່າງໆເປັນຕົ້ນແມ່ນເຂົ້າຈ້າວຫອມມະລິ, ຮັງນົກ, ໂສມເກົາຫຼີຄໍາ ແລະອື່ນໆທັງໃນປະເທດໄທ, ຍີ່ປຸ່ນ, ເກົາຫຼີ ແລະ ເອີຮົບມາປະສົມປະສານ ເພື່ອພັດທະນາຜະລິດຕະພັນຍີ່ຫໍ້ Solvederm ໃຫ້ມີປະສິດທິພາບສູງຂຶ້ນ.

   ປະຈຸບັນຜະລິດຕະພັນ Solve derm ປະກອບມີ: ຄີມບໍາລຸງສໍາລັບຜິວແພ້ງ່າຍ, ຄີມກັນແດດ, ຄີມບໍາລຸງຜີວຕອນກາງຄືນ, ແຜ່ນໝາກໜ້າ, ຄີມລຶບຝ້າ-ກະ ແລະ ຮອຍດ່າງດໍາຕ່າງໆ, ຄີມບໍາລຸງຜົມ ແລະອື່ນໆ ຊຶ່ງມີລາຄາເລີ່ມຕົ້ນ 75 ພັນກີບ. 

  ຈາກການສຶກສາຄົ້ນຄວ້າດັ່ງກ່າວເຮັດໃຫ້ຜະລິດຕະພັນ Sol vederm ໄດ້ຮັບການຢັ້ງຢືນ ອຢ ຈາກກະຊວງສາທາລະນະສຸກແຫ່ງຣາດຊະນາຈັກໄທ  ແລະໄດ້ຢືນຢູ່ໃນໜຶ່ງຂອງຫຼາຍໆຜະລິດຕະພັນຄວາມງາມຍີ່ຫໍ້ດັງຂອງໄທ, ສໍາລັບ ສປປ ລາວ ໄດ້ເລີ່ມເຂົ້າມາຈໍາໜ່າຍຢູ່ນະຄອນຫຼວງວຽງຈັນ ໃນຕົ້ນປີ 2019 ນີ້ ໃນໂຄງການຂາຍຊ່ອງທາງການຕະຫຼາດຜະລິດຕະພັນສະໝຸນໄພໄທໃນບັນດາໂຮງໝໍຂອງ ສປປ ລາວ ເຊັ່ນ: ໂຮງໝໍມະໂຫສົດເສດຖະທິລາດ 5 ເມສາ, ມິດ ຕະພາບ 150 ຕຽງ ແລະບັນດາໂຮງໝໍເມືອງຂອງນະຄອນຫຼ ວງວຽງຈັນ ນອກນີ້ຍັງມີຈຳໜ່າຍຢູ່ນໍາຮ້ານໃສສະອາດການຢາ ຫຼື ວີແວວ ແລະບີບິວຕີ້ (ບໍ່ມີໃນຮ້ານເຄື່ອງສໍາອາງທົ່ວໄປ).

  ຖ້າຫາກທ່ານໃດສົນໃຈຢາກເປັນຕົວແທນຈໍາໜ່າຍ ຫຼື ຊື້ເພື່ອບໍລິໂພກເອງສາມາດຕິດຕໍ່ໄດ້ນໍາຕົວແທນໃສສະອາດການຢາ (ວີ ແວວ), ບີບິວຕີ້ ຫຼື ເຟດສບຸກ Solvederm, ພິເສດໃນງານວາງສະແດງສິນຄ້າ Top Thai Brands 2019 ລະຫວ່າງວັນ 6-10 ມີນານີ້ ທາງບໍລິສັດມີໂປຣໂມເຊິນ ຫຼາກຫຼາຍລາຍການ ແລະຈະໄດ້ຮັບສິດທິພິເສດໃນການໃຫ້ຄໍາປຶກຫາກ່ຽວກັບສຸຂະພາບຜິວຈາກແພດຜູ້ຊ່ຽງຊານຈາກປະເທດໄທນໍາອີກ.

ໂດຍ: ກິ່ງລັດຕະນະ 

แชร์