ເປີດສັບປະດາວັດທະນະທຳ ແລະທ່ອງທ່ຽວຈີນ

   ເພື່ອສະເຫຼີມສະຫຼອງການສ້າງຕັ້ງສາຍພົວພັນທາງການທູດ ລາວ-ຈີນ ຄົບຮອບ 60 ປີ ແລະປີມິດຕະພາບລາວ-ຈີນ, ພາຍໃຕ້ການຊີ້ນຳຂອງກະຊວງວັດທະນະທຳ ແລະທ່ອງທ່ຽວ ສປ ຈີນ, ສູນວັດທະນະທໍາຈີນ ປະຈໍາລາວ ຮ່ວມກັບພະແນກວັດທະນະທໍາ ແລະ ທ່ອງທ່ຽວແຂວງກ່ານຊູ້ໄດ້ເປີດງານສັບປະດາວັດທະນະທໍາ ແລະທ່ອງທ່ຽວຈີນ “ດົນຕີປະສານສຽງບົນເສັ້ນທາງສາຍໄໝ-ກ່ານຊູ້ດິນແດນແຫ່ງຄວາມກົມກຽວ” ຂຶ້ນໃນວັນທີ 16 ສິງຫານີ້, ທີ່ສູນວັດທະນະທໍາຈີນປະຈໍາລາວໂດຍການໃຫ້ກຽດເຂົ້າຮ່ວມຕັດແຖບຜ້າເປີດງານຂອງ ທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງຖະແຫຼງຂ່າວ, ວັດທະນະທໍາ ແລະທ່ອງທ່ຽວ (ຖວທ), ທ່ານ ຈ່ຽງຈ່າຍ ຕົ່ງ ເອກ ອັກຄະລັດຖະທູດຈີນປະຈໍາລາວພ້ອມດ້ວຍແຂກຖືກເຊີນເຂົ້າຮ່ວມ. 

   ທ່ານ ເສິນເຫວີຍຈົ່ງ ຫົວໜ້າພະແນກວັດທະນະທໍາ ແລະທ່ອງທ່ຽວແຂວງກ່ານຊູ້ໄດ້ມີຄໍາເຫັນທາງໄກຜ່ານທາງອອນລາຍວ່າ: ປີນີ້ພໍດີເປັນປີທີ່ສ້າງຕັ້ງສາຍພົວພັນ ທາງການທູດລະຫວ່າງລາວ-ຈີນ ຄົບຮອບ 60 ປີ.

   ໃນໄລຍະ 60 ປີທີ່ຜ່ານມາ,ປະເທດລາວ-ຈີນມີແນວຄິດຈິດໃຈເຊື່ອມໂຍງກັນ ແລະມີການໄປມາຫາສູ່ກັນດ້ວຍຄວາມຈິງໃຈ,ແຂວງກ່ານຊູ້ມີອານາເຂດທີ່ກວ້າງຂວາງ, ມີທິວທັດທໍາມະຊາດທີ່ສວຍສົດງົດງາມ, ມີພູພຽງຫວງຖູທີ່ເປັນດິນເຫຼືອງ, ມີທົ່ງຫຍ້າທີ່ກວ້າງໃຫຍ່, ມີທະເລຊາຍໂກປີ້ທີ່ກວ້າງຂວາງ, ມີຫ້ວຍນໍ້າກ້າມທີ່ໃສສະອາດ ໄດ້ປະກອບເປັນຮູບພາບທີ່ສະຫງ່າງາມ, ເໝືອນກັບວ່າເປັນຄະທາຢູ ອີ້ອັນໜຶ່ງທີ່ໄດ້ແກະຄວັດຢ່າງລະອຽດສວຍງາມຈົນເກີນທຳມະຊາດທີ່ໄດ້ຝັງໄວ້ໃນເຂດຕາເວັນຕົກສ່ຽງເໜືອຂອງປະເທດຈີນ, ໄດ້ປ້ອງກັນປາກທາງເຂົ້າຂອງເສັ້ນທາງສາຍໄໝ, ໄດ້ເຕົ້າໂຮມເນື້ອແທ້ຂອງສີ່ອະລິຍະທໍາໃຫຍ່ ແລະໄດ້ສືບທອດທາດແທ້ຂອງອະລິຍາທໍາຊົນຊາດຈີນ, ເນື່ອງຈາກໄດ້ຮັບຂອງຂວັນຈາກປະຫວັດສາດ ແລະທຳມະຊາດ, ຈຶ່ງໄດ້ເຮັດໃຫ້ຮີດຄອງປະເພນີ “ດົນຕີປະສານສຽງບົນເສັ້ນທາງສາຍໄໝ-ກ່ານຊູ້ດິນແດນແຫ່ງຄວາມກົມກຽວ” ມີແຂວງກ່ານຊູ້ເອກະລັກພາກພື້ນອຸດົມສົມບູນ ແລະມີວັດທະນະທໍາທີ່ມີຫຼາກຫຼາຍສີສັນ.

   ເນື່ອງໃນໂອກາດທີ່ພະແນກວັດທະນາທໍາ ແລະທ່ອງທ່ຽວແຂວງກ່ານຊູ້ ແລະສູນວັດທະນະທໍາຈີນປະຈໍາລາວໄດ້ຮ່ວມກັນປະຕິບັດໂຄງການຮ່ວມມືລະຫວ່າງກະຊວງ, ແຂວງປະຈຳປີ 2021 ສອງຝ່າຍຮ່ວມກັນຈັດງານສັບປະດາວັດທະນະທຳ ແລະທ່ອງທ່ຽວ “ດົນຕີປະສານສຽງບົນເສັ້ນທາງສາຍໄໝກ່ານຊູ້ດິນແດນແຫ່ງຄວາມກົມ ກຽວ”.

   ທ່ານ ນາງ ຫຼີຢີ່ຜິງ ຫົວໜ້າສູນວັດທະນະທໍາຈີນປະຈໍາລາວໄດ້ປະກອບຄຳເຫັນວ່າ: ປີ 2021 ເປັນປີແຫ່ງສີລິມຸງຄຸນ, ເປັນປີສ້າງຕັ້ງ ພັກກອມມູນິດຈີນຄົບຮອບ 100 ປີ, ທັງເປັນປີສ້າງຕັ້ງສາຍພົວພັນທາງ ການທູດລະຫວ່າງລາວ-ຈີນຄົບ ຮອບ 60 ປີ ແລະປີມິດຕະພາບລາວ-ຈີນ. ເພື່ອສະເຫຼີມສະຫຼອງເຫດການອັນຍິ່ງໃຫຍ່ທີ່ມີຄວາມໝາຍ ຄວາມສໍາຄັນ ແລະລັກສະນະພິເສດທາງດ້ານປະຫວັດສາດ, ສູນວັດທະນະທໍາຈີນປະຈໍລາວໄດ້ ຈັດກິດຈະກໍາແລກປ່ຽນວັດທະນະທໍາຫຼາກຫຼາຍກິດຈະກໍາຊຶ່ງກິດຈະກໍາໃນມື້ນີ້ກໍເປັນກິດຈະກໍາສໍາຄັນໜຶ່ງຂອງການແລກປ່ຽນວັດທະນະທໍາ ແລະ ທ່ອງທ່ຽວລະຫວ່າງ ລາວ-ຈີນ ຊຶ່ງໄດ້ນໍາເອົາທິວທັດທະເລຊາຍໂກປີ້ທັງມະຫັດສະຈັນທັງເດັ່ນສະຫງ່າ; ໄດ້ນໍາເອົາສັນຍາລັກວັດທະນະທໍາຂອງຕຸ່ນຫວງ, ສາສະໜາພຸດ ແລະເທບທິດາອັນລໍ້າຄ່າ; ໄດ້ນໍາເອົາສະເກັດ ແລະຜະລິດຕະພັນວັດທະນະທໍາອື່ນໆ; ໄດ້ນໍາເອົາສິລະປະການຕັດເຈ້ຍ, ສິລະປະຮູບແຕ້ມເຫຼັກດາດ,ຮູບພະກ່ານນານ ແລະອື່ນໆທີ່ເປັນຜະລິດຕະພັນມໍລະດົກວັດທະນະທໍານາມມະທໍາ ແລະຫັດຖະກໍາທ່ອງທ່ຽວມາວາງສະແດງໃນງານ.

   ທ່ານ ນາງ ແພງຈັນ ແພງເມືອງ ຫົວໜ້າກົມແຜນການ ແລະຮ່ວມມືສາກົນກະຊວງ ຖວທ ໄດ້ປະກອບຄຳເຫັນພາຍໃນງານວ່າ: ຂອບໃຈເປັນຢ່າງສູງຕໍ່ການພະຍາ ຍາມໃນການແລກປ່ຽນ ແລະຮ່ວມມືລະຫວ່າງລາວ-ຈີນຂອງສະຖານທູດ ສປ ຈີນ ປະຈໍາລາວ ແລະຍັງໄດ້ຕີລາຄາຢ່າງສູງຕໍ່ສູນວັດທະນະທໍາຈີນປະຈໍາລາວທີ່ໄດ້ຈັດງານສັບປະດາວັດທະນະທໍາ ແລະທ່ອງທ່ຽວຈີນ “ດົນຕີປະສານສຽງບົນເສັ້ນທາງສາຍໄໝກ່ານຊູ້ດິນແດນແຫ່ງຄວາມກົມກຽວ” ແບບມາດຕະຖານສູງໃນໄລຍະເວລາທີ່ສໍາ

ຄັນເພື່ອສະເຫຼີມສະຫຼອງການສ້າງຕັ້ງສາຍພົວພັນທາງການທູດ ລາວ-ຈີນ ຄົບຮອບ 60 ປີ ແລະ ປີມິດຕະພາບລາວ-ຈີນດັ່ງກ່າວ, ທີ່ສົ່ງເສີມຊັບພະຍາກອນດ້ານການທ່ອງທ່ຽວ ແລະວັດທະນະທໍາແຂວງກ່ານຊູ້, ເຮັດໃຫ້ປະຊາຊົນລາວໄດ້ສໍາຜັດກັບທິວທັດທໍາມະຊາດທີ່ງົດງາມ, ມໍລະດົກວັດທະນະທໍາໂລກທີ່ມີຊື່ສຽງຂອງແຂວງກ່ານ ຊູ້, ຮີດຄອງປະເພນີທີ່ເລິກເຊິ່ງ ແລະມີເອກະລັກ, ເພື່ອເປີດກວ້າງໃຫ້ຄົນລາວໄດ້ຮູ້ຈັກແຂວງກ່ານຊູ້, ສໍາຜັດແຂວງກ່ານຊູ້ ແລະຫຼົງໄຫຼແຂວງກ່ານຊູ້.

แชร์