ອຸນຫະພູມໂລກເດືອນກໍລະກົດຮ້ອນທີ່ສຸດໃນຮອບ 142 ປີ

    ອາເມລິກາເປີດເຜີຍວ່າເດືອນກໍລະກົດທີ່ຜ່ານມາໂລກຮ້ອນທີ່ສຸດໃນປະຫວັດສາດສ່ວນອາຊີຮ້ອນທີ່ສຸດໃນຮອບ 11 ປີ.
  ຕາມຂ່າວຕ່າງປະເທດລາຍງານວ່າສຳນັກງານສະໝຸດສາດ ແລະຊັ້ນບັນຍາກາດແຫ່ງຊາດຂອງອາເມລິກາເປີດເຜີຍວ່າເດືອນກໍລະກົດທີ່ຜ່ານມາເປັນເດືອນທີ່ອຸນຫະ ພູມສະເລ່ຍທົ່ວໂລກສູງທີ່ສຸດໃນປະຫວັດສາດນັບຕັ້ງແຕ່ເລີ່ມບັນທຶກສະຖິຕິໃນເມື່ອ 142 ປີທີ່ຜ່ານມາ, ຊຶ່ງອຸນຫະພູມຂອງພື້ນດິນ ແລະໜ້ານໍ້າມະຫາສະໝຸດສູງກວ່າອຸນຫະພູມສະເລ່ຍຂອງສັດຕະວັດທີ່ 20 ຢູ່ທີ່ 15,8 ອົງສາເຊ ເຖິງ 0,93 ອາສາເຊ ແລະສູງກວ່າສະຖິຕິເກົ່າຂອງເດືອນກັນຍາປີ 2016 ເຖິງ 0,01 ອົງສາເຊ, ໂດຍປົກກະຕິແລ້ວເດືອນກັນຍາເປັນເດືອນທີ່ມີອຸນຫະພູມໂລກສູງທີ່ສຸດຂອງປີແຕ່ເດືອນກໍລະກົດປີນີ້ທຸບສະຖິຕິຂອງຕົວເອງເປັນເດືອນກໍລະກົດທີ່ຮ້ອນທີ່ສຸດ ແລະເດືອນທີ່ຮ້ອຍທີ່ສຸດເທົ່າທີ່ເຄີຍມີມາ.


   ຢ່າງໃດກໍຕາມລາຍງານໂດຍໜ່ວຍງານຕິດຕາມການປ່ຽນແປງຂອງສະພາບອາກາດໂຄເປີນິຄັສຂອງສະຫະພາບເອີຣົບໃນເດືອນທີ່ຜ່ານມາລະບຸວ່າເດືອນກັນຍາທີ່ຜ່ານມາເປັນເດືອນທີ່ຮ້ອນສຸດອັນດັບ 3 ຂອງໂລກຂະນະທີ່ອົງການນາຊາລະບຸວ່າເດືອນກັນຍາປີນີ້ຮ້ອນທີ່ສຸດເປັນອັນດັບ 2 ຂອງໂລກ.

แชร์